النهار شوفة أو تعارف بغيت نشارك معاكم حوايج لتقدروا تاخدوا منهم أفكار
شنو كيكون فنهار الشوفة او التعارف :
🌸 نهار الشوفة هو فين كيتعرفو العائلات ديال العريس 🤵🏻 و العروسة 👰 على بعضياتهم و كيكون قبل الخطوبة فشنو خاص يكون فهاد النهار 🌸
1- اول حاجة خاص العروسة دعي الله يدير لي فيها الخير و تصلي صلاة الاستخارة ❤
2- كتجمعو الدار 🏡 مزيان خاصها تكون نقية و متولة و ماشي بالضرورة تشريو فراش جديد خليو غير داكشي لي عندكم المهم هو التاويل 😘
3- تجهز العروسة نفسها قبل (تقشير الوجه, ماسكات للوجه, ماسكات و زيوت للشعر...)
4- نهار الشوفة ديري بروشينگ سامبل و مكياج 💄 خفيف بزااف لي ميبانش انك دايرة الماكياج (gloss خفيف, ماسكارا شفافة, شفار ممنوع, les lentilles ممنوع, bb crème)
خاصك تباني طبيعية باش فاش يمشيو الناس فحالهم ميقولوش ماشي جمال طبيعي كلها صباغة 😂
⚠️ متقطعيش شعرك و لا تغيري ليه لون هادشي يقدر ينعكس عليك بشكل سلبي حينت يقدر ميجيش معاك هداك التغيير لي غادة ديري فآخر لحظة
5- لبسي قفطان خفيف سامبل بلا حزام و لا كاندورة و فاللون لي كيجي معاك و وياك تلبسي بيجامة حشومة راه مديورة غير للنعاس
6- واحد الحاجة مهمة بزاف فاش يجيو عائلة العريس خاص العروسة تبقى فبيتها متخرجش حتى يعيطو عليها
7- ماشي العروسة لي دور صينية على الضياف حينت كتكون مرتبكة تخلي شي حد آخر لي يتكلف
8- نجيو دابا لشنو خاصنا نوجدو لضياف لي جايين فهادشي كيبقى على حسب مثلا الى كانو غادي يجيو فالعشية ديرو ليهم goûter (مملحات, صابلي, حلوى برستيج, jus, اتاي, قهوة, بغرير, مسمن,...)
اما الى جاو فالعشا كديرو يا إما بسطيلة و لحم بالبرقوق أو الدجاج محمر و اللحم بالبرقوق و من مورا العشا ديسير بطبيعة الحال
9- العروسة يكون كلامها موزون مع الناس ماشي تبقى غير كتهضر و خاص صوتها فالهضرة يكون معتدل حينت الى كان مرتفع غادي يقولو قبيحة و الى كان منخفض بزاف غادي يقولو معندهاش الثقة فراسها
10- العريس خاصو يجيب معاه (الورد ضروري, شوكولا, حلوى...) المهم على حسب كل منطقة و عاداتها و على حسب المستطاع ديال العريس
.
.
❤ و اي جوج ناويين الحلال الله يسهل عليهم و يكمل عليهم بالخير ياربي ❤
بس:شاركوا معنا حتى نتما الأفكار ديالكم
أخر حاجة شي دعيوة و متنساوش دخلوا تشتركوا في قناتي على اليوتيوب حبيباتي
اسمها :fatimazahra elanbari
دعموني
