السلام عليكم ورحمة الله وبركاته.. بصراحة لا اخفيكم ي اخواتي ف الله جدددددا مرهقه نفسيا وجسديا ومعنوياااا.. ضغوووط نفسية وجسدية.. انهكت حيلي.. مااخفيكم نومي وطعامي مو مرتب ولا له وقت محدد والسبب ف ذلك زوجي حفظه الله وهداه وسخره الله لي
.. صلاة الفجر انام عنها ٩٥ ٪ ليس تعمدا وانما بسبب التاخر بالنوم.. لدي شقة مكونة من ٤ غرف وصالة ومطبخ وحمامين كبيرة نوعا ما..
ولدي ٣ ابناء بنت وولدين اكبرهم الولد صف خامس جدااااا حركي وكثير كلام وكثير اسئلة وشقي ويكره الدراسه ولا يحب الا الالعاب والتلفاز .. البنت هادئه نوعا ما وتذاكر وتهتم لما اناديها نادر تعلل.. الصغير ولد ٣ سنين مهبل فيني حركي ايضا ويكسر اي شي يصير بيده ويدلع رافع لي ضغطي مااقدر اترك باب مفتوح الا ويدمر الدنيا.. رغم انه عيالي مااخليهم يلعبوا بالعاب الجوال كثير محدده لهم من بداية الدراسه فقط خميس وجمعه ٤ساعات وتلفزيون نادر جدا افتحه لهم.. انام ٢ او ٣ مااصلي الوتر بتاتا كل ماجيت اصلي استمر فترة واترك.. وتعبت من مذاكرتهم ومن تربيتهم. ودي اعلمهم اشياء تنفعهم واتفضى للعب معاهم وبرضه ودي اتفضى للاهتمام بنفسي وبننتي والله مااكذب عليكم احيانا مالاقي وقت امشط شعري او شعرها.. كله تنظيف طبخ مذاكرة.. لو البيت مو نظيف تتعب نفسيتي وممكن اتسدح وارمي كل شي وراء ظهري لين تجيني جرعة طاقة وانظف.. عندي نقص بالحديد وفقر دم اخذ علاج واحفظ قران ولكن والله كاني ماحفظت وقلت لنفسي الاهم اني اقرا يوميا واسمع افضل من لاشي.. الحمدلله احافظ ع صلاتي بس والله ماادري ايش قلت وايش قرات وكم ركعه.. يلا انتظركم تساعدوني قلت لكم عيوبي والله جدا مرهقه.. وايضا لو ماصرت مشغولة كذا اخس امراض الدنيا فيني وكل يوم عند طبيب 😭😭😭😭 من تجاربكم وخبراتكم وش الحل انتبهوا تقولوا رقية شرعية لانه عجزت استمر بشييييييييي.
