هدوء_قاتل_الحلقة الثالثة 1 😱😱

#هدو��_قاتل_قصص
#هدو��_قاتل_3 #هدو��_قاتل
الحلقة الثالثة 1

قالت حنين كان بإيدي قداحه فاضية.. وبعتلك مسج أنا نازلة أخد أكل من المطبخ بس مارديتي.. لهيك قررت انزل وأخد وحدة ولما نزلت لقيت الكل مستنفر وعم يروح لباب التسوية وأنا مو فاهمه شي.. وفجأة شفتك جاية وعم تتطلعي عليه مابعرف كيف.. خفت وخبيتها.. قلتلها ليه لتخبيها.. وشو كان بدك بالقداحه بنص الليل وليه بعتيلي نازلة أخد أكل إذا جاية توخدي قداحه ؟!.. مو غريب هالشي.. قالت شو انتي عم تحققي معي !!.. حماي قلها قولي لنعرف.. قالت لأنه أنا بدخن هلأ انبسطتي!.. استغربو من كلامها وأنا ما اقتنعت أبداً.. حسيت في شي ناقص خصوصاً نظرات دينا ونور اخواتها.. كأنه في شي مابدهم يقولوه.. دخلت بسرعه لغرفتي وقلت لأمي الحقيني.. قالت شو بدك.. قلتلها ليه كذبتي قدام الشرطة وقلتي إنه نسيتي جواز السفر وأنا بعرف إنه معك.. قالت لو قلت مارح تصدقي.. قلتلها قولي!.. قالت حسيت إنه رح يصير شي.. حسيت إنه رح يصير مصيبة.. قلبي قلي أرجعي.. قلتلها بتحكي جد.. مجرد إحساس خلاكي تلغي سفرتك وتيجي.. قالت ايوه.. الشرطة مارح تصدق إنه قلب الأم بحس.. بس أنتي رح تصدقي.. بنتي أنا حسيت فيكي.. بعدتها عني وحسيتها فعلاً كذابه.. مو معقول.. كلامها مو معقول!.. انا توترت وصرت خايفه منهم كلهم.. مابعرف شو يلي صار.. ضليت ابكي طول الليل ومسكره بابي.. لوحدي بس معي إبني معتز وكان غيره مابدي أشوف.. وفجأة قلي وأنا حاضنته.. مجد قلي شي قبل لينزل على التسوية.. قلتله شو قلك؟!.. قلي في صوت ناداه من تحت بإسمه وقله تعال أخبيك عندي.. وهوه راح لتحت فوراً وبدون خوف.. بس أنا خفت.. قلتله ابني شو هالحكي وليه ماقلت للشرطة وماقلتلي.. قال لأنه خفت.. الصوت هاد طلب مني أنزل معه كمان.. من بعد مانزل.. رحت لأناديه.. سمعت صوت بقلي معتز أنزل.. أنا تحت بدي أخبيك.. بس أنا رجعت وكنت رايح احكي لافين.. بس لقيتها خلصت عد.. لهيك تخبيت فوراً بالصالة ورا الستارة وكنت خايف على مجد.. وماقلت لأنه تيتة مريم قالت يلي بنزل لتحت رح يتعاقب.. قلتله ليه ماقلت طيب انك سمعت صوت واحد!!.. قال خفت منه يقتلني متل مجد!.. حكيتله وانت شو بعرفك انه مجد نزل تحت لينتقل!!.. سكت وماجاوب.. قلتله حبيبي أحكي شو عرفك !.. قال سمعت صوت مجد بأذني عم بقلي أنا رح أنقتل وماتقول لحدا هالشي.. حكيتله كيف سمعته.. انت قلت انك كنت عند الستارة لأنه افين بتدوّر عليك.. والتسوية بعيدة كتير عن الصالة.. كيف سمعت؟.. قلي مابعرف.. الصوت كان بأذني كأنه مجد جنبي بالزبط.. كنت سامعه منيح وطلب مني ما أحكي.. أنا بهاللحظة أرتعبت.. قلتله كيف صوت الشخص يلي ناداك بإسمك؟.. قلي صوت غريب.. خشن وبحكي ببطئ وواطي.. بس واضح كتير ومسموع.. وخايف أقلك شو قلي من شوي.. قلتله من شوي!!.. حكالي ايوه هوه لسه بحكي معي.. تطلعت عليه مستغربه وسكتت.. وقلتله بصوت خايف.. شو قلك؟.. قلي اقتل امك.. بقلي لا تقلها.. بس أنا قلتله رح أقتله هوه لأنه قتل أخوي.. حكيتله حبيبي انت يمكن تعبان لأنه اخوك صار فيه هيك.. هوه بالجنة هلأ لا تزعل عليه.. نام وارتاح انت تعبان.. قلي لأ ماما.. هوه هون.. وخايف يقتلني.. أنا عشان هيك قلتلك.. أنا مو تعبان أنا سامع صوته بالبيت.. حكيتله وين؟.. تطلع بالغرفه.. يمين ويسار.. وفجأة تطلع وراي وقلي.. ورا.. حكيتله وين؟ هون حيط.. مافي شي.. قلي ورا الحيط.. بالحديقه موجود.. غمضت عيوني وتوترت.. حضنته وشديت عإيده وقلتله ماتخاف انا معك ماما.. فتحت الشباك وشديت طرف الستارة شوي لأشوف مين برا.. حكيتله مافي حد.. سكت مرة تانيه.. منظر وجهه كان بوحي إنه فعلاً في شي كان صاير ماقاله.. وشي مخوّفه وشي حاسّه.. مسكته وقلتله قوم معي.. لا تحسس يلي برا إنه في شي.. ولو سألوك وين رايحين ماتجاوب أنا رح أحكي.. لا تقول هاد الكلام يلي قلتلي ياه لإلهم ماشي حبيبي.. قلي ماشي ماما.. فتحت الباب ومشيت معه وأنا شاده على إيده.. كانو لسه قاعدين برا.. كلهم.. سألني زوجي لوين؟.. قلته بدي أشم شوية هوا.. مخنوقه.. ابني رح يضل معي.. طالعين عالحديقه برا.. قالت مريم.. الها عين تشم هوا كمان.. بعد ماحبيبها قتل ابنها.. لك اخص.. امي قالتلها لو سمحتي احترمي نفسك.. بنتي مربية ولو عرفت حدا قبل ابنك هاد مو عيب.. هيه ماخانته.. فاهمه!.. اشتبكو مع بعض.. وكنت مستغربه انه امي لأول مرة واقفه معي هيك.. فتحت الباب وطلعت وصوتهم كان عالي جوا وهمه بتخانقو.. قلتله حبيبي نحنا بالحديقه.. قلي وين الصوت من وين جاي.. قلي الصوت سكت.. مافي صوت.. وفجأة ترك إيدي وصار يمشي.. حكيتله معتز حبيبي لا تبعد عني.. وين رايح!.. حط إيده على تمه كأنه بقلي هششش.. لا تطلعي صوت.. صار يمشي وأنا خايفه عليه.. بمشي وأنا وراه.. بمشي بهدوء وأنا بلحقه.. صار يلف حوالين البيت.. والحديقه مظلمه من ورا.. وزوجي فاتح ضو واحد من عند الباب الرئيسي وباب المطبخ عشان الخوف من بعد يلي صار.. بقي يمشي لوصل لباب المخزن الصغير يلي بودّي على التسويه.. أشّر عليه وحكالي هون بدون لينطق.. هزيت براسي.. قلي ماما هون الصوت.. بنادي معتز بصوت واطي.. تطلعت حواليه..
يتبع