نصيحه اتيكيت لكل بنوته أو ست بيت متفوتيهمش مهممممممممممممممممم
وعشان متبقيش بطه وتبقي موووزه حلوه كده هقولك علي حاجات بسيييطه هتفرق اووي صدقيني ليه لان دايما الست المصريه بتشتكي من اللي حصلها بعد الزواج وخصوصا بعد الحمل والولادة وتقعد تستعيد ذكرياتها مع صاحبتها لما كانت ورده ورشيقه ونشيطه وعلي رأي الست عاوزنا نرجع زي زمان قول للزمان ارجع يا زمان والحقيقه ان اسلوب حياه الست المصريه هو السبب في التدهور ده... ازاي هقولك
1- الست دايما بتضحي عشان اسرتها واولادهاوبتيجي علي نفسها وبتأخر احتياجاتها عشان بقيه الاسره وده مش كويس ومينفعش يبقي اسلوب حياه
لازم ومن حقك يبقي ليكي نصيب من وقتك لنفسك وكمان الراجل مبيحبش كده وبيقدر اوووي اللي بتاخد بالها من نفسها ولو ملقهاش بيدور عليها....
لااااازم تشوفي نفسك شويه راحتك وصحتك مهمين
2-كتييييييير مننا مش بنهتم باكلنا ولا وزننا الا لما الموضوع يخرج عن السيطره
والهدووم تبتدي تصغر وجوزها يعلق.... ساعتهاونضطر نفرغ وقت وجهد وفلوس وعشان تتفادي ده خصصي وقت بسيييط للرياضه او المشي او حتي يا ستي تمارين في بيتك خفيفه المهم تحريك لجميع جسمك بالكامل
3- كمان مش بنهتم بالفيتامينات بتاعتنا والكالسيوم
الا بقي لما عضمنا ومفاصلنا تبدء توجعنا واسنانا تسوس
وشعرنا يقع وبرضه بيبقي العلاج متاخر
4- آااااااااااه من المظهر داخل البيت احنا نتجوز من هنا ونبدا نهمل في نفسنا ادام جوزنا والهدوم تبقي مبقعه او لابسه بيجامه مش بتاعه بعضها .....
هتقولي مفيش وقت... لاء عندك فيه طيب ازاي هقولك
**خمس دقايق الصبح تصففي شعرك وتحطي كريم لوشك
**خمسه زيهم قبل ما جوزك يرجع من الشغل
تغسلي وشك وتحطي مكياج سريييع
وتلبسي لبس مهندم وحلو كده
5-خصصي يوم في الاسبوع او حتي في الشهر
تروحي فيه للكوافير وتجددي شكلك
6-بالنسبه للصلاه
مشكله اسدال الصلاه اللي بيتحدف في كل مكان
وكل ما تيجي تصلي تقعدي تدوري عليه وتزعقي للولاد.......
خلي فيه اسدالين واحد للصلاه عطريه ولفيه جوه سجاده الصلاه
ومايخرجش منها الا وقت الصلاه
والاسدال التاني خليه للبلكونه او فتح الباب
وممكن تحطي مع اسدال الصلاه سبحه صغنونه
وتستغفري بعد كل صلاه 20 مره
كده يبقي 5 صلوات في 20 يبقي 100 استغفار في اليوم
7- افتكري دايما ان اهتمامك بنفسك وتنميتك لذاتك هياثر عليكي وعلي جوزك
وحاولي متخليش ميزه في اي واحده الا وتوفريها في نفسك قدر المستطاع
وكمان اولادك يحبوا دايما انك تكوني متميزه وكده بتزودي احترامهم ليكي
20 نصيحة #أتيكيت لكل ليدي متفوتيهمش 💔💔💔💔
مفيش بنت فينا ما بيبقاش نفسها انها تتعامل بشياكة و احترام زى ما بنشوف فى المسلسلات و الافلام وفي الحقيقة مع الأميرات زي princess kate مثلا وبنتفرج علي طريقتهم في التعامل مع اللي حواليهم واد إيه بيبقي فيه بساطة وشياكة وبنبقي معجبين جدا بهم..
والحقيقة دى حاجه مش صعبة والموضوع كله فى ايديكى انتى علشان تلاقى الناس من حواليكى سواء فى البيت او فى الشغل او حتى وسط اصحابك و قرايبك بيتعاملوا معاكى بشياكة و احترام كأنك princess بظبط ، لازم انتى كمان تكونى بتحترميهم و بتتعاملى معاهم بشياكة و ذوق علشان تبان اخلاقك الحقيقية الحلوة و يبان جمالك الداخلى اللى مهم زي جمالك الخارجى بالضبط و لانه الفن اللى بيعلمنا ازاى نتكلم و نتعامل مع الناس حوالينا فى المواقف المحتلفة هو فن الاتيكيت، فى المقال ده بنات حوا هتقولك على 20 نصيحة أتيكيت ممكن تغير حياة كل ليدى …
1- لو انتى قاعدة مع جوزك او خطيبك او حتى زميلك فى الشغل و خدتى بالك انه عارف قواعد الأتيكيت و بيقف لما تيجى تقومى من على الترابيزة من قواعد الأتيكيت انك تقعدى على طول و ماتخليهوش واقف كتير .
2- طبعا قاعدة اساسية انه ماتتكلميش ابدا و فى اكل فى بقك ، و يفضل تشربى بق مياة بعد ما تبلعى الاكل و بعدين تتكلمى .
3- لازم تاخدى بالك من كلامك و الالفاظ اللى بتستخدميها ، الكلمة الحلوة تقدرى بيها تكسبى اى حد .
4- لازم تلبسي علي حسب المناسبة وتعرفى ايه هو اللبس اللى يمشى مع المناسبات المختلفة .. بتفرق قوي!
5- نصيحة أتيكيت مهمة جدا هى انك ماتطلبيش اى حد فى التليفون قبل 9 الصبح و بعد 9 بالليل .
6- لما تقابلى حد جديد بدل ما تقولى ” اهلا ” بس ، يفضل انك تسلمى و تقولى ” اتشرفت بمعرفتك ” او ” فرصة سعيدة ” .
7- وقت العزومة او لو فى اجتماع او بتاكلى مع اصحابك فى النادى مثلا اعملى الموبايل silent .
8- نصيحة أتيكيت مهمة جدا انك لما تطلبى حاجه تقولى ” لو سمحت ” او ” من فضلك ” و كمان تقولى ” شكرا ” .
9- لما تيجيى تجاملى حد او تشكرى حد على حاجه حاولى تكونى تقصدى اللى بتقوليه فعلا و يكون طالع من قلبك.
10- اللى بيخلى أي بنت تبقي ليدى هى اخلاقها ، علشان كده الليدى لازم تساعد الناس من حواليها ، فلو لقيتى حد كبير فى السن مثلا قومى و خليه يقعد مكانك ووفريله أو مساعدة تقدري تقدميها.
11- لو اتعزمتى على حفلة او فرح لازم تقرى الدعوة كويس و لو فيها قواعد معينة فى اللبس او عدد الضيوف لازم تلتزمى بيها .
12- وقت العزايم ماينفعش ابدا تروحى من غير هدية ، الهدية هتبين تقديرك و حبك لصاحبة العزومة .
13- لازم تكون كلمتك واحدة ، يعنى ماتقوليش حاجه الا اذا كنتى تقصديها و لو وعدتى لازم توفى وعدك .
14- لو متفقه على ميعاد مع خطيبك استنيه لما يتصل بيكى و يأكد هو الميعاد ، ماتستعجليش و تتصلى انتى .
15- حطى لنفسك time frame بمعنى انه لازم يبقى معروف عنك انه وقتك منظم و ماينفعش تنزلى تخرجى فى اى وقت ، رتبى خروجاتك على الاقل قبلها بيومين .
16- لو بتقابلى حد لاول مرة علشان تتعرفوا على بعض مثلا حاولى متتقابلوش فى مكان مفضل ليكى او ليه و تكونوا معروفين فيه ، الافضل انكوا تتقابلوا فى مكان جديد و محايد .
17- حاولى ماترجعيش البيت بعد 10 بالليل ، علشان تكونى ليدى لازم تخرجى من البيت و ترجعى فى اوقات مناسبة و مش متأخرة .
18- دايما قدرى اللى الناس من حواليكى بيعملوه علشانك و حاولى دايما تقولى كلمات لطيفة زى شكرا .
19- لو معزومة ع الغدا في مطعم استني اما اللي عازمك يطلب هو الاول علشان تقدري تحددى الطلبات اللي بيطلبها سعرها حوالي اد ايه وتطلبي حاجات بنفس الاسعار تقريبا ولو اصر انك انتي اللي تطلبي الاول حاولي تطلبي حاجات سعرها مناسب متكونش غالية
20_دايما لما حد يكون بيتكلم معاكي سواء بينقاشك او بيفضفضلك لازم تبقي مستمعه جيده وتديله اهتمامك كله وما ينفعش خالص تمسكي تلفونك. الليدي دايما بتظهر اهتمامها ورغبتها في المساعده
علقوا بتم للافاده يا قمرات 😍 ولو حابة منشوراتي توصلك اول بأول اعملي لي متابعه متابعه لصفحتي الشخصيه علشان يوصلك كل جديد 😍
