مهم جدا جدا
سؤال؟!
يا شيخ لو شوفت احد غرقى كوبرى استانلى كان دائما بينزل بوستات عن الغرق وأنه هيموت غرقان ومتحلل و أنه هيموت ومش هيعرف ينقذ حد ، الكلام دا اسمه ايه ؟
و هل هو قانون الجذب اللى فى كتاب السر ليه نسبه من الصحة ؟
الاجابه :-
قال ابن مسعود رضى الله عنه:- البلاء معلق بالنطق به
الجملة دي عظيمة اوي
فعلا صدق ابن مسعود رضى الله عنه
انت بتنطق بالحاجة يقع البلاء بعدها إن مكنش علطول بيبقى بعدها بفترة
سيدنا ابن مسعود اتربى في مدرسة النبي صلى الله عليه وسلم ومقالش الكلام ده من فراغ
النبي صلى الله عليه وسلم زار رجلا أعرابيا كان مريضا فقال النبي لا بأس طهور إن شاء الله
فقال الأعرابي بل هي حمى تفور على شيخ كبير تزيره القبور !
فقال النبي فنعم إذن
عارف ايه اللى حصل للراجل ؟!
مات بس كده
وعلى صعيد آخر لما النبي صلى الله عليه وسلم قال لسعد بن أبي وقاص وكان مريض ولعلك أن تخلف فينتفع بك أقوام ويضر بك آخرون
عارف سيدنا سعد عاش بعدها اد ايه؟
عاش لحد عهد سيدنا معاوية رضى الله عنه يعنى بعد ابى بكر وعمر وعثمان وعلى رضى الله عن الجميع
طاب آخر قصة بقى عشان شكلي طولت عليك معلش!
النبي صلى الله عليه وسلم قال ما من عبد يصاب بمصيبة ثم يقول اللهم أجرني في مصيبتي وأخلف لي خيرا منها إلا أخلفه الله خيرا منها
مين اللى سمع الكلام ده ؟
أم سلمة
المهم في يوم من الأيام زوجها مات فافتكرت دعاء النبي ثم قالت وأي خير بعد أبي سلمة!! ثم قالت الدعاء فتزوجت رسول الله صلى الله عليه وسلم
الخلاصة : لسانك آلة حادة جدا ممكن تحدد مصيرك فقل خيراً او لتصمت .
منقول
