سلم انا طفلة عندي ٢١ سنة دوكا كان عندي وحد الصديق كبير عليا بتلت سنين عجبني وعجبتو وبروبوزالي يعني حب نكونو اكتر من اصدقاء في علاقة غير رسمية ومحبيتش بحكم اني منخرجش بش منتعداش لي الحدود لي دارهم ربي وفهمتو وقعدنا اصدقاء وتفاهمنا مبيد ميفرج ربي ويجي يخطبني هدرنا شهرين هكدك والفنا بعضانا كتر وحد نهار غلطت معاه غلطة خفيفة وداربنا وطلبت منو سماح وسامحني وفات اسبوع مهدرناش مع العلم اني كنت مشغولة مع العرس تع بنت عمتي ومقدرتش نتواصل معاه وهو محوسش كمل عليا .. كي روحت هدرت معاه بعد اسبوع كان يرجعلي بالبارد هدا كي يرجع بسك كان يريح مرات بال ٢٤سا بش يرجع رغم اني كنت نستنا لمساج تاوعو بفارغ الصبر ..طلبت منو يفهمني وش بيه ومحبش يفهمني و بدينا غير نداربو كل منجي نهدر معاه خطرش مكنش مقيمني فات شهر وانا نسيي نتلاقا بيه وجها لوجه بش نفهمو ونعتدرلو ادا كشما درتلو وهو كان مصر ما نتلاقاوش حتى كنت نروح عندو للقسم تع تيدي لي يقرا فيها ومكنتش نلقاه وكنت نشبع التبهديل من عند لبغوف ديالي بسك كان عندي تيدي في نفس الوقت وندخل متأخرة على جالو فاتو ليام حتى نشوفو مع وحدة فلا فاك يدور محوستش نفهم شكونها رحت ديغاكت بلوكيتو خطرش في بالي حتى لو نسقسيه يقولي وش دخلك على حساب كفش تعامل معايا الاونة الاخيرة في نفس الوقت الهاتف ديالي تخسر كنت نپلاصي الشريحة فالتيليفون تع صحبتي مرة على مرة نشوف ادا حوس عليا والو حتى وين طاحتلي لا پوس برا تبحرت يعني ميقدرش كمل يتواصل معايا قررت اني نخرجو مراصي طوال ٥اشهر في الاخير قنعتني صحبتي نروح نسقسي عليه ونعرف كفاش كانت النهايا تع العلاقة ديالنا لانو مكن فيها لاخيانا لا والو حاجا ما باينا قعد كلش مضبب رحت نهدر معاه و في بالي يكون في علاقة غراميا مع هديك الطفلة .. فهمني بلي هديك زميلة ديالو برك وبلي طوال ٥ اشهر مرض على جال القنطة لي حكماتو مجاست ديالي وبلي كره البنات في جرتي وهكدا حتى وليت نحس روحي صح انا المدنبة ووليت نطلب فالسماح وتناسيت كمل المجهودات لي درتهم بعد ما كان زعفان بدون سبب واضح حتى اني من كترت مكرهت حياتي هديك الاونة عاودت عامي ولا بالي مش كمل فالقرايا وكرهت كلش.. كي بديت نطلب فالسماح هو بدا يتكبر عليا كل ما نذل روحي هو يتكبر عليا كتر .. حرت وش ندير دوكا اني في عام كل منتفكرو نبدا نبكي وحدي ونحس روحي انا المدنبة وخطرات نهدر معاه نطمن عليه و كي ما يرجعش نسقسي صاحبو عليه راني فحالة مأساوية عييت منها دبرو عليا وش ندير؟؟؟ بليز!!
