صور لأطباق جديدة👇بطاطا كباب بالبيض.كفتة الدجاج محشية بالجبن.💝صور حلوياتي لهاذا العيد:سابلي بريستيج،باونتي،تشاراك،بقلاوة،حلوى المايزينة،تمر محشي،مقروط👇.💝من أطباقي في رمضان : أرز أصفر مع صلصة التوابل والدجاج و الكفتة،متوم أحمر بالدرسة،تيراميسوبالفواكه،تيراميسو بالشوكولا،خبز الوردة💝المحلبي حبيب سهرة رمضان👇سلطة رمضانية: طماطم محشية .مملحات لذيذة👇،سلطة البيض المعمر..وصفتي الناجحة للمحلبي: 1 لتر حليب+6 ملاعق أكل مملوءة أرز مطحون+ 6 ملاعق سكر+ملعقة صغيرة فانيلا.فنجان ماء الزهر و قشرة ليمون و صفار بيضة.للتزيين،قرفة ،كاوكاو أو لوز مرحي.للسلطة: شرائح طماطم كبيرة,الحشو: أرز مطهو،جلبان و جزر وبطاطا مكعبات صغيرة مطهوة ،زيت زيتون ،خل،ملح،تونة ،معدنوس،بيض مسلوق و مبشور،زيتون مقطع.للمملحات: العجين،3أكواب فرينة،3ملاعق زيت،ملعقتين زبدة طرية و نبسس لعجينة ندخل الدسم في الفرينة نضيف ملعقة صغيرة ملح،نضيف نصف ملعقة خميرة العجين مذابة في قليل من الماء الدافء مع رشة سكر،نضيف بيضة مخفوقة ونجمع بالحليب الدافي للحصول على عجينة طرية.الحشو: لحم مرحي ،فلفل احمر مقطع رقيق،بصل مفروم،توم مدقوق،زيتون مقطع،معدنوس مقطع،طماطم مفرومة ،ملح،فلفل اسود،كمون،كركم.وتقلب المواد على النار حتى تنضج.نفرد العجين ،نقطع دوائر نضع في الوسط قطعة جبن ثم ملعقة حشو و نغلق الأطراف للحصول على شكل قارب.🌸تيراميسو بالفراولة وصفتي الخاصة..لذيييذة:
حضري أولا فلان بالحليب ذوق فراولة و اسكبيه في المول وضعيه يجمد ثم ( غطسي البسكويت بالحبة في عصير فواكه و ستفيه أو وزعيه فوق الفلان ثم وزعي كريمة الباتيسيير "كاس ونصف حليب،2 ملاعق أكل فرينة،2 ملاعق أكل سكر.4 حبات فراولة مطحونة،فانيلا،ملون أحمر،بيضة.تخلط و تقلب على نار متوسطة مع التحريك حتى تعقد واتركيها تبرد" ثم وزعي قطع الفواكه تقدري تستعملي الفراولة وحدها ثم وزعي كريمة الشانتيي وزيني بشرائح الفراولة ومبشور الشوكولا ) ضعيها تبرد في الثلاجة على الأقل 3 ساعات حتى تتماسك و تقدري تخدمي في أواني فردية.وتقدري تعملي طبقتين من البسكويت كما موضح في الصورة لما قسمت التحلية وبعد ماتبرد وتتماسك تقسميها مثل الكيك وهي مناسبة للضيوف و لسهرة رمضان و تقدم باردة مع العصير ~بسبوسة بالفراولة( ابتكرت طريقة مختلفة للبسبوسة بذوق ونكهة الفراولة و غنية و شهية جربوها رح تعجبكم ان شاءالله): المقادير: 2 بيض، علبة ياوورت (زبادي) بذوق الفراولة حجم صغير تفرغيه مع البيض وتستعملي العلبة لقياس المقادير الباقية=1زيت+ 1 سكر + 1 فراولة طازجة مطحونة . قليل من الملون الأحمر ،نخلط ثم نضيف كاس سميد متوسط مع 1خميرة كيميائية 10غ ونخلط .بعد النضج نسقيها بالشاربات =كاس سكر +كاس ونصف ما + ملعقة عصير الليمون.تزين بالفراولة و جوز الهند
~حلوى جافة بدون ببض سهلة،اقتصادية و رائعة المذاق :250غ زبدة،2 كاس شاي زيت،2 كاس شاي سكر رطب (مسحوق)'6 قطع جبن مثلثات نوع جيد،1 ونصف خميرة الحلويات ،فانيلا وتلمي بالفرينة ،اعملي حرابيش وقطعي بالسكين مقروطات،طيبيه من التحت وزيدي ملفوق ،كي يطيب رمديه في السكر الرطب
~مملحات بشكل الكرواسون روعة 👌
العجينة:3 كؤوس فرينة بسيها ب3 ملاعق أكل زيت مع ملعقة زبدة طرية ،أضيفي ملعقة صغيرة ملح،ملعقة أكل خميرة الخبز مذابة في قليل من الماء الدافي مع ملعقة صغيرة سكر،1بيضة،خلطي ولمي بالما الدافي للحصول على عجينة طرية بقوام عجينة البيتزا دعيها تخمر ثم اقسميها نصفين(سوف تحصلين من كل نصف على 8 حبات ).حلي العجينة بشكل دائري بسمك نصف سم و بالسكين شكلي مثلثات مثل ماوضحت بالصورة و ادهني بالزبدة الذائبة وحطي على الاطراف الجبن ولفي للحصول على هلالات. ادهنيهم بالبيض وزينيهم بالجلجلان او السانوج.طيبيهم من التحت ثم حمريهم ملفوق.💖 بسبوسة بالبرتقال لذيذة :ضعي كل المقادير السائلة وهي 2 بيض،(بمقياس كأس شاي صغير) كيلي كاس عصير برتقال وكاس زيت وكاس حليب وكاس سكر عادي مع ملعقة صغيرة فانيلا+مبشور حبة برتقال اخفقيهم ثم كيلي بكاس كبير كيلة سميد متوسط وزيدي ملعقة أكل سميد رقيق مع 1 خميرة كيميائية ونخلط .نفرغها في مول مدهون وبعد النضج نقسمها و نسقيها بالشاربات ونزينها بنوادكوكو .ان كان المول كبير ضاعفي كمية المقادير.ولازم تكون الشاربات باردة اذا كان البسبوسة ساخنة أو العكس.وضحت المقادير بالصور في صفحة خاصة بالبسبوسة.
،سلطة الكرمب اللذيذة والمنعشة: كرمب (ملفوف)مقطع رقيق يُغسل و يصفى جيدا من الماء.نصنع التتبيلة :ملعقة أكل مايونيز،ملعقة أ خل،ملعقة أ زيت زيتون، ملعقة صغيرة موتارد،فص توم مدقوق،ربع ملعقة صغيرة ملح ونخلط ،نضيف معدنوس مقطع،وجزرة مبشورة نخلط ونضيفها للكرمب ويزين بالطماطم،الزيتون ،يمكن تقديمه فوق الخس ويضاعف المقدار حسب كمية الكرمب ..إنها سلطة مقرمشة ولذيذة ومنعشة وصحية من أفضل أنواع السلطة عندي.وبالهنا والشفا.
🍝كوسة محشية بطريقة سريعة،لذيذة..🍅:
نحفر الكوسة أو القرعة ونعمرها بالحشو ونقليها في الزيت حتى تنضج لاتستعملي حبات كبار.نجهز صلصة الطماطم:زيت زيتون،طماطم مرحية،معدنوس،توم،ملح،فلفل اسود،كركم،كمون،فلفل احمر نضع الكل يتقلى ثم نضيف قليل من الطماطم المصبرة ورشة سكر للتخلص من الحموضة ثم نمرق بكاس ماء ساخن ونضيف قرن فلفل حار ماتفتحيهش.لما تغلي نرمي فيها كرات اللحم المرحي من الحشو المتبقي وحين ينضج نضيف الكوسة تغلي من 5 إلى 10 د. الحشو:لحم مرحي،روز مغلي،بيضة،بصل،توم،معدنوس،ملح،كمون،كركم.
تحلية الجزر والبرتقال لذيذة منعشة و فيتامين: جزر مبشور+برتقال مقطع+عصير ليمون+سكر+ماء🍊🍋
💖طاجين الجلبانة بالدجاج المحمر للضيوف: تحطي في طنجرة قطع الدجاج مع الزبدة أو الزيت و البصل والتوم،ملح،كركم،فلفل اكحل،سكنجبير،زعفران.تقليهم وتضيفي الجلبان وتمرقي،بعد مايطيب نحي الدجاج وادهنيه بخلطة التوابل(ملعقة موطارد+كمون+ملح+كاري الدجاج إن توفر أو استبدليه بالكركم)ستفيه في صينية فرن و أضيفيلو قليل من مرق الجلبان ودخليه يحمار.وجدي البطاطا المقلية و قدمي الطبق بوضع الدجاج في الوسط وبالصحة.
💖 للي طلبو مني وصفات خفيفة أقدم هذه الكيفيات سهلة وسريعة مع الصور☺
1- بطاطا في الفرن إقتصادية ولذيذة:
توضع شرائح البطاطا الرقيقة في صينية وفوقها شرائح البصل ثم شرائح الطماطم وتزين بالزيتون . و في كأس ماء ساخن نذيب الملح والتوابل(كمون،كركم،سكنجبير،قصبر،نصف مكعب بنة الدجاج أو مكعب حسب الكمية،ملعقة صغيرة طماطم مصبرة)نضيف التوم مدقوق ونصب الخلطة على الخضار ثم نصب قليل من الزيت نوزعه برفق ونضعها في الفرن.
2- كفتة بالصلصة والبيض:
تحضري اللحم المرحي بإضافة التوابل و المعدنوس والتوم والبصل ،تقليها في ملعقة زيت ثم تصبي عليها صلصة الطماطم تكوني مجهزتها (أنا كانت عندي صلصة معجنات باقية ضفتلها درسة فلفل حمرا حارة)و تفقسي عليها البيض.
💖قاطو ساهل وهش و بنين للقهوة تاع كل يوم.بما أني حاليا نفضل وصفات ماتعبنيش😆
3بيض ،قرصة ملح و تخفق بالباتور يضاف كأس متوسط الحجم من فلان الفانيلا(8 ملاعق أكل) ويخفق يُضاف كأس زيت(12 ملعقة أكل) وملعقة أكل زبدة طرية و يخفق ،يضاف 2 ملعقة أكل نشاء ،كيس خميرة كيميائية،قليل من الفانيلا،ملون أصفر ،3 ملاعق أكل عصير ليمون، مبشور الليمون(إستبدلته هاذ المرة بعطر المشمش👍) ونجمع بالفرينة حتى الحصول على عجينة طرية ماتيبسيهاش باه يجي خفيف
حلي العجينة بسمك 1سم مثل حلوة الطابع أو الطورنو وقطعي دوائر و اعملي بإصبعك حفرة في الوسط.بعد ما ينضج ويبرد رشي سكر رطب و حطي في الوسط معجون الكرز أو الفريز أو المشمش.
💖 من أروع ما تعلمته في المطبخ الوهراني :1_حريرة:حبات طماطم ،بصل،قصبر(دبشة)،جزر،لفت،ممكن نصف حبة كابوية(جريوات أو قرعة)،حمص مشمخ،عرف كرافس إن أمكن،ملعقة زيت،قطعة دجاج أو مكعب البنة،ملح،فلفل اكحل،فلفل احمر،راس الحانوت،كروية،زعفران،كركم،سكنجبير وطبعا الماء الساخن باه تمرقي.بعد ماتطيب نحي الحمص والحشيش تطحني الخضر فيها وتضيفي الفرينة مذابة في الما الدافي مع التحريك وتلوحي الحمص ودبشة مقطعة.لي تحب تدير طماطم مصبرة انا نحبها صحية.
💖2_المعقودة:بطاطا مغلية مهروسة،معدنوس و دبشة مقطعين،بصل أخضر مقطع،توم،ملح،كركم،راس الحانوت،زعفران،سكنجبير،بيض حسب الكمية،وتشكلي قريصات ترمديهم في الفرينة وتقليهم ....تقدم مع الحريرة ولا أروع .
