مرحبا احلى صبايا لو سمحتوا ساعدوني ولاتهملوا الموضوع
انا جديدة هون اسمي رولا من سوريا
اول شي رح احكي قصتي وحابة الكل ينصحني وخصوصا اللي مر فيها او سمع عنها❤️
عمري 29 متزوجة من 5سنين عندي بنت
اول سنة زواج كانت احلى سنة بحياتي كل شئ حلو وطبيعي زوجي بيحبني وبيحترمني
بعد سنة من زواجي طلعت حامل انا حملت من هون وانقلبت حياتي من هون بعد 3 شهور
دخل على حياتي اصعب شي ممكن يمر على انسان
دخل على حياتي الوسواس القهري والوهم من مرض السرطان وخصوصا سرطان الثدي
انقلبت حياتي جحيم كل يوم لازم اتفحص صدري واعمل ايكو عند دكتور النسائية يقلي كل شي طبيعي
ارجع لنفس الوساوس يوم يعد يوم وعشت ايام متل الليل كرهت عيشتي وبيتي وجوزي ودنيتي كلها عطول متوترة وخايفة وتعبانة ومزاجي سيئ
وهلق بنتي صار عمرها 3سنوات وانا على نفس الحال كل فترة بروح على دكتور بيفحصني بقلي مافيكي شي
وصلت معي لمرحلة مافيني شوف جسمي على المراية
بضل خايفة البس اي شي مفتوح كرمال ماشوف جسمي
بضل اتفحص واتطلع واعصر بصدري مابيطلع شي انا بصير خلي الدم يطلع ومابصدق انو مافيني شي
مافيني زور طبيب نفسي لاسباب مافيني احكيها
حياتي مدمرة زوجي مل مني اخواتي تعبوا مني
حياتي تعيسة تعبانة جدا
ارجوكم ساعدوني بنصيحة بتجربة ❤️
