حابه احجيلكم قصتي واتمنه تساعدوني او تنصحوني اني تزوجت قبل سنه ونص وصرت حامل وبيه ابنيه وسويت سونار اكثر من مره كالو عدها مشكله بل قلب وتحتاج اكثر من عمليه وكالو اذا تنزليها احسن الج لان راح تتعبين وياها بس رفضت هذا شي وقررت انو اولدها والي كاتبه الله يصير وطول فترة حملي اني ممرتاحه ولا جهزت ولا شي لان ماعرف شنو الي يصير المهم عشت ايام صعبه الله اليعلم بيها .. الحد ما اجت يوم الولاده كالو راح نولدج وناخذها بسرعه يسولها فحصوصات اول ما ولدتها اخذوها مني وراحو يسولها فحوصت وللعلم اني عايشه ب اوربا المهم بقيت ادعي انو يكولون زينه وسونار غلط بقيت بل مسشفى تقريبا20يوم لان حالتي الصحيه جانت صعبه وتئذيت بل ولاده ولدت طبيعي وللاسف طلع السونار صح وهيه تحتاج اكثر من عمليه تعبت وتئذيت اخذوها وخلو عليها كومه اجهزه ايدها راسها جسمها يعني من رحت اشوفها مااكدر اشيلها من الاجهزه الي عليها متت قهر وتعب هم كلت ميخالف فتره وتعدي صار عمرها اسبوع كالو لازم ندخلها عمليات نسويلها اول عمليه متت قهر وبقيت يمها وبقيت احجي وياها وابوس بيها كلت احتمال ما اشوفها بعد الحمددلله والشكر سوت العمليه ونجحت جانت فرحه متنوصف طبعن اني اكتبلكم واختصر لان تفاصيل اهواي صارت بهاي الفتره وره عمليه دخلوها عنايه مركزه بقت بيها اسبوع تستقر حالتها وراها طلعت بقت اسبوعين هم حتى ينطوها ادويه وشغلات وراها طلعنه ورجعنه للبيت وهسه عمرها شهرين وباقيلها بعد عمليتين💔 الحمدلله بنتي حلوه واني راضيه بيها وبكلشي واتمنه من الله ينطيها صحه وعافيه بس عيالي خلوني اركز على شغله بيها عدها اذن اصغيره واذن جبيره بس مو كلش فرق بينهم وعدها عيونها اشويه بيهم حول واني اموت قهر من اسمعوهم يحجون ويكولون ليش هيجي اكول شسوي خلقت الله موزين عايشه الحد هسه وعبرت اول مرحله من العمليه اني راضيه بكلشي بس الكلام الي اسمعه والله يقهرني اسمعهم يكولون احنه محد من بنات ومن ولد جابو طفل مريض زين شسوي اني مخلقتها الله الي خلقها وانطاني ياها هيج وهمه يشوفون بنتي بصوره انو هيه طفله مريضه وطفله بيها نواقص ومثل باقي اطفالهم وهذا شي كلش كاعد يقهرني 💔تفاصيل وحجي اهوايه هذا الي كتبته حاولت اختصر اهواي شغلات 💔 الحمدلله ربي على كل حال
