السلام عليكم ☺️🖐🏻
مسّاكم / صبّحكم الله بالخيـر 🌚🌝
موضوع جآ ببالي وحبيت نتشارك كلنا ويّا بعض 💞
شو تغنين لطفلك عشان ينام ؟!
فيه وايد أغاني شعبية وأغاني من أفلام الكرتون
وبعضها أغاني الأم ابروحها مألفتنها حق ولدها😻
أنا مثلاً لما أنيّم طفلي أغنيلة كلماآت تقول :
لا إله إلا الله .. محمداً رسول الله
والشيطان يخزيه الله .. و ( اسم الطفل ) يهديه الله
#طبعا�� ملحنتنها بروحي ☺️🎼
وأحياناً أغنيله أغنية من فيلم كرتوني 🎤 تقول:
مع أمي أصحو وأنام
مع أمي يغمرني السلام
ماما دفىءُ الحنان
ماما حضن الأمان
أجفان صغيري مغمضة
غني يا طير الأمان
لصغير يهوى الهدهدة
وفيه أغنية شعبية حلوة بعد تقول 🎤 :
حمامة نودي نودي
سلمي على سعودي
سعودي ساير مكة
يشتري ثوب عكة
اضمه في صندوقي
والصندوق يبغى قفل
والقفل عند الحداد
والحداد يبغى فلوس
والفلوس عند العروس
والعروس تبغى عيال
والعيال يبغون حليب
والحليب عند البقر
والبقر يبغى حشيش
والحشيش فوق الجبل
والجبل يبغى مطر
والمطر من عند الله
لا إله إلا الله .. محمد رسول الله 🎼💞
وسلامتكم ☺️
شاركونا أغاني حلوة من بلدانكم 🎤
