ارواحو نضحكو شوي 😂😂😂😂😂😂😂.......
....... بما إني عايشة مع زوجي و اهلو ، ما قدرناش نستمتعو ولا نعيشو برومنسية، قررت في نهار على سواد سعدي نغتنم الفرصة بغياب والديه و خوه مالدار و نعدل روحي و نلبس و نديرلو مفاجأة ، هوما راحو و سقساوني يا درا نبقى في الدار ولا نخرج ؟ قلتلهم بلعاني راني رايحة لدارنا باه ما يقولولي ندير والو هههههههههه راحو أخيرا و بقيت وحدي ماكيييت ولبست طالون و روب قصيرة بزاف ، و عيطت لراجلي قتلو روح للدار راني نسيت الغاز يمشي ، زعما باش نديرلو مفاجأة 😂😂😂😂😂
ستنيت نصف ساعة و سمعت المفتاح يدور في الباب و أنا كنت في الكوزينة لاخاطر الغاز في الكوزينة ، سمعت شيخي يهدر الدم جمدلي في جسمي نضت نجري مالكرسي و غلقت الباب بالمفتاح و شيخي يزقي حل الباب حل الباب 😂😂😂😂😂😂😂
حسبني سارق و أنا نتعوج بالطالون و حاكمني البول مالخلعة و شيخي خرج طبطب على جارنا و أنا سكيفيت للصالون و طحت قريب تكسرت و راجلي عيطتلو قالي راهم يسرقو في الدار و كوبالي و أنا حاصلة في الصالون و شيخي يحلف للجار بلي باب الكوزينة كان مبلع بالمفتاح و يستعوذ مالشيطان منبعد الجار راح و سمعتو جاي للصالون نضت بلعتو كيفكيف و شيخي عاد يطيح و قال ليوم نكسر عليك الباب و نقتلك يا وحد الطحان يا سارق تفوووو ... وأنا نرجف و نعيط لراجلي حتان سمعت الباب تاع برا تحل و شيخي يقول لراجلي أرواح راه في الصالون و أنا بالميني و الماكياج و الجيران تلايمو و موجدين رواحهم يزدمو و بعثت لراجلي ميساج قتلو راني لداخل لابسة ميني غير بعد الرجالة ، راجلي عاد يطيح و يخرج فيهم مالدار و هوما يقولولو ولله ما تواجهو وحدك ليوم نجيفو دين أمو وراجلي يطيح و يقوللهم ياو خلاص انا ندبر راسي و شيخي يضرب في باب الصالون و راجلي يهدن فيه و خرجو هوا ثاني و جاني يزرب حلي باب الصالون و هربت لشمبرتي
😂😂😂😂😂😂😂😂😂😂
و شيخي راح للصالون و عاد يزقي و يقول يا ولد الكلللب بين روحك و يحوس على السراق و يقول لراجلي هادا عندو المفاتيح تاع الدار و راسي راه حابس ....
المهم فاتت سلامات وبقات حكاية السارق قصة غامضة و راجلي سمعني الهدرة حتى شبعت قريب شافوني رجالة البلوك شبه عارية في الصالون ومعاهم شيخي و قدام راجلي
نعل بو الرومنسية
#منقوووول 😂😂
