اقروها للاخر مسخره
من كام سنه و بنتى لسه صغيره و يوم عيد ميلادها الرابع و أمه لا اله الا الله من أهلى و أهل جوزى معزومين والدنيا زحمه و ضحك و فرفشه و أختكم لابسه الحته اللى على الحبل اللى حكيد بيها الأعادى و أوريهم أنى خسيت و بقيت غصن لبان ولسه يدوبك حنطفى الشمع ..لقيتلكم بنتى حرنت زى الحمار الحصاوى مش عاوزه تطفى الشمع و هاتك يا عياط و صريخ لاااااااااااااااااااااااااااا .. طبعا كلنا بقينا نهدى فيها و دى أبدا .. و واحده حبيبتى تقول شوفيها يمكن برغوت قرصها أصل من ساعه ما جيت و انا بهرش .. طبعا أنا متوصيتش برغوت مين اللى فى بيتى أنتى جايه جربانه من بيتكم أنا بيتى زى الفل ما علينا نرجع للبنت الى فاتحه السرينه ..مالك مالك ؟؟ جعانه ؟ لا ,,عطشانه ؟ لا ,, عاوزه حاجه حلوة ؟ لا ,, حاجه وجعاكى ؟ لا ,, اومال مالك يا نكديه .. فييييييييييين بعد ما نشفت ريقنا نطقت ... اصل مش عاوزه أطفى الشمع من غير عمو ... طبعا أحنا كلنا فى نفس واحد و لا أوركسترا القاهره السيمفونى " عمو مين ؟ " و رحت باصه لجوزى بكل ثقه أنت قايلها أنك عازم حد من أصحابك ؟؟؟؟؟ رد الراجل أبداااا و الله ... رجعنا تانى عمو مين يا بنت ؟؟ ردت الهانم عمو يا بابا اللى بيجى كل يوم وهو مغطي وشه .. طبعا لحد دلوقت محدش فينا فاهم حاجه ..... و جوزي يقولها بيجى فين يا قطه ؟؟ بيجى هنا كل لما تنام ,, بشوفه أنا و ماما ... يا بابا اللى ماما بتحبه ده ... و تعيييييييط. و انا ...يا دهوووووووووووووووووووووووووووووووووووتى احيه احيه احيه ... طبعا أمى و أخواتى بقوا بيقولوا يا ارض انشقى و ابلعينا ,, و الجربانه التانيه فرحانه فرحه الي نجح في مجلس الشعب ,, و حماتى و حمايا ما صدقوا بصولى بصه ضباط الموساد الأسرائيلي لما قفشوا ناديه الجندي ,,,و انا بقى وشى احمر و اخضر و ازرق و جوزى تقريبا ودانه كانت بتطلع دخان بس مش قادره أأكد الموضوع لانى كنت مزغلله ساعتها . و حسيت ان انا اوشا اخت مليجي .. طبعا بلعت ريقى و اديتها الشخطه المتينه عمو مين يا زفته أنتى ؟؟.. طبعا جوزى راح قايلى متشخطيش فيها سيبيها تتكلم ...ايوه يا روح بابا عمو ده بتشوفيه هنا فى البيت ؟؟... ايوه ... طيب بتروحى معاه باى ؟؟؟ لا بس شوفته عند تيته ... احيه احيه احيه و امى كمان مشتركه فى المصيبه ..وجوزي بقي في عقل باله لا دي شبكه بقي . انتى يا بنتى متاكده .. ايوه اجيبلك صورته من اوضتى... و عندك صورته كمان ..احيه اوعي يكون هو نفسه جوه ؟؟؟؟ روحى هاتيها ... راحت الجزمه و لقيناها جايه و معاها كتاب تلوين بتاع سبايدرمان أيه ده ؟ ده عمو اللى بيطير و بيقعد كده و راحت مقرفصه فوق السفره و حاطه رجل فى التورته و رجل فى طبق الساليزونات و فارده دراعتها الاتنين و قالتلنا اللى بيعمل كده بيشو بيشو بيشو ... كل يوم انا و ماما بنشوفه لما بابا ينام فى التلفزيون ... استنوه دلوقتى يطير و يدخل من الشباك .. جوزي بقي .. كنت متٱكد ، كنت متٱكد ، كنت متٱكد . مع اني كنت شاكك ....طبعا كلنا بلعنا ريقنا و أنا روحى ردت فيا تانى و بصيت لهم من فوق لتحت .. و ماما انجعصت
فى الكرسى .. منك لله يا شيخه كنتى حتدمرى اسره بحالها
#منقوووول
