الوصفة:
لاجينواز :
ثلاثة بيض
90غ سكر+لافاني
90غ فرينة+ ملعقة كبيرة زيت+ملعقة صغيرة خميرة الحلوى
ضربي البيض مع السكر ولافاني حتى يصبح الخليط ابيض ويتضاعف مليح الحجم ديالو،ضيفيلو ملعقة الزيت والفرينة+ الخميرة وخلطي بلاسباتول من الأسفل للأعلى ،حتى تدخل الفرينة في الخليط،ادهني مول واسع بالزيت ورشي عليه الفرينة وفرغي الخليط وطيبيه على 180°,وعسيها طيب بلخف.
الكريمة :
زوج علب créme entiére 20 cl
علبة ماسكاربون 250غ
فنجان كبير سكر
نحط الكريم اونتياغ باردة مع ماسكاربون باردة والسكر ونخلط مليح حتى تطلع لكريمة .
نحكم لاجينواز ونقطعها بالمول ،زوج قطع،نحط قطعة داخل المول لي مافيهش قاعدة تاعو،ونديرها شويا شاربات ولا ماندكش طيبي(زوج كاس سكر وكاس ماء وشريحة ليمون،كي تغلي نزيدلها عشر دقائق ونطفي عليها)نخليها تبرد من نستعملها.
بعد مانحط قطعة لاجينواز ونشربها بالبانسو شويا برك،نحط عليها لافراز بالطول في الجوانب ،ونحط الكريمة ونزيد قطع صغيرة تاع لافراز،ونزيد لكريمو من بعد نزيد القطعة التانية تاع الجينواز ونشربهاونزيد نحط عليها الكريمة ونزينها بمعجون الفراولة،والفراولة ،ولاكان المعجون يابس زيديلو ملعقة ماء دافي.
