كيف تكون قوي💪🏻في مواجهه الحياه☠

إزاي تبقى قوي في مواجهة الحياة؟

و في مواجهة الابتلاء و مواجهة أي تحدي أو خبر في حياتك؟

الذكر هو اللي بيدي قوة في الحياة ♥️

لما تذكر ربنا ⤵️

ربنا هيكون معاك فتخرج من عجزك لقدرة الله و

تخرج من فقرك لغنى الله

هتتعامل مع الحياة بعلم الله مش بجهلك

هتتعامل مع الحياة بقوة الله مش بضعفك

ذكر ربنا هيخلي عندك قوة في مواجهة الحياة

-ابن تيمية بيقول " من نام على التسبيح أُوتي
عزماً"

الذكر بيجيب عزيمة ...الذكر شحن قلبك

أكثر ذكر هيفرق معاك في حياتك و يعطيك

قوة رهيبة 👈 لا حول و لا قوة إلا بالله

هي كلمة العزيمة في أي حاجة

لو نفسك في طاعة معينة/ نفسك تنجح في

حاجة معينة /عندك عيب أو صفة وحشة /عندك مشكلة ⤵️

أي أزمة لو واجهتها بلا حول ولا قوة إلا بالله ربنا

هيحلهالك

💥لا حول و لا قوة إلا بالله كلمة ربنا بيعلمك بيها

إنك متستصعبش حاجة

اوعى تستصعب مشروع نفسك تعمله

اوعى تستصعب عبادة نفسك تعملها أو معصية نفسك تسيبها

اوعى تستصعب تغيير نِفسك فيه

اوعى تتهيب شئ لأنها بالله مش بيك أنت

💥لا حول و لا قوة إلا بالله كلمة ربنا بيعلمك بيها

إنك تنظر على نفسك و اللي وصلت ليه و تعلم إنه

مش بيك أنت لكنه بالله

💥 لاحول و لا قوة إلا بالله بتخليك ميجيش لك

عجب و لا كبر أبداً..بتعرفك حقيقتك ..بتعرفك

إنك من غير ربنا = صفر 👈من غير ربنا متقدرش

تعمل حاجة

💥كلمة تخليك تحب ربنا لأنه هو اللي بيتودد

إليك...كأن ربنا بيقولك أستعين بيا و أنا أعينك

💥كلمة بتربطك بربنا لأنها بتعرفك إن ربنا هو

القوة العظمى ف الحياة💚

لا حول عن المعصية و لا قوة على الطاعة إلا بالله

لا حول عن الفشل و لا قوة على النجاح إلا بالله

لا حول عن أي خلق سيء و لا قوة على أي خلق حسن إلا بالله

👈لا حول و لا قوة إلا بالله كلمة بتحولك من كل حاجة وحشة إلى كل حاجة حلوة

كلمة تُقتحم بها الأهوال و تُصلح بها الأحوال و
تُصعد بها الجبال

📌قول لا حول ولا قوة إلا بالله أمام كل حلم

نفسك توصله ، و أمام كل ذنوبك و عيوبك اللي

نفسك تتغير

افتكر كل اللي ربنا عملهولك و كل اللي وصلت ليه

و إنك من غير ربنا مكنتش هتقدر تعمل أي حاجة

افتكر إن الحياة كلها ماشية بالله

💭 تخيل دي كلمة لما تقولها الله يرد عليك

" أسلم عبدي و استسلم"

توصية عملية :-

الاكثار من قول لا حول و لا قوة إلا بالله