امرأة تقول : إكتشفت زوجي يراسل وحدة في الفيس بوك مسمية نفسها (الفراشة الذهبية) .
قمت وراقبت رسائله وشفت الغزل والقصايد الحلوة ومتفق عاد معها على الزواج ،
وبعد هو مسمي نفسه في الفيس (ولد العز).
وفكرت في طريقة انتقم منه وسويت اشتراك في الفيس وسميت نفسي(أبو القعقاع)
وقمت أنزل منشورات كلها عن القتل والذبح والحرق وأرسلت له رسالة
قلت له : هذي البنت اللي اسمها الفراشة الذهبية تكون زوجتي وأنا من أمراء داعش وأعرف عنك كل شيء.
وكتبت له إسمه وإسم أمه وأسماء أخوانه كلهم ووين ساكن ووين يشتغل ، وقلت له قسم بالله العظيم إذا شفتك داخل الفيس بوك إني أذبحك ذبح الشاه يا التيس الاجرب.
المهم ثاني يوم إلا وأشوف وجهه انقلب أصفر وأحمر وما قام يطلع من البيت ومسح من جواله الفيس بوك والإنستجرام وسناب شات والواتس وشرى جوال كشاف وكل شويه رايح جاي باالصالة ويسألني :
متى يأذن العصر ؟!
يشهد الله داويته
والهادي الله سبحانه.
👀🤣👍👏(ان مكرهن لعظيم)
