"قوية"
شو يعني قوية ؟
قوية أنتي بتعرفي أنو ما إلك غير حالك وما تستني أي شي من أي حدا ..
قوية إنك ما تتوقعي من حدا إطلاقا شي ..
قوية أنتي ضحكتك ملاية وشك وجواتك دمار الكون ...
قوية أبدا مو يعني إنك تقدري تبهدلي وتسبي أو تجرحي بالكلام ..
بالعكس القوية إنك تتجاهلي كلشي بكبرياء ..
قوية بنظرتك لحالك إنك بتقدري تتجاوزي الأمور الصعبة بضحكتك البسيطة و العفوية ...
قوية أنتي لما تخبي وجعك بينك و بين حالك ... ولما تفرحي يلي حواليكي و أنتي مهمومة ...
لما تسمعي وجع غيرك و أنتي بدك مين يسمعك ..
قوية أنتي لما تفضلي كرامتك فوق كلشي ..
قوية أنتي لما الطفلة لجواتك ما تكبر رغم كل المصاعب يلي عم تعيشيها ..
قوية يعني تعرفي تحطي حدود لحالك قبل ماغيرك يحطلك حدود ...
قوية يعني ما توقعي بنفس الغلط مرتين ..
قوية أنك تكوني لوحدك مع وحدك بأصعب لحظات حياتك
قوية أنك تمتلكي أشد درجات التخلي رغم رغبتك القاتلة بالشي ...
قوية أنك تضلي مصالحة روحك ومايهمك شو رئي كل هالدني فيكي
قوية أنك أنثى شرقية عم تعرف تأخود حقوقها بمجتمع شرقي ...
قوتك بكل تفاصيلك يلي كتار ما بيفهموها ...
ولاهم أنك قوية لأنك بتخافي ع اسم أهلك أكتر ما تخافي ع روحك ...بس بعمرها ما كانت القوة بالحكي وخصوصا البذيء لقوة بالفعل ....
