بسم الله الرحمن الرحيم
عام 2018 في رمضان في اليوم السادس من رمضان صحيت الضهر علشان اصلي واقسم بالله اني ما أقدر احرك رجولي أبداً أبداً وأبكي من شدت الألم وامي ساعدتني في الوضوء وصليت على كرسي ورجولي تعورني بزياده وشفت فيها نقط حمراء ونمت لين..... العصر وبرضو توضيت وصليت على كرسي وزاد الألم وامي قالت افطري قلت لا والله اني اكمل صيامي وكنت منسدحه لين أذان المغرب وأفطرت والله انو بس تمره وعصير وعنب وبعدها أمي قالت لأخوي لازم نروح المستشفى
ولبست و رجولي تنفخت صارت مثل البالون والله ان حذاءي مادخلت رجولي لأنها منفوخه ورحنا المستشفى الساعة التاسعة مساءً وما نوموني إلا اثنين الصباح وبعدها جلست انا وامي المستشفى منومه لين انتشرت البقع في جسمي كامل والألم انتشر كثييير وانتفخ جسمي كامل وبعد اسبوع شخصو المرض وقالو انه مرض الفرفريه ابحثو في قوقل وتلقونه بتفاصيل
والبقع دخلت جو جسمي وأثرت في تسدد الشرايين والتهاب في الكلية وعذبوني في المستشفى كثيير وانا ما أنام الليل ولا النهار ما يعطوني مهدأت على الأقل وكل يوم يسحبون مني الدم ويقيسون السكر في الدم يدخلو ابره في اصبعي علشان يخرج دم ويدخلون المغذيات في رجولي وايدي وهيه اصلن منتفخه وتوجعني كثييير والأكل كرهته كله والله لما اشم ريحته اطرش حاجه لونها مثل الملوخيه وطول الوقت مقفل خشمي علشان لا أطرش وحولوني في مستشفى ثاني وعالجني لين العيد وطلبت الخروج لأن وضعي تحسن طلبت خروج علشان العيد قرب وأعطوني 5أيام وقالو تعالي بعد الإجازة علشان شافوا الله يكرمكم يخرج مع البول دم والبول لونه احمر فاتح وانا خفت كثيير من لون البول وبعدها رجعت وانتفخ وحده من رجولي ووقفت معد رجعت لأن قبل كانت تنتفخ وترجع بس الحين وقفت والبول لون ما تغير والمستشفى ما عرفو أيش السبب
وحولوني على مستشفى خاص في جدة ورحت هناك وعالجوني وعرفو أنو عندي تجلط في الدم علشان كذا تسددت الشرايين والدم ما يوصل الكلى كويس
ورجولي بس وحده منتفخه وجلست منومه في المستشفى لمدة 16يوم علشان أخذو عينة من الكلى وشافو انو التهاب ولازم انهم يعطوني كيماوي عن طريق المغذيه وأستخدمته 6أشهر بس الحمد لله تحسنت وبخصوص شعري الحمد لله ما تساقط إلا شوي الحمد لله وبخصوص رجلي أعطوني أبر مسيلة الدم والحمدلله تحسنت كثير بس يلي مضايقني اني لساء للحين استخدم الأبر وهيه تعورني كثير واستخدم حبوب الضغط والكرتزون والمعده و فيتامين دال والحمد لله على كل حال والحين انا بصحه وعافيه رجعت زي أول الحمدلله اليوم انا في جده علشان اراجع الدكتورة يوم الأثنين القادم 8/31. الحمد لله انا عمري الحين 15 ووزني 54 وطولي 163 والحمدلله على قضاء الله وقدره
انشاء الله تكون قصتي عجبتكم
السلام عليكم ورحمة الله وبركاته
