Ra.th.hh:
فترة تعبانه كتير وصعب احكي معو لشوف شو رح يصير بحالتي .. و ودعتو انا وعم ابكي ما بعرف على حالي ولا عليه و لا على بنتي
وسكرت الحساب واخدت قرار انو مستحيل ارجع احكي معو شو ما صار .. وانو هاللعبة انتهت ... و نهتني معها ..
محمد لاحظ انو علاقتي ب لانا سيئة كتير وانا كنت غطي وقلو انها مبلشة على بكير بسن المراهقة وعم تعذبني و بسبب حملي اعصابي متوترة وعم اتخانق معها ، مرقو شهرين وانا ما حكيت مع باسل
بس عقلي عندو وخايفه احكيه ولازم اخود قراري واعرف راسي من رجلي .
بالشهر السابع تعبت كتير بحملي ، وصارت معي أعراض غريبه ما صارت بحمل لانا وحمزة .. كان صعب علي بهل فترة سيطر على كل شي و ما عاد قدرت بفكر غير بالآلام الي عم تجيني
بنهاية السابع دخلوني على المستشفى ولادة مبكرة .. كانت الأصعب الي بمر فيها او بسمع عنها حسيت حالي متت ورجعت من الوجع والخوف .. للحظة حسيت حالي رح موت وما رح ارجع لولادي وبيتي
وكان محمد جنبي كل الوقت .. وصيتو بالولاد وقلتلو يسامحني
لهلأ بتذكر كيف كان ماسك ايدي بقوة وعم يمسح على شعري .. وقبل ما يفوتوني على العمليات شفت دمعة نزلت من عينو
____________________________
محمد : رح سميها قمر .. لانها حلوة كتير
حنين : متل ما بدك .. وين الولاد ؟ اتصل على هيا قلها تجي وتجيبهن
محمد : خدي موبايلي احكي معها انتي انا مشغول مع اميرتي الجديدة
اخدت الهاتف و اتصلت على هيا
حنين : اختي جيبيلي الولاد خليهن يشوفو اختهن
هيا: اه ؟ .. ليكي انا رح اجي واتروك ولادك مع ولادي هون .. بلا ما يجو على المستشفى ويلقطو شي مرض لا سمح الله
حنين : لا ناطف قلبي عليهن ... بتعرفي الوحده كل ما تجيب ولد بيغلو عليها ولادها لان بترجع تحس بالعذاب الي عاشتو لشافتهن قدام عيونها .. يلا تعو عم استنا
هيا : طيب لاحقه تشوفيهن هلأ رح يغلبوني ليجهزو حالهن .. ايمت حكولك رح يخرجو البنت من الحاضنة ؟
حنين : الحمدلله اليوم طلعوها و صحتها منيحه ، الله لطف فيني وبهل بنت .. وازا ما بتجيبيلي الاولاد رح ابعت محمد يبجيبهن يلا تعي عالسريع
هيا: لا لا اوعي تبعتي محمد ... حنين ما فيني جيب الولاد
كان صوتها متوتر كتير وانفاسها مخربطة .. و محمد قدامي عم يلاعب البنت مو منتبه علي
حنين : شو في ؟ .. شو صاير ؟
#حنيني_بقلم_مال_الشام
الجزء السابع + الثامن + التاسع #انتهت
هيا : لانا ما بدها تجي لعندك ، ما بعرف شبها من امبارح عم قلها مشان نجي ، بتبكي وبتقول انو بدا تضل عندي وانو انا امها
وماني فهمانه شبها .. لهيك هلأ عم سايرها وقلتلها ماشي، لتطلعي انتي من المشفى بتجي وبتحكي معها
حنين : هي قالت ما بدها تشوفني ؟
هيا : اي ، و ما بدها تشوف البيبي
سكرت الخط ونزلو دموعي متل الجمر على خدي ، شو عم يصير مع بنتي .. معقول كون خسرتها !
اجت هيا زارتني بالمستشفى و المسا طلعت على بيتي وبلشو المباركين يجو لعندنا وانا قلبي ناطف على بنتي
الساعه 10 راح محمد يجيب الولاد .. ورجع بدونهن
حنين : ليش ما رجعو معك ؟
محمد : لك ما رضيو يجو .. يا بابا يا حبيبي لك يا عيوني في بيبي بالبيت .. وفي امكن مشتاقتلكن
قعدت لانا تبكي وطوشتني .. هيا حكتلي بتجيبهن بكرا
حنين : ما سألت لانا ليه ما بدا تجي ؟
محمد : اختك قالت انها اشترت للاولاد العاب جديدة وهي بدها تضل تلعب فيهن
حنين : يعني لانا صغيره لتقعد تلعب بالألعاب ؟ .. ليك محمد روح هلأ جيب ولادك وتعال انا الي بعرفو ولادي ينامو عندي بالبيت اليوم
محمد : شبك شو صرلك ! اساساً انتي تعبانه ما رح تقدري تحوصي وراهن
حنين : لانا بتعرف تحوص بالبيت وبتعرف تعمل كل شي عم قلك بنتك مو صغيره بتفهم اكتر مني ومنك
وتربيتك الها نزعتها وما عاد عاملة حساب لحدا ، وانا من هون ورايح بعرف شغلي معها
محمد : شو هالنغمة الجديدة ؟ حاجتك حكي فاضيه وانتبهي على بنتك وبكرا بيجو الولاد ما بدها كل هالقصة
حنين : هلأ هيك ؟
محمد : رايح انقبر بالصالون هلكت اليوم
حنين : يا محمد استنا شوي .. لك ما تروح استنا عم بحكي معك .. الله ياخدني على هالعيشه اييييه ؟
راح وسكر الباب مشان ما يسمع صوتي .. وانا ضليت عم ابكي لاني مو عرفانه كيف بدي اتعامل مع بنتي وعم ادعي ما يكون سبب تصرفها هاد هو موضوع باسل
كنت حاسة صخرة كبيرة كاتمة على نفسي ..
تناولت موبايلي و فتحت حساب الفيس انا وعم ابكي واشهق .. كتبت فوراً لباسل
حنين ( باسل .. وينك ؟بدي احكي معك انا مخنوئة )
بعد ربع ساعه
باسل ( ما توقعت تبعتيلي بعد كل هالوقت قلت خلص نسيتيني .. خير شو صاير معك ؟ )
حنين ( بنتي مو راضيه ترجع من بيت اختي وانا خايفه يكون السبب القصه ذاتها ، متوترة كتير ومو عرفانه شو اتصرف )
باسل(طيب طولي بالك ما بيسوالك التوتر )
حنين ( باسل انا ولدت من اربع ايام .. ولادة مبكرة .. شفت الموت بعيوني و كنت رح اخسر بنتي كمان
بس فتحت عيوني كنت بحاجة شوف عيلتي حوالي ، ضليت يومين ما قدرت شيل بنتي على ايدي لطلعوها من الحاضنه
ما بتتخيل ا
لا يوجد أي ردود على هذا الموضوع
