سلام يا بنات انا بدي وجه كلامي بشكل خاص للمراهقات حتى يستفيدو من تجربتي و للكل بشكل عام.... و بتمنى تقرأو للنهاية بعدين تحكمو...
اول شي انا بنت عمري 21 سنة و انا بالجامعة و بطبيعة الحال عنا ب لبنان اغلب الجامعات مختلطة و انا كان معي صديق كنا اصحاب متل الاخوة بس مع الايام صرت لاحظ عليه تصرفات يعني اهتمام زايد و يجيبلي ورود و شوكولا و انا كنت شوفو يصلي و كان يكبر بعيني و هو انسان خلوق و يعاملني منيح لدرجة كنت حس كأني اميرة 😍 و صار شي غصب عني و هو اني حبيتو بدون ما حس على حالي بدون ما قول حرام بس الله حط محبتو بقلبي و انا صارحته بس بشكل غبر مباشر قلت له انا تعودت عليك و هيك و هو قال انو كان معجب فيي بس ما قال خاف ارفضه و قال كلمة ما فهمت قصدو فيا هو قال بدي فكر و نحنا كنا نحكي واتس كان يقول اشتقتلك صرلي زمان ما شفتك و يقول لي ليه فاتحة واتس يالله على درسك امتحانك قرب يالله الله يرضى عليكي و يوفقك و كان يذكرني بالصلاة دايما و يبعت لي اذكار و هيك و بنفس الوقت كان يبين انو بحبني يبعت اغاني و يتغزل و كان يمشي معي طول الطريق حتى اوصل عل بيت و هو يكون تعبان بس يمشي كرمالي و هيك... لا قال بحبك ولا شي رغم انو الكل ملاحظ عليه انو بحبني حتى هو اعترف و قال كان بدو يصارحني بس كان خايف المهم انا اتعلقت فيه كتير و صرت حس اني مجروحة لاني بحبو حب من طرف واحد لان لا قال بحبك و لا شي و كل يوم و لهلأ ببكي انا اتعلقت فيه لان شفت فيه المواصفات يلي كل بنت بتتمناها و هو ما تغير معي ابدا دايما بيسأل عني بس انا تعبت و كتير صعب يلي عم مر فيه و قررت امحي الواتس حتى ما عاد احكيه و اتعلق فيه بزيادة كمان رفضت كل يلي تقدمولي لان كنت متأملة يقول لي بحبك و من بعدها يخطبني من اهلي بس ما قال كنت شوف صديقاتي مخطوبين عن حب كنت اتمنى اعيش قصة حب متلن 💔و كنت بتمنى اتزوج عن حب بس يمكن الله ما كاتبلي هيك.... حكيت قصتي تتكون عبرة لكل بنت حبت شخص ما بيربطها فيه اي شي رسمي و لان البنت مصيرها تتعذب و تكتئب من بعد هل حب
بتمنى ما حدا يفكر اني عم روج للحب و العلاقات... بعرف انها غلط بس حكيت تيستفيد غيري مني و ما يعمل غلتطي و وجهت كلامي للمراهقات لان بهيدا العمر ممكن يعملو نفس غلتطي و يندمو
