جبتلكم اليوم قاطو سهل وبنين ويذوب في الفم جربوه وما تندموش😉
المقادير:
كأس زيت
كأس زبدة ذائبة
كأس مايزينة
ملعقة سكر قلاسي
ملعقة صغيرة لافاني
حبة بيض
كيس خميرة حلوى
وفرينة للم العجينة
الطريقة:
خليطي الزيت والزبدة والبيضة والسكر ولافاني أمبعد زيدي المايزينة امبعد زيدي الفرينة مع لخميرة حتى تتلم العجينة وخليها طرية ما تيبسيهاش،ديريها كوايرات ورمديهم في الكاكاو ودخليهم يطيبو في حرارة 180ْ وكي يطيبو عسليهم في عسيلة ماهي خفيفة ماهي ثقيلة،ورمديهم في نوادكوكو
