أنا نستخدمو لجسمي ككل من شعري الى غاية كل جسمي
.بالنسبة للشعري : انا فأخر طلية بالشامبو لشعري نمزج شامبو مع صابون دزاير منديروش وحدو لأنو فيه ريحة زيت زيتون نخاف منها
(الشامبو الخاص بيكم خلطوه بملعقة ملح لأنو يغدي الشعر ... ) نرجع لموضوعنا صابون دزاير يرطب الشعر ويلمعو ويمنع التساقط
.بالنسبة لوجهي : انا نخلط ملعقة صابون مع قطرات دواء أحمر مع نصف ملعقة من عصير الليمون إذا كنت حنبقى فدار برك واذا كنت حنقابل الشمس نغير مكان عصير الليمون بالماء الورد لأنو الليمون يهيج البشرة اذا وضعتيه وقابلتي الشمس مباشرة لذلك يجب توضعيه وبعد 24 ساعة باه تقابلي الشمس المهم انا ممنوع عليا مكياج برة لذلك نوضع هذا الماسك لمدة 5-3 دقائق وتغسلي وجهك وتنشفيه مليح باه تبقى الورودية مخففة حتى انها تبان طبيعية روعة يعود وجهك احمر
.بالنسبة للجسم نوضعو ونمزجو مع الليمون ونديرو على كل جسمي وبعدها نجي بالليفة ونحك جسمي لمدة دقيقتين وبعدها مباشرة تشلي جسمك بالماء يعود كل جسمك رطب لمدة 48 ساعة لستي بحاجة جال دوش لكن انا نوضعو كي اتخلص من ريحتو فقط
.بالنسبة للمنطقة الحساسة بعد مانقوم بنزع الشعر نوضع صابون دزاير و جال دوش ونغسل المنطقة الحساسة تصبح رطبة وذات ريحة جميلة كأنكي وضعتي كريم
.ملاحظة: عندما نحكي على رطوبة صابون دزاير يعني تصبح كأنك واضعة كريم مرطب لأنو جال دوش كذلك يرطب لكن مش كأنك واضعة كريم
.هو سعرو فمتناول الجميع انا منقدرش نستغنى عليه
