بنات اني قبل ٣ ايام ولدت طفلي ميت بعد معاناه ١٨ يوم لتوليدي طبيعيا باستخدام العلاجات وبالون داخل الرحم المؤلم جدا جدا جدا .. بنات وصلت للشهر السابع طفلي مابي شي ولا اني عندي مرض فجاه على ساعه ماحسيته يتحرك ركضت للسونار كالولي ميت قلبه واقف ميدك غير هاي كلشي طبيعي المي الجاره مابي اي تشوه ،، اني ماعندي اي مشكله صحيه بس اني الحمل كله جان مشاكل وحاله نفسيه زفت ابجي واصرخ من الاذيه والظلم زوجي يخوني ويطلع ويه وحده .. امي متساندني وكلشي وحجت عليه لو طردتني لو عيرتني .. دوامي ميقدرون ولا ينطوني اجازه .. اني جنت ابجي وانقهر واسهر ابجي قلبي يحترك بس جان املي بهذا الطفل اكول اخيرا رح يجي الي يحبني من كل قلبه ويريدني اشو هوه هم عافني .. احس حياتي كلها تدمرت ماكو كل قيمه الها ماكو بيها فرحه اتمنى الموت باليوم الف مره .. ليش هيجي يصير بيه ليش كل حياتي عذاب معقول رب العالمين غاضب عليه هلكد ! ليش ! هاي الناس كلها احسن مني معقول! اني والله مظلومه من جيت لهاي الدنيا واحس رح ابقه بالعذاب للابد
