السلام عليكم
اليوم يابنات زوجي بغى يطلقني خلاص الا ربنا هداه اخر لحظه ...
اول شي انا طالبه باقي لي سنه واخلص جامعه والاسبوع الي راح و ذا الجاي عندي اختبارات نصفيه وفوق ذا كله ادرس بالليل شهاده انجليزي ..
راح اقولكم شو صار واحكموا علي
امس كان عندي انجليزي كالعاده وزوجي المصون له اخت برابع ابتدائي تبدأ اختباراتها هالاسبوع الجاي ..
اخته ذي والله وربي يشهد من يوم م تزوجت اخوها وانا كنت اساعادها بدروسهاا واحل معها واسالها اذا عندها شي تجيبه لي اذاكر لها ..
لكن بسبب هالاسبوع الماضي وبسبب اختباراتي م قدرت اوفق بينها وبين الانجليزي والاختبارات حتى اني كنت اسحب ع الانجليزي عشان اذاكر .. وهي اذا كنت فاضيه حليت لهاا واغلب الايام صراحه م جتني .. لكن امس جت وانا باقي ع الانجليزي نص ساعه قلت لها : معليش حبيبي انا عندي انجليزي اذا خلصت منه تعالي احل معك ..
وزوجي وداني وجونا حلو وكل شي تمام بعد م خلصت الانجليزي وطلعت قام كذا بدون مقدمات قالي كلمه " انتي وحده مالكي فايده ابد " انا استغربت ليش شو السبب. . قال لازم تساعديني باختي وهي عندها اختبارات الاسبوع الجاي لازم تفضي لها وتتابعيهاا .. قلت وانا عندي بعد وانا م اقصر اساعدها قال مساعده بلا فايده .... انقهرت وسكت وطنشته وثاني يوم " اليوم الخميس" سويت كل شي وعاملته زين وتغاضيت ... لكن بعدها قمنا وفتحنا الموضوع وطب فيني بنفس الكلام انا قلت مالك حق اختك م قصرت معها ماب بعينك الايام الي طافت .. قال اي ايام كلها ع بعض ماتجي 10 ايام 😟
وربي يشهد من يوم م عرفتها وانا اساعدهاا
واليوم نزل لاهله تحت واتصل علي وانا حطيت مشغول لاني مقهورة ... قام طلع علي انتي مالك جلسه ف البيت لا تساعدي اختي ولا لك فايده ... ووصلت للطلاق ودفني وبغى يمد يده علي .. موب فاهمة شو السبب اصلا الي يستاهل كل ذا !!!
معقول امه شكتني عليه !!
طيب انا ماقلت لا لاخته 💔
انا الان شو اسوي حالف غير ادرسها ولا م اشوف خير والاحد عندي اختبارين اقسم بالله وحده من المواد مو فاهمه شي 😭😭
طولت عليكم لكن احس محتاسه وخايفه 💔💔
ساعدووني ..
