زوجي صام شوفو هذا فطوره ( 2 )

بيتزا والله روعة 👍 سهلة وليديدة جدا:
الوصفة :
2 فنجان شاي من الزيت ،4 فنجان شاي من ماء ساخن ،ملح ،م ص خميرة الحلوى؛م ونص ك خميرة الخبز،م ص سكر نخلط الكل مليح ونجمع بالفرينة،نقسمها على نصفين ونخليها تخمر ساعة،ثم نجيب كأس نحط فيه خليط يتكون من 2 م ك مايزينة،4 م ك زيت ،ثم نحل العجينة ونطليها بالبانسو؛ثم نروليوها ونعاودو نحلوها في الصينية ونحشيها بالحشو ثم نضيفلها البيض مغلي ثم نحل النصف الثاني المطلي،ونغلق بيها البيتزا ؛وندخلها طيب على درجة 180ْ ولي بيانسور تكوني سخنتيه من قبل؛والمدة على حسب الفرن لي عندك؛حتى تحمار من فوق ومن تحت .
الحشو:
على نار هادئة في مقلات كبيرة نقطع حبة بصل مع حبة فلفل حلو مكعبات صغيرة وم ك زيت وملح ونخليهم يتقلاو مع التحريك 10 د ثم نضيفلهم زوج طماطم حبات ،مع صدر دجاج مقطع رقيق ونخليهم حتى تشوفو الدجاج طاب ونضيفو ملعقة صغيرة طماطم مصبرة مخلطة في فنجان مع م ص ماء ساخن ونصف ملعقة سكر ونخلط ونضيفهم للخليط؛ثم نضيف التوابل،كروية فلفل أسود وفلفل عكري .ونخلط شويا ونطفيو عليها ونتركها تبرد قليلا ثم نستعملها.
وإدا تحبي ديري بيتزا مدورة ولعجينة لي تبقا ديري بيها سوفلي واحشيها بحشو آخر،
وباش يجي وجها حمر وشباب؛ديري حبة بيض زيديلها م ص صماطم مصبرة وم ص خل أو ليمون وخلطي مليح بالفووي واطليها.
وشهية طيبة .