إمساك يد الزوج علاج للضغوط ..!
سواءاً أكان الضغط الناتج عن العمل أو الأولاد أو حتى زحام
المواصلات فإليكِ هذا الحل السهل ..
قومي بإمساك يد زوجكِ لتشعري براحة فورية ..!
غرفه النوم على قد ماتقدرين
لايصير فيها نقاش او زعل بالذات على السرير علشان هالمكان يكون للذكرى الحلوه اللي تتخلد في مخ الزوج واهتمي فيها
وعطري المفرش دائما بعطرك انتي
المشاكل الزوجيه ملح الحياه وضروريه وصحيه ولافيه بيت يخلو منها ولكن متى يتحملها الزوج
وتكون على قلبه مثل العسل ولايشيل بقلبه اقرأي هالسطور
(((يستطيع الزوج أن يتعامل بشكل أفضل مع الخلافات الزوجيه
والنقاشات حين تكون حاجاته العاطفية مشبعة . ولكن ,
حين يكون محروماً من الحب الذي يحتاج إليه , يصبح دفاعياً ويبدأ الجانب المظلم منه في البروز , وبطريقة فطرية يسحب سيفه .)) اتمنى الفكره وصلت
اتركي عاده البحث عن استحسان الاخرين
رضى الناس غايه لاتدرك لاتقولين قدام زوجك اذا اقترح عليك شي غريب وش تبي الناس تقول عنا !!
ترى بعدين اذا طلبتي سفره والا شي معين
رد عليك طيب والناس !! ( هو يتعلم منك )
حبيبتي عيشي انت وزوجك زي ماتبون في غير معصيه الله ولايصيرهمكم الناس ... لانهم ماراح يرضون ابد
هل تعلمين أن حركات وتعبيرات المرأة الجسدية
لها تفسيرات ومعاني مثلها مثل لغة الكلام
واسمها لغه الجسد استغليها لجذب الزوج ... ابحثي اكثر
وهي تشبه حركات الدلع بس لها معاني نفسيه
مثل العض على الجهه اليسرى من الشفه تعني الرغبه في الجنس
اذا كان عندك قطعه بجسمك يبي لها صيانه والا تغييير غيريها بسرعه مو تنتظرين لين زوجك يقول يافلانه وش ذا؟؟ مثلا تسمنين حيل وماتسوين رجيم تقولين ثقه في النفس لاحبيبتي دي حاقه ودي حاقه تنيه المعروف ان الرشاقه مطلب للجميع وهي اهم من الجمال لان المكياج حلها
تنشفين زوجك وتلبسينه وتخلعين جزمته ( تكرمون )
تحسبين انك بتملكين قلبه بها الطريقه غلطانه ياستي
الرجال ماراح يفهم انك متطوعه بها العمل بيعتقد ان هذي هي واجباتك
وانك مجبوره عليها وحتى لو كنتي تعبانه بيناديك تخلعين ....!!
لانه واجب عليك في نظره عزي نفسك ويعزك الرجال فيه مثل
يقول لن يستطيع احد الصعود على ظهرك الا اذا انحنيت له والمشكله اذا مليتي واعترضتي وش بيقول
بيقول اللي جابك يجيب غيرك خاصه لو كان شمالي
بين فتره واخرى اذا سألك زوجك عن شي قولي سر
هالكلمه لها مفعول السحر وتوحي بغموضك مثلا قال ايش هالنكهه الحلوه
في الاكل قولي سر بدلع طبعا
عاقبى زوجك على اخطائه بالصمت ومارسي اشغالك وانت صامته واذا سألك تكلمي
معه بطريقه هاديه وحزينه وادمجي معها دلع مو (تصارخين وتعصبين )
وخاصه لو كان عندك اطفال واصلا هالصفتين
لايقه للرجال اكثر
لا تتسولي العاطغه من الرجل !!! هذا يشكل ضغط على الزوج
تقولين اثبت لي حبك والا اذا كنت تحبني اعمل كذا والا قول
لي كلمه احبك بالله لو جت من غير طلب مو احلى !
وخصوصيات زوجك
ليه تراقبين زوجك وتنبشين وراه يعني اذا نبشتي
ولقيتي خيانه انحلت مشكلتك
بالعكس صارت مشاكلك ثنين تراقبيه وما تثقين فيه
احترمي خصوصياته وثقي فيه على الاقل قدامه واذا كنتي شاكه بشي راجعي نفسك ورجعي زوجك لحضنك بطريقتك وصفي قلبك وادحري الشيطان
وتخيلي لوهو يراقبك ويشك فيك وش شعورك ؟؟
واذا كان هو مسوي رقم سري لجواله سوي انت بعد
اذا سالك ردي بنفس رده
تخلصي من بعض العادات اللي تخرب عليك مشروع تغيير او تطوير ذاتك
1___واولها عاده التسويف وهي تأجيل امورك الى متى ايش تنتظرين كل ماقريتي شي قلتي بعدين اسويه !!! والا اذا تعدل زوجي معاي حبيبتي ابدأي التغيير في
نفسك وبعدها تلقائي يتغير زوجك كم مره قلت انه يتأثر فيك
2___ثانيا الاكثار من الشكوى
بدل الوقت اللي تضيعينه في التشكي دوري على حل
سواء كانت الشكوى من زوجك
والا اولاد والا ناس واللي يزيد الطين بله لما تتشكين عند زوجك .............
زوجك وييييييييين وانت وين
راسه مليان مشاغل ودوام وانت جايه تعبينه زياده!!!
وراح يهرب منك تبين تعرفين ليشششششش ؟؟
حطي نفسك مكانه ووحده تزن عندك كل شوي تتشكى زوجي عيالي فلانه!!!!!!!! عطينا رايك فيها ؟
اذا صارت لك مشكله اشتكي للحي الذي لايموت
صدقيني الناس ماهم نافعينك لاتقولين الا بشتكي لامي تحس فيني طيب حزنتي قلبها وخليتيها تحاتيك واصلا مافي يدها
هدايه لزوجك للي يهدي زوجك هو الله اقبلي عليه بالدعاء وخلى دعائك في الضراء و السراء وبري في امك ولا تدخلين الحزن على قلبها
التضحيه
الرجل مخلوق يحب التضحيه من اجل المرأه التي يحبها وهو يحبها لانه اعجب فيها شكلا ومضمونا
طيب اذا انت ضحيتي وتنازلتي علشانه ايش يصيرررر
بيروح يدور على امرأه اخرى يضحي هو من اجلها ويتلذذ بتغليها عليه فلا تضحين علشانه رجااااااء
لانه مو مطلوب منك
طيب نرجع للبدايه تبين زوجك يضحي من اجلك خليه يعجب فيك وفي شخصيتك ويذوب في انوثتك ساعتها راح يضحى ويبيع الدنيا علشانك
طيب ياقمر ايش اللي يعجب زوجك فيك ؟؟؟
هالشي نميه وعززيه وطوريه واهتمي فيه ....
دلع الزوج
التدليع السهل الممتنع وش معناها
دلعي زوجك بإسم وكلام حلو او مساج وقاتوه وعصير وبعدها على طول
تغلي عليه وانشغلي بشي ثاني بيدور عليك وينشب بحلقك
بس اذا دلعتيه ثم لصقتي فيه اكيد بيضطر يتغلى ووقتها اعرفي انك ناشبه بحلقه خخخخخ
وايش سالفه الليالي الحمرا والخضرا هل تدخل من ضمن التدليع ؟؟؟
تصدقين ان مالها دخل بالموضوع كل ماكانت الليله سمبل ( بسيطه ) كل ماكانت احلى شمعتين صغار او ورد منثور على السرير مع اضاءه خافته او بطاقه حلوه تحت مفرش جهه السرير اللي ينام عليها ولبسك خليه بسيييط
هذي البساطه اللي اقصدها مو تنصبين خيمه والا تحطين بالونات والا تتسدحين على فرشه زرقا .......ليله بحر خخخخخ
وتكثرين الخرابيط علشان ما يضحك عليك في نفسه ويقول
والله انها فاضيه اللي ماعجبها هالكلام ياليت لو تقرا تعليقات الرجال في المنتديات على هالموضوع
