اذا جا وقت النوم لاتخلين حبيبك ينام لحاله كوني معه حتى لو مافيك نوم على الاقل لحد مايغفى
خلي النوم في مخه يرتبط بحضنك وريحه عطرك ولمسه ايدك وبعدها ماراح يستغني عنك ابداً
(( اذكر وحده كانت تدرس معنا تقول اوف من خالي مايخلي زوجته تنام عندنا اذا جونا يروح يستاجر في الفندق لازم يفركش وناستنا
نقول خلها يقول هذي مخدتي وش فيكم ماتفهمون ما اعرف انام بدونها ))
(لا تبالغي في النوم عند اهلك علشان مايتعود عى بعدك )
اذا كنتي تقليديه في اللبس وقريتي في المنتدى وحبيتي تغيرين موب على طول من جلابيه الى شورت اكيد بينتقدك التدريج حلو ياقمر شوي شوي
اذا كنتي مبتلاه في الدنيا بمرض او سحر او زوج مايخاف الله وضاقت عليك
بما رحبت تذكري الجنه والاجر وتكفير الذنوب لك وتذكري قوله تعالى ( وبشر الصابرين )
واذا كنتي مظلومه تذكري ان هناك يوم قصاص
ولا تفكرين تنتقمين ترى هذا من الشيطان وخلي البركه تعم بيتك شغلي اذاعه القران يوميا
اذا واجهتك مشكله مع زوجك عامليه حسب نمطه مو اي نصيحه تطبقينها
مثلا الجنوبي عاطفي جيبي راسه بالعاطفه
والشمالي يحب المره المستقله عنه الثقيله
مثال من حياتي انا زوجي كذاب بشكل موطبيعي على اشياء ماتسوى وزعلت وعاتبت ويوم قريت في المنتدى ان الجنوبي عاطفي ويجي بالدموع بكيت بصدق وقلته اخاف اصير ماعاد اثق بكلامك انا حبيبتك ليش تستخف بعقلي
تاثر وقال دموعك غاليه ووعدني وشوي شوي ترك الكذب حتى صار يهاوش اخوانه يقول لاتكذبون خخخخ
أغلب المتزوجات يطفش زوجها من كثرت
0 وين كنت وين رحت ولاتروح واجلس عندنا وهالنوع من المحاصره تعتبر وسيلة ضغط على الزوج يهرب منها ويطفش بالعكس خليه يروح مع اصحابه او يزور اهله ولاتحددين وقت وتقيدينه
وبعدها راح يجيك ممنون ومبسوط مافيه مثل الحريه
ومره قرات ان الدكتوره ناعمه تقول ان حرمان الزوج من اصدقائه واهله سبب رئيسي لاتخاذه عشيقه ( كتبتها على شكل نقطه ماعندي شرح )واذا جا زوجك يطلع اهتمي بمظهره وعطريه
راح يعطيه شعور انك تهمك صورته عند الناس تبينه مميز لانك اكيد مميزه وفيها ايحاء عن رضاك بطلعته وبيروح وهو مرتاح وبيجي مرتاح واي طلب
بتطلبينه بيقول حاضر مو تقعدين تدقدقين عليه وتزعجينه اشغلي نفسك
تثقفي في هوايات زوجك وناقشيه فيها مثلا هوايته القنص اشتري له كتب عن هجره الطيور واقري مواضيع خلي عندك خلفيه وبكذا تثيرين اندهاشه ويعجب فيك اكثر
او مثلا السيارات خلي عندك خلفيه عنها ممكن تسألين اخوانك
اللي زوجها رومانسي وتعلمت من المنتدى حابه اهمس في اذنها
( حدثي نفسك قولي انا رومانسيه جدا خاصه قبل النوم
ولاتحسبين الرومانسيه تلصقين في الرجال ضم وبوس لا
حبي الاشياء الرومانسيه دايم اشتري شموع معطره وملونه واشكال قلوب وعبي البانيو وحطي زيت اللافندر واسترخي واشتري قوالب ثلج لها اشكال
قلوب هذه اشارات للزوج انك رومانسيه واهتمي بالفواحات والورد واذا فيه مجال ازرعي ورد جوري في بيتك
بالنسبه للمشاكل اليوميه لاتعقدين الحلول واخذيها ببساطه لان الرجال مو مثلنا هم دايم يختارون الحلول الاكثر بساطه بطبيعتهم افهمي هذا الشي واكبر دليل انه يزعلك وبعدين يجي بعين قويه يبي الجنس خخخخ هذي طريقتهم في الاعتذار
كوني صاحبه رأي مو يجيب لك المنيو في المطعم تقولين ما ادري اي شي والا يقول وش رايك بكذا تقولين ما ادري هالكلمه احذفيها وخلي لك راي لان الرجال يحب زوجته صاحبه راي وكيان مستقل وليست تابعه له نفس رايه والا ماتدري
طريقتك اللي تعاملين بها زوجك راح يعاملك بها مثلا تجراتي وقلتي
كلمه في ساعه غضب تاكدي انه راح يقولها
لك اذا زعل لانه يتعلم منك اجل ليش اسمه شريك حياه ( مجربه انا هالشي )
سجلي عندك نقاط ضعف زوجك علشان تستغلينها وقت الحاجه مثلا نقاط ضعف الجنوبي الدموع /الاحتضان والحنان
ايضا المدح امدحي رجولته/الانوثه الطاغيه/ استمعي اليه بإنصات
يقول استاذ علم اجتماع معدد
ان المراة يجب ان تمتلك ثلاثة اشياء اذا فقدتها فيحق للرجل
ان يتزوج عليها مرة واثنتين وعشرة....
اول هذه الامور:ان تمتلك جمالا ولو كان قليلا
ثانيها :ان تكون نظيفة واكرر ان تكون نظيفة
ثالثا: الا تكون غبية ... 100% هالكلام صح
الرجل عزيزتي مخلوق بصري أكثر مما هو سمعي
لهذا هو ينزعج كثيرا من المرأة الثرثاره
المدح والشكر الله الله بالمدح ترى الرجال يتخبل على المرأه اللي تمدحه اعرف وحده تقول خالي يجنن ودايم امدحه في البدايه صادقني مرره وبعدين صار يقول والله لو انك مو بنت اختي لااتزوجك تقول قلت
له واذا رفضتك قال والله ما اطلع من بيتكم الا وانتي معي
امدحي زوجك بكرمه امدحيه برجولته واشكريه على كل شي ترى الرجال كل ماشكرتي كل مازاد خيره لانه يحس بالتقدير
الحياه الزوجيه اخذو عطا مو تقصرين في حقوق زوجك وتبينه يوديك ويشتري لك
اذا جاينام هيئ له الجو وعلمي اطفالك الهدؤ وقت نوم
ابوهم وقصري على التيفي واهتمي بوقت الوجبات
ترى الجوع يخلي الرجال يعصب وتفنني في الطبخ حتى لو عندك خادمه الزوج يحب ياكل من يدين زوجته واكرمي ضيوفه ولا تتأففين منهم
تجنبي العتاب في لحضات الصفاء والرومانسيه لاتخربين الجو ولاتقعدين تتشكين
هو مايقصد بها الجو انك تفضفضين وتخربينها عيشي اللحضه واستمتعي
تقبليه كما هو ليشعر بالارتياح والقبول.. موكل شوي مطلعه فيه عيب وشغاله نقد في نقد
تأكدي محد خالي العيوب وخففي نقدك واستبدليه بإسلوب التعزيز عززي في زوجك الاخلاق الحلوه وشجعيه والعيوب الصغيره تغاضي عنها او استخدمي اسلوب حلو حسب نمطه اما العيوب الكبيره مثل البخل
استخدمي سلاحك سواء كان كيد النساء او نقاط ضعفه اللي مايقدر يقاومها مع الدعاء ان الله يسخره لك وكثره الاستغفار واستخدمي اسلوب الايحاء
اذا جاب اغراض لك قولي الله لايحرمني من كرمك وخيرك
اذا لاحضتي ان المشاكل ماتفارقك واللي تطبقينه من المنتدى ماجاب
نتيجه راجعي نفسك وحاسبيها وعدي ذنوبك وتوبي
مثلا تسمعين اغاني لاتقولين حاجه بسيطه لاحبيبتي
الاغاني تقطع الرزق وتلم عليك الشياطين
ومن ترك شيئا لله عوضه الله عنه اتركيها لله حتى لو كنتي مدمنه بدليها بسماع القران و ترى اكثر شي يفرق بين الزوجين هي المعاصي لانها سبب دخول الشيطان بينهم
هل تريدين ان تكوني جذابه اساس الجاذبيه هو الغموض وهو = الصمت
ـ يفضلها الرجل لأن هذه المرأة تخبئ ما تشعر به
ولا تدلي بأية معلومات عن بيتها أو زوجها أو عن الآخرين ، مما عرف باسم" الثرثرة النسائية اليومية " من نقل أخبار الناس الأمر الذي يجعل غموض المرأة اساس الانجذاب من قبل زوجها لأنه يجدها موضع ثقة وأكثر تأثيراً على الآخرين ويحاول اكتشاف سر غموضها فيبدأ بالحديث هو
لا تفشي سراً لزوجك ولا تسربي خلافاتكم الزوجية ولا تبوحي بأسرار الفراش فتكوني من
شر الناس عند الله يوم القيامة،
الرجل يميل ويحب المرأه التي تحب نفسها وتدلل نفسها من أجل نفسها
حبي نفسك اذا ماحبيتيها فلاتطلبي من احد الحب
الأنوثه معناها ,,
الدلال .. امر تدلل
و الغنج ..>> في الكلام ونطق الحروف’’
والإغراء ..>> الجاذبيه ’’
والحنان ..>> الدفى ’’
الهدوء الغامض اللذيذ ..>> النعومه والرقه ’’
الرجل لا يحب المرأه التي تلتصق به وتخنقه بحبها , خصوصاً الرجل الشمالي
, يريد قليلا من المساحه ,, كي يستطيع أن يبادلك الحب ,,
لازم تعرفين هل زوجك سمعي والابصري والا حسي
من كلامه اذا كان اكثركلامه اسمعي او شوفي او احس
وبناء على ذلك اجذبيه مثلا كان سمعي كثري كلام حلو او بصري تكشخي او حسي الله الله في الطبطبه والمساج والحضن وممكن يحمل صفتين بصري حسي مثلا
لغه العيون مين يصدق ان العيون تحكي
طيب جربي وشوفي تأثير النظرات على الزوج بس خليها
تكون مليانه حب ورضى ودلع
اذا واجهتك مشكله مع زوجك لاتفتحين الدفاتر القديمه المطويه حتى لوكانت تتشابه لانك لو فتحتيها معناها شايله بقلبك وحاقده وطوال هالسنين تمثلين الرضى يعني !!!
انتبهي خليك في الحاضر ولاتزيدين الطين بله
فيه نوعيه من الناس مُتسقطه يعني تدور عليك الزله
يمكن تعانين من هالناس مثلا من حمولتك او غيرهم تحاول تستفزك
او تسوي مشكله من مخها الفاشل
انا اقولك الحل !! الحل بسيييييييييط جدا جدا
لاتعطينها مجال تحقق اهدافها
و اهدافها انك تعصبين وتحزنين وتقطين عليها كلام علشان تروح تتبكبك عند الناس وتقول فلانه( اللي هي انت) قالت وتستوي مشكله
اختاري وحده من ثنتين يا تسكتين او تبتسمين بثقه بتكونين يالغلا
خربتي عليها المشروع خخخخخ
جربو وشوفو انا مجربته مع وحده وتااااااااااااااابت
تتعرض لي وترى الدافع غالبا يكون حسد وترى
السكوت يقهرها اكثر حنا نسميه حقران
طلباتك ومشاويرك اعرفي متى تطلبين مو الرجال توه جاء من الدوام مابعد يغير ملابسه تستلمينه تراني ابي السوق تبينه يقول حاضر !!!!!!!!!!
!! وبعد ماتختارين الوقت المناسب اختاري الطريقه المناسبه اللي هي الطلب المباشر
قولي حبيبي بكره ابي السوق
مو تقولين وش رايك لو والا اذا انت فاضي
حبيبتي الرجال مايفهم الا الاسلوب الواضح والمباشر لانه ابسط اسلوب خليك واضحه في تحديد الطلب
لغة اللمس .. أجمل اللغات يالله مفعولها عجيب
الطبطبة، مسحة الرأس، احتضان ومسك اليد وغيرها من لمسات يجهل الكثير أهميتها في صحة العلاقة الزوجية. اللمس .
. بأطراف الأصابع .. يوصل آلاف المعاني
لانها تتصل بأنسجة عصبية حساسة تنقل المشاعر والأحاسيس
