..خلطة اسمرار مفاصل اليدين والقدمين وجوزة القدم..

كثير بنات يشتكون من اسمرار مفاصل اليدين والقدمين وجوزة القدم

بقولكم على طريقه تزيلها بأذن الله 😍👌🏻..
بس اهم شي الاستمرار
اسباب اسمرار المفاصل وجوزة القدم الجفاف والاحتكاك خصوصاً جوزة القدم تتأثر كثير بالاحتكاك سواء ف السجاد او الزوليه او غيره للي يحبون الجلسة ف الارض ،.

الحل كل يوم امسحوا مفاصل اليدين والقدمين وجوزة القدم في اسكينول الليمون ، بعدها غسلوها بمويه لان الأسكينول فيه كحول واذا جلس فتره طويله على الجلد يسبب نتائج عكسيه ،.

بعدها حطوا هذا الكريم
ملعقتين جليسوليد _ملعقه زبدة شيا_ملعقه صغيره كركم جسم_ملعقة صغيره نشا ذره_ملعقه زيت اللوز المر _ملعقة زيت جنين القمح_ملعقة زيت جلسرين_خمس نقاط من زيت الليمون المركز_....اللي تتحسس من زيت الليمون تقدر تستبعده..،

اخلطوها سوا وحطوها في علبه معقمه ..
تستعمل مرتين باليوم ،،
والقدمين دائما البسي جوارب ،خصوصا اذا تجلسين ع الارض كثير ..،واذا كانت جوزة القدم قاسيه ،، نقعي رجولك بمويه دافيه مع شوية ملح وبيكربونات الصوديوم ،وبعدها افركي بمحكاكة القدم ،،
سوي هالطريقه مره ف الاسبوع وراح تلين وتقشر الطبقه السطحيه...👌

استمرووا على هالطريقه وبأذن الله راح تشوفون نتيجة في اقل من شهر بس اهم شي الالتزام 👌👌👌
يالله طبقوها دامها سهله وماتكلف كثير😍👏