ختمة سورة طه
بسم الله الرحمـٰن الرحيم
تقرأوون السورة مرة واحدة فقط يومياً لمدة 7 ايام .. شروط الختمة :-
اولاً : نية الختمة بكيفكم .. كل وحدة تنويها ع اللي تريدة ( .. زواج .. وظيفة .. رزق .. شراء بيت .. الخ .. )
ثانياً : الامور الي لازم تسووها قبل لا تبدون بالقراءة
_ الغسل ، ومو شرط بس الأفضل انو تغتسلون حتى نقابل رب العالمين واحنا حلوين ونظيفين ومرتبين مثل ما كأنما رايحين نقابل شخص مهم ف ما بالكم برب العالمين ♥️
_ تنظيف وترتيب وتعطير المكان الي حتسوون بي الختمة
ثالثاً : وقت الختمة لازم تختارون وقت ثابت تقرأون بي الختمة يووومياً يكون نفس الوقت ، يعني فرضاً قريتيها ب9 بليل لازم يومية تقريها بنفس الوقت مو بغير وقت ، اختارو وقت تكدرون تقرأون بي يومية
رابعاً : مدة الختمة 7 أيام فقط من يوم السبت الى يوم الجمعة
خامساً : شغلة نسويها وية الختمة انو نقرأ سورة الفاتحة 100 مرة وتكون مقسمة بعد الفرائض
بعد صلاة الفجر الى ما قبل صلاة الظهر 21 مرة
بعد صلاة الظهر 22 مرة
بعد صلاة العصر 23 مرة
بعد صلاة المغرب 24 مرة
بعد صلاة العشاء 10 مرات
ربي يتقبل منكم جميعاً وأنوي للكل من كل قلبي تكون حوائجكم مقضية قبل لا تكملوها ❤️
