انا الي متزوجه ٨سنوات وعمري ٢٥ سنه وتزوججت زوجي عن حب الحمدلله وبفضل الله بعد اول ٦شهور من زواجي حملت والمفاجئه الصادمه كانت اني حامل بتوأم بنات وهلا همي بالصف الاول وقررت احمل مره تانيه والحمدلله بعد شهر من القرار انا وزوجي طلعت حامل ولكن طلب مني الدكتور تحليل حمل رقمي وطلعت النسبه كتير عاليه وشك بحمل عنقودي وعملت عدة تحاليل للهرمونات وبالنهايه طلع حمل طبيعي بس كان عندي احساس انو حمل بتوام لانو كان حوضي عم يكبر من اول شهور وبلشت اسمن بشكل مش طبيعي وبعد شهرين كان اول سونار وكانت الصدمه ع وجهه دكتورتي وحكتلي انتي اخدتي منشطات او ابر حكيتلها لا حكتلي شو عندك اطفال حكيتله توام بنات وهزت راسها طبعا انا عندي تاريخ عائلي مع التوائم من جهة ماما وخواتها. وحكتلي انتي بنتوقعي كم بيبي في بطنك حكيتلها توام يعني تنين حكتلي انتي حامل باربع اجنه كل تلات بكيس واحد واحد لحالو وحكتلي انو صحتهم جيده جدا وطبعا الحمدلله عشت صدمه كبرى انا هلا بالشهرةالرابع والاطباء عم بيطالبوني اانو انزل واجهض الجنين الي لحالو حفاظا ع صحة البقيه وطبعا كلها تلات شهور ورح اولد ومابدي انزلو بحسو ازهاق روح وبنفس الوقت خايف ع التلات البقيه مش عارفه شو اعمل طبعا انا جدا تعبانه وبطني كبير كاني بالشهر السابع شو اعمل ساعدوني الله يجزاكن الخير
طبعا معي تلات ذكور. وبنت وهاد الي كاسر قلبي مش قادرة افرط فيهم
وراي الدين بالوضوع انو ازهاق روح وراي الطب شي تاني.
