جواتك بتكون عارف قديه نفسك تحس بشعور الإهتمام، الممزوج ب شعور التملّك أو التميز .. يمكن أدق وصف نسميه "شعور بالحب".
مش عارفة ألاقيلو وصف بس هو مجموعة مشاعر لطيفة مخلوطة بطريقه بتخليك تشوف كركبة عيونك كإنها قوس قزح ورجفة قلبك كإنها موسيقى. بيخليك تحس بالحب تجاه كل اشي .. عدوّك، إمتحاناتك، شارع بيتكم، الليل،دكتودك إلي راح يرسبك، وحتى النملة بتصير تطلق عليها غزل غريب من نوعه.
يمكن بيحكو فاقد الشيء لا يعطيه، بس إنت ممكن تكون شخص تعيس ومابحياتك حسيت بالحب وتلاقي حالك بتعطي حب للناس والناس بتعطي حب للناس التانية وبتنشر مشاعر لطيفة حوليك وإنت فاقدها. بتصير مثل بئر الماء العطشان ، بس تأكد إنه كل المشاعر إلي وزعتها بيوم وإنتشرت.. رح ترجعلك أضعاف مضاعفة، ورح تحس بكمية المشاعر الغريبة والحلوة وتضحك علىحالك... بس الأهم من هاد كله إنك رح تحس بالحب.
