حابه اسمع آراءكن بالنسبه للي صار

السلام عليكم ورحمة الله وبركاته... انا من اكم يوم كتبت عن مشاكلي مع بيت عمي... انا صارلي ٤ شهور ما اروح لعندهن ... قبل جمعتين واكثر روحنا انا وزوجي لعندهن من بعدها ما عاد روحنا ... الي صار قبل جمعه سلفي ومرته كانو عند بيت عمي ولما فاتو يسلمو ما اعطوهن وجه ومرت عمي صارت تحكي حكي سافل ... تقول الي ودو يتجوز ويجيب ش... لعندي انا ما خصني... والش... الي ودها تيجي لعندي ودي امسكها من شعرها واميح بيها الارض وحكي غير.. المهم ثاني يوم بنت عمي تتصل على سلفي وتقولو الحكي مو انتم المقصودين فيو الحكي عن فلان ومرتو (انا وزوجي) وهم هيك وهيك... انا هالحكي سلفتي قالتلي اياه مبارح ... بس زوجي ما خبرتو .. لانو رح يقوم قيامتها لمرت عمي وغير هيك انت تعبت من المشاكل... من بعد هيك رح يقولو هي الي وزتو وهي اساس البلا.. بكرا معزومين على خطبه لقرايب زوجي واكيد رح تكون مرت عمي شلون رح اتصرف؟! شورو علي يا بنات... انا اقدر اقول لزوجي بس ردة فعلو مش رح تكون منيحه لهيك هالاحتمال مش وارد عندي... الله ياخذها وارتاح منها... حرت البيت ببعضو.. سلفي ومرتو يروحون لعندها تقوللهم اخوك هاذ يحكي عليك وعلى مرتك!! وحكي ما لو اي اساس... بس تبدع وتكذب وزوجي ما يعرف بهالحكي... انصحوني شلون اتصرف معاها ام ١٠٠ وجه