نزل هيثم من غرفتو بسرعة رغم التعب يلي فيه بس الخوف اعطاه قوووة ….
هيثم : امي شو في ؟
ام هيثم : …….
كان في رجال ضخمين لابسين نضارات سود واقفين واحد عاليمين و واحد عاليسار
هيثم : مين انتو ؟
ام هيثم : اي مين انتو ؟
– مين نحنا يا ام هيثم ؟؟
هيثم : سيادة المحقق ؟؟
– والله يا ست ام هيثم ما حبينا نشحطك شحط عالتحقيق جبنالك التحقيق لعندك
ام هيثم : ل .. ل .. ل .. ليش لتحققو معي ؟؟
هيثم : تفضل جوا سيدي
– لا لا .. تفضلي ام هيثم اركبي معنا بهدووووء
هيثم : ممكن اجي انا كمان ؟
– تفضل بس ما رح تحضر التحقيق رح تضل بمكتب المساعد
هيثم : ماشي
ركبت ام هيثم السيارة .. طول الطريق عم تبكي وركب هيثم بسيارة المساعد منذر
منذر : تعرف يا استاذ هيثم كنا بدنا نبعت عناصر من عنا بس المحقق رفض احتراما لشخصك الكريم
هيثم : الله يسعدك
في مكتب المحقق …
– هلأ يا ست ام هيثم بدك تحكيلنا شلون خطتو انتي وهند لقتل رغد .. بس بدي تحكيلنا التفاصيل لأنه التهمة ثابتة
ام هيثم : انا ما قتلت حد
– ملوك التخفي .. معقول هالعصابة ما مرق عليكي اسمها ؟
ام هيثم : لأ
– الهيئة رح تعزبينا .. بس لا لا انا عندي تسجيل رح يثبت انك بتعرفيهن وما رح تقدري تنكري
التسجيل كانت ام هيثم عم تحكي مع هند : اسمعي لا بقا تحكيلي العصابة عم تهددني .. وما حد جبرك تساعديني وما رح ادفعلهن المبلغ واياكي ثم اياكي تجيبي سيرتي
هند : انتي قلتيلي اتفق معهن ورح تدفعيلهن انتي ورح تجوزيني لهيثم صح ؟
ام هيثم : وانتي صدقتي هههههههه جدبة
– شو رايك باللي سمعناه سوا هلأ ؟ ليكي التهمة لابستكن لبس انتي وهند يعني ما عاد فيكن تنكرو شي
ام هيثم : …….
– وهلأ بتحكيلنا وين موجودة العصابة لأنها كمان قتلت ام هند وبرقبتهن كتير ارواح انقتلت ظلم بإتفاق مع حثالة البشر امثالك انتي وهند
ام هيثم : احترم حالك
– طيب اهدي واقعدي ولا يطقلك عرق .. انتي هلأ رأس الحية الواجب القضاء عليها وانتي الحلقة الأضعف .. يلا احكي وين مكان العصابة ؟
ام هيثم : معي رقم واحد منن بس والله ما بعرف مكانهن اتفقنا عالموبايل وما بعرف كيف عرفو مكان بيت هند والشركة يلي بيشتغل فيها هيثم ما بعرف كيف وصلو لألها
– يلا اشوف اكتبي الرقم
بعد ساعة ….
هيثم : شكيت بكل العالم الا بإمي
– اكيد ما رح تقدر تشك فيها
هيثم : هلأ شو ؟
– رح تتحول عالقضاء يحاكموها
هيثم : اااااااخ
منذر : سيد هيثم تفضل على مكتبي ارتاح
هيثم : في شي ؟
منذر : لا بس مشان ترتاح شوي
هيثم : شكرا بدي روح
=======================================
بعد يومين …
هيثم : الو
رغد : بالله الو ؟ يومين ما حد حاكاني تركتوني بنار انت وامي وهيفا ؟
هيثم : امي انحبست
رغد : ليش ؟؟
هيثم : هي وهند
رغد : عنجد عم تحكي ؟ ليش ؟؟
هيثم : لانه هنن يلي خططو لقتلك
رغد : لا لا بس انا عايشة
هيثم : لك المحقق بيعرف وسجلوها شروع بالقتل
رغد : …… وهلأ شو ؟
هيثم : رح وقف معك وخليكي توقفي على رجليكي من جديد
رغد : وبعدين ؟
هيثم : ما بعرف لا تساليني لأنه جد ما بعرف
رغد : يعني ممكن تتركني
هيثم : رغد .. جهزي حالك رح سفرك انتي و مرت عمي عألمانيا مشان العلاج
رغد : …..
هيثم : وهيفا رح سفرا معكن
رغد : ليش ؟
هيثم : اي مشان تتعالج هي كمان
رغد : تتعالج من شو ؟
هيثم : اسأليها هي بتخبرك
قفلت رغد الخط مصدومة وزعلانة من كلشي صدمات متتالية عم توجعلها قلبها .. حاكت هيفا وعرفت بمرضها .. بكيت كتير ونسيت على شو عم تبكي .. حماتها حاولت تقتلها وهيثم يلي قال يمكن يتركها .. رفيقة عمرها مريضة سرطان
=======================================
على كرسي متحرك وصلت رغد بيت اهلها مع شوفير هيثم يلي بعتو
نهال : حبيبتي يا رغد اشتقتلك يا عمري
رغد : امي … ( ضمتها وبكيت كتير )
نهال : شبك حبيبتي ؟
رغد : ما بدي سافر
هيفا : رغد ؟؟؟ ( ركضت عليها وضمتها )
نهال : اسمعي قال ما بدها تسافر تتعالج
هيفا : وانا ما رح سافر
رغد : اي تعالجي هون مو لازم سفر
=======================================
في بيت ام سعيد ….
سعيد ونور عم يحكو عالموبايل ونجوى وسامر عم يسمعو الحديث
نور : لك عم قلك الطفل يلي ببطني مشوه
سعيد : وممنوع تنزليه
نور : بس ….
سعيد : تتزكري بس نجوى دعت عليكي الله يحرقلك قلبك مشان بتضلي تعايريها ؟
نور : انت عم تتشمت ؟
سعيد : لغاية مبارح انا عم بعمل المستحيل لنرجع سوا بس اليوم وقعتي بشر اعمالك بطفل بيكون ابني
نجوى : بس مو انا السبب ( تبكي )
سامر : هسسس حبي لا تبكي
سعيد : الصبي ممنوع تجهضيه وبس يلا سلام
=======================================
في بيت بكر …
بكر : الو حبي
هيفا : حبي ؟؟
بكر : اه حبي بحبك بحبك بحبك
هيفا : ……
بكر : ما بتحبيني ؟
هيفا : بكر اسمعني .. انا مريضة و ….
بكر : هسسسس يا مجنونة انا بحبك ورح صل معك لتطيبي ونتجوز
هيفا : ……. لأ اعذرني بكر ما رح اقدر
سكرت هيفا الموبايل وشالت الشريحة منو وكسرتها
تاني يوم الصبح …
نهال : مين عالباب ؟
زينة : انا زينة
نهال : تفضلي فوتي
زينة : خالتو وين هيفا ؟
نهال : لحظة لناديلك ياها
رغد : مين عالباب ؟
زينة : مين انتي ؟
رغد : انا رغد ؟
شهقت زينة من الصدمة …
زينة : رغد ؟؟ مو انتي !!!
رغد : اي حبيبتي انا مو مقتولة ليكني هههه لا تخافي انا رغد مو شبح
زينة عم تطلع عالكرسي المتحرك بحزن …
رغد : بس الحمد لله ما عاد اقدر امشي
زينة : يا حبيبتي المهم انك بخير
نهال : وين هيفا يا رغد شفتيا شي ؟
رغد : اي طلعت من شوي عأساس مشوار وراجعة
زينة : طيب انا لازم روح هلأ بس تجي خبريها اني جيت سالت عنها
بعد ساعات …
هيفا بالمطار طلبت تحكي تلفون …
هيفا : الو
رغد : هيفا وينك انتي ؟
هيفا : بالمطار
رغد : مطار شو ؟
هيفا : رغد كان نفسي ابقا بالبلد وموت واندفن فيها بس انا مضطرة سافر .. لازم ابعد ما بدي حد يتزكرني ويبكي علي بدي موت وما حدا يعرف
رغد : يا مجنونة ارجعي .. انا بدي ياكي ارجعي
هيفا : رح سكر .. امانة ديري بالك على خالتو نهال وهيثم والله بيحبك بس هو بصراع التفكير .. قلبو بين امو وخطيبتو اعذريه رح يضحي بحدا كرمال حدا بس والله هو بيحبك كتير
رغد : الوووو الوووو … سكرت ( تبكي )
=======================================
في المحكمة …
حكمت المحكمة حضوريا على المتهمة هند احمد الرائدي و دلال ناجي احمد بالسجن لمدة عشر سنين
ولا زال البحث مستمر عن عصابة ملوك التخفي ……
======================================
بعد 4 سنين …..
نهال : ام سعيد كيفا نجوى ؟
ام سعيد : والله الحمد لله بعد كم شهر بتولد حامل ب44 سوا الحمد لله صبرت وهاي نتيجة الصبر .. وكيف رغد وهيثم ؟
نهال : هيثم ما ترك رغد ابدا .. على طول معها بكل خطوة خصوصا بعد وفاة صديقتها هيفا والله قطعت قلبنا عليها
ام سعيد : كيف عرفتو انها توفت وهي مو بالبلد ؟
نهال : والله هي كانت كاتبة رقم رغد على دفتر وكانت تتصل كل فترة من رقم شكل تطمن عليها .. واخر شي اتصل جارها وخبر رغد
ام سعيد : الله يرحمها يارب
نهال : وشو صار مع نور ؟
ام سعيد : عم تاخد ابنها كل يوم على دكتور شكل بس الكل عم يقول هالتشوه ما الو علاج
نهال : الله يشفيه ويعافيه
=======================================
في بيت بكر …
زينة : حاج حزن يا بكر والله ما بيسوا هيك
بكر : رح ضل هيك لحتى روح لعند هيفا .. اكيد هي بالجنة ما ؟
زينة : اكيد بالجنة .. واكيد روحها شايفتك وما بترضى تتعزب كل هالقد
بكر : بحبها بحبهاااا
زينة : الله يرحمها يارب
=======================================
هيثم و رغد في ألمانيا ……
هيثم : حبيبتي اسندي علي اي هيك يلا امشي خطوة لشوف اي هيك يلا شيلي ايدك عني وامشي لوحدك
شالت ايدها رغد وصارت تركض بالبيت …
رغد : اصلا من شهر بمشي بس عم اتدلل مشان استند عليك وابقا على طول بحضنك
هيثم : يا مجنونة عم تدللي علي ااخ تعي لهون تعي لا تهربي
رغد : ييييي نسيت قلك .. غلط اركض انا
هيثم : ليش ؟
رغد : لأني حاااامل
هيثم : لك متى رح تعقلي انتي ؟
رغد : هههههههه بحبك
هيثم : من شهر لهلأ عم تدللي علي ما
رغد : هههههه اي
هيثم : سكرولي هالشاشة مشان شوف شغلي معا
هيثم بصوت عالي : بحبك يا مجنوووونتي
#انتهى
