وصلو رغد ونهال البيت وصارو يتلفتو ليشوفو وين سيارة الشوفير .. وهنن عم يتلفتو دق موبايل رغد وكان المتصل هيثم
رغد : اي حبيبي انا على باب البيت ما عم لاقي الشوفير يلي بعتلي ياه
هيثم : لك شوووو على باب البيت شو عم تحكي انتي انا ما بعتت شوفير بسرعة اركبي انتي وامك بتاكسي و …..
سمع هيثم صرخت رغد وامها وبسرعة ركب سيارتو ليروح ينقذن
عم يمشي بأقصى سرعة بالسيارة
لحتى وصل وشاف يلي ما تمنى يشوفو ابدا
(رغد .. حبيبتي قومي عرسنا قرب .. رغد يا عمري .. رغد ليكي انتي قوية كتير ما رح تتركيني .. رغد لا تتركيني)
وصل الإسعاف واخد رغد يلي غرقانة بدما واخد امها يلي غابت عن الوعي
هيثم شغل سيارتو ولحق الإسعاف وهو عم يبكي .. دق جوالو من رقم مجهول واول ما فتح الخط .. صوت قاسي كتير ومرعب عم يضحك .. ويقلو قلنالك ابعد عن رغد والا بنقتلها .. قلنالك اتركها والا بنخليها تترك هي .. ما كنت ترد علينا وعامل فيها روميو !! مو حرام تخلينا نقتل بنت متل الوردة حلوو وصغيرة كلو بسبب عنادك
رمى هيثم الموبايل عالكرسي الخلفي من القهر وتابع طريقو للمشفى …
(مين يلي اتصل وهددني ؟ مين بيتمنى اترك رغد ؟ يعني صحيح مرت عمي (ام رغد) ما بتطيقني بس مستحيل تضر بنتا)
=======================================
تاني يوم في بيت ام سعيد ……
ام سعيد : والله كان قلبي حاسسني يا الله ياريتني ما تركتن يطلعو من باب البيت .. حبيبتي يا رغد وين رحتي وتركتينا بعدك صبيه .. ما ضل لعرسك الا شهر .. عرسك بالجنة احلا ياعمري
سعيد : امي مشان الله اهدي .. ما رح اخدك لعند خالتي وانتي بهالحالة
نجوى : نوووور يا نووور تعي جيبي مي مرت عمي شبك ولي غابت عن الوعي مرت عميييي
ما بينت نور ضلت بغرفتا وما اهتمت لشي .. راح سعيد ركض عالمطبخ جاب مي وراح عغرفتو جاب عطر وصارو يفيقوها
فاقت ام سعيد وما قدرت تتحرك ولا تحكي نيمها ابنها سعيد بتختا لتقدر تواجه مصيبة فقدان رغد مع اختها نهال .. يلي ما الها بالدنيا غير رغد
=======================================
في بيت نهال …
هيثم : مرت عمي انا ما رح اترك يلي حاول… يعني قصدي يلي قتل رغد رح اعرف مين هو ورح حاسبو وعد بس بعد تسكير بيت الأجر بعد 3 ايام يعني
نهال : (عيونا حمر متل الدم) ما بدي افتحلا بيت اجر
ام سعيد : لا اختي ما بيصير لازم نفت….
نهال : خلص عم قول ما بدي يعني ما بدي
هيثم : خلص خالتي ام سعيد تركيها براحتها مو ضروري العزا الحزن بالقلب
نهال : شو صار بالتحقيق ؟
شو يلي اعطى القوة لنهال لتسأل عن قضية قتل بنتا ما حد بيعرف .. الكل سكت واتطلع فيها بإستغراب
سعيد : خالتي .. ارتاحي انتي لا تفكري بهيك شي
نهال : ليش حد بيفكر ببنتي وبيحبا متلي ؟!!
سعيد : اكيد لأ بس ….
هيثم : سعيد بيقصد انو مو وقت هالحكي مرت عمي بعدك تعبانه .. مو هيك سعيد ؟؟؟
نظرة خاطفة من هيثم لسعيد كانت كفيلة انها تخلي سعيد يتنحنح وينزل راسو بالأرض .. نظرة شك من هيثم لبكت سعيد كل هالقد !!
=======================================
بعد الحادثة بيومين ..
الصبح راح هيثم للشركة وملامح الحزن عم تغطي وشو
هيثم : صباح الخير انسة هند .. لا تفوتي حدا لعندي ولا تحوليلي اتصالات ماني رايق
هند : خير استاذ شو في شبك ؟
هيثم : ولا شي متل ما عم قلك ساوي من تم ساكت
هند : حاضر استاذ
فات هيثم عالمكتب وقعد ورا مكتبو وصار يتذكر اللحظات يلي عاشا مع رغد ( حبيبي هاد الفستان حلو لا لا غالي كتير ما بدي .. ههههههه حبيبي شو نعمل حفلتنا بأوتيل انا بحبك الك وبدي ياك الك ومو مهم وين نعمل عرسنا المهم نكون سوا .. موووو مصدقة متى رح نجتمع انا وانت تحت سقف واحد لحالنا .. وحبك حبك كتيييير اكتر ما عم حبك هلأ )
دق باب المكتب وما انتبه هيثم فتحت هند الباب وفاتت
هند : استاذ
هيثم (معصب) : لك الف مرررررة قلتلك دقي الباب قبل ما تفوتي
هند : استاذ انا دقيت انت ما س…
هيثم : انقلعي من المكتب
هند : فتت مشان اعطيك فنجان قهوتك بعتذر استاذ
فتلت ضهرا ومشيت بإتجاه الباب للحظة عرف هيثم غلطو وانو جرحها بلا ذنب
هيثم : انسة هند
هند : اي استاذ
هيثم : يسلمو عالقهوة وبعتذر منك ما قصدت…..
هند : لا تكمل كلامك استاذ الله ير… عفوا قصدي …
هيثم ( بإستغراب ) : تعي لهون
وقف هيثم وقرب لعند هند
هيثم : شو قلتي؟
هند : الله يسعدك
هيثم : لا لا مو هاد يلي قلتيه
هند : لكن شو ؟ شو بدي قول يعني ؟؟
هيثم : انتي بتعرفي
هند : لا ما بعرف شي انا قلت الله يسعدك لأنك متدايق بس
هيثم : ارجعي على مكتبك
صار هيثم يفكر .. هند قالت الله يرحما بس ما كملتا وهي كانت تحبني قبل ما اخطب رغد وما حد بيعرف انه رغد … لحد هلأ الا انا واهل رغد حتى اهلي ما عرفو .. وسعيد كان يحب رغد قبل ما نخطب وامها كانت بدا تجوزا ياه وبس قرب عرسنا انا وياها …. ! معقووول ؟ مين !! سعيد ولا هند ؟؟
=======================================
– المحقق عمار معك .. ممكن تشرفنا عالمكتب ؟
هيثم : اي حاضر نص ساعة وبكون عندك
في مكتب المحقق ..
هيثم ( حط فنجان القهوة من ايدو وعدل قعدتو عالكرسي ) : طيب بشو بتؤمرني ؟
– بمين بتشك ؟
هيثم : رغد .. كانت طيبة كتير وحبابة وما في حد بيكرهها لهيك ما بشك بحدا بس في كم معلومة رح خبرك ياهن
=======================================
اول حدا حقق معو سعيد ….
– وين كنت بوقت وقوع الحادثة ؟؟
سعيد : بالبيت
– احكي بالتفصيل وين كنت ؟؟
سعيد : يا سيدي .. كانوا عنا خالتي نهال وبنتها رغد واجا اتصال لرغد انو اجا شوفير خطيبها يوصللها بدلة العرس واستعجلو وروحو وانا فتت لراضي مرتي لأنها كانت متخانقة مع امي .. مشاكل عائلية المهم اني والله ما طلعت من البيت
– ووووووووووه .. لا وكمااان سمعت انه كانت في علاقة بينك وبين المغدورة !!
سعيد : كيف عرفت .. يعني بقصد
– انا هون ما حد بيسألني كيف عرفت .. احكي منيح لأرميك بالحبس لتعفن
سعيد : حاضر سيدي .. ما كان في علاقة انا كنت حبها وهي كانت تحب هيثم .. وانا اقتنعت انه كلشي نصيب وتجوزت وعندي طفل الله وكيلك يا سيدي انا ماااا ……..
– وبس قرب عرسها هي وهيثم من الغيرة قتلتها
سعيد : والله ما قتلتها يا سيدي والله ما قتلتها انا ما بقدر اقتل نملة
كان المحقق يخلق التوتر خلال التحقيق مع سعيد .. لحتى يعترف بقتل بنت خالتو رغد بس كان متمسك بكلمة والله ما قتلتها يا سيدي
وبعد التحقيق تبين انه سعيد ما الو علاقة بالجريمة وما في اي دليل انه هو القاتل
*********************
