السلام عليكم ورحمة الله وبركاته ، أعزائي المشاهدين، و أهلا بيكم في أولى حلقاتي ( الشيف عائشه 👩🍳) 😁
انهارده هعمل توست النوتيلا اللذيذ اللي الكل هيحبوا و هيعجبهم اوي😍
ورقه و قلم يا ست الكل و اكتبي معايا المقادير😚
هنحتاج ياست الكل (يا جميل يا حلو انت😂)
اولا ٤ قطع من التوست
١ بيضه
١ قطعه من الزبده
و اخيرا ٤ ملاعق من النوتيلا ( بس اوعي تحطي نفسك😍🙈😂😂😂)
نطلع فاصل أعزائي المشاهدين انتظروني😙
(وبعد ما رجعت من الفاصل 😁🤭)
اهلا بيكوا أعزائي المشاهدين مره اخرى دلوقتى هنفذ طريقه التوست، و اللي هيا
١_ هقوم بتقطيع حروف التوست ( ممكن استفيد بيها في حجات تانيه مترميهاش و هنعمل حلقه عنها😁)
٢_هجيب التوست و احشيه نوتيلا و ألفه أو ممكن توسته فوق توسته ( زي طوبه فوق طوبه يعني)
٣_ بعد ما اخلص كل ده هجيب البيضه و اكسرها في طبق و اغطس فيها التوست ( زي ما واحد عاجبه واحده و هما على البحر ف يعمل غطس ينزل ما يطلعش🤭)
٤_و اخيرا هجيب الزبده و هجيب التوست اللي اتغطس و هحمره كأني بحمر بانيه ( بس طبعا مش هملئ الطاسه زبده ديه امك تولع فيكي ده يا دوبك معلقه و تحمري فيها التوست)
5_ واخيرا بقى بجد يقدم ساخن
و السلام عليكم ورحمة الله وبركاته اشوفكوا في حلقه جديده من حلقات (الشيف عائشه👩🍳) انتظروني و لو عجبكم شجعوني 😙🤭😁
