اولا شكرا لأي حد بيكتب تعليق حلو على الروايه😚
ثانيا اتمنى اللي بيشوف الروايه في صمت تكون عجبته اما اللي بيكتب تعليق فا اتفضل قلبي ♥️
اما على الجانب الآخر من روايتنا وقبل الخبر الذي صدم محمد
يجلس هو ليحتسي قهوته في تلك الاستراحه الفاصله بين الحصص و بعضها ليأتي له صديقه سراج
سراج : عمرو شفت استاذ حسين كتب كتابه بكره
عمرو : اللهم بارك عقبالك يا سرج
سراج بمزاح : لا يا عم الله الغني و يكمل بخبث : و كمان انت الاول يا عمور و لا ايه رأيك لينهي كلامه بغمزه
ليقول عمرو بغموض : أن شاء الله قريب
ثم يشرد في محبوبته ليقطع ذلك الشرود
صوت الجرس معلنا عن بدأ الحصه الرابعه
ليذهب سراج و عمرو كل واحد لحصته
بعد وقت طويل بعض الشئ تنتهي الحصه الرابعه ليتقابل عمرو و سراج مره اخرى
ليقول سراج : عمرو انت عندك كام حصه
عمرو : انا كده فاضلي حصتين و هروح و انت
سراج بمزاح و هو يلكمه في كتفه : زيك يا زميلي
عمرو بمزاح : في مدرس لغه فرنسيه يقول زميلي
سراج بغضب زائف : اه يا عم انا في حاجه
عمرو بخوف زائف : لا ياعم مفيش
ليكمل بجديه : يلا يا خويا ورانا حصص
سراج بمزاح : يلا يا صاحبي
يذهب سراج و عمرو لكي يكمل كل واحد عمله في تلك المهنه المشرفه و هي مهنه التدريس ليخرج كل واحد بعض وقت طويل ليقول سراج : انا خلصت
عمرو : و انا كمان
سراج بمزاح : حلو نخرج بقى و نتغدي غدوه حلو كده زيك يا عموري ايه رايك
عمرو : لا يا خفيف انا هروح اكل انهارده في البيت ليكمل بنهم شديد : اصل تيته عامله محشي ورق عنب و بط
سراج : اوبا...... لا ده انا عازم نفسي عندكوا انهارده
عمرو : ماشي يلا بينا
يذهب كل من عمرو و سراج لبيت عمرو ليدخل عمرو و يقول : تيته سراج معايا
لتدخل عليا غرفتها بسرعه و تقول ماجده : خليه يا حبيبي يتفضل
ليقول عمرو : اتفضل يا سراج
ليدخل سراج لتقول ماجده : نورت يا حبيبي
ليقول سراج بأحترام : ده بنور حضرتك يا تيته
ليقول عمرو بمزاح : طب و انا مليش في الحب جانب
لتقول ماجده : ده انت الخير و البركه ياحبيبي
ليقول سراج بمرح : ايوه يا سيدي
ليضحك عمرو ليقول لماجده : هي فين عليا
ماجده في اوضتها يا حبيبي
عمرو : طيب انا هدخلها
ماجده : و سراج
عمرو : هيقعد في اوضتي على ما اكلم عليا و بعدها ابعتها لحضرتك و اقعد انا مع سراج على ما حضرتك تحضري الاكل
ماجده : طيب يا حبيبي انا رايحه المطبخ
يذهب عمرو بسراج لغرفته ليقول لسراج : دقيقه وجاي البيت بيتك
سراج : خد راحتك
يذهب عمرو لغرفه عليا و يدق بابها و هو يفتحه ليقول بمرح : لولو عامله ايه يا قلبي
عليا بأبتسامه حاولت جاهده إخراجها : الحمد لله يا حبيبي
عمرو بقلق : مالك يا عليا
عليا و هي خارجه من غرفتها حتى تذهب لجدتها : مفيش حاجة انا رايحه لتيته
ليجذبها عمرو من يدها و يجلسها على سريرها ليقول : عليا حبيبتى فيه ايه
لتبكي عليا و تبدأ في سرد حكايه بنت عمها نور و ما فعلته و ورطه عمها في أن يزوجها
ليقول عمرو بحنيه : متقلقيش يا حبيبتي كل حاجه هتبقى تمام روحي انتي ساعدي تيته و بعد كده هنشوف الموضوع ده ماشي
عليا و هي تمسح دموعها : ماشي
و تذهب من الغرفه ليذهب عمرو غرفته و هو شارد ليقول سراج بقلق : خير يا عمرو فيه ايه
ليقول عمرو فجأه: انا هتجوز بكره
ليقول سراج بصدمه : ايه.......
رايكم 😚 + توقعاتكم 🤔
