وبالعله كنت أحافظ على دراستي كنت أكتم اللي فيني واحاول محد ينتبه لي بالفعل بنات المدرسه مانتبهو إن فيني شي كانو يحاسبوني هاديه و ضعيفة شخصيه لين ما انقلت بنت لمدرستنا كانت معي بالإبتدائي تعرفني زين كانت قريبه مني وتعرف شخصيتي لكن بوقتها شكت إن البنت اللي تعرفها هي انا انا عرفتها وحاولت أتجنبها لين جت واسألتني اي مدرسه كنت أدرس بالإبتدائي تأكدت إني البنت اللي تعرفها استغربت من شخصيتي المهزوزه محد يدري عن اللي فيني كنت احاول قدر الإمكان اخفي مافيني ودي ألعب معهم اركض بساحه مثلهم وادافع عن نفسي لكن مقدر زاد معي النسيان صرت أنسى أمس وش سويت بضبط وضغط المدرسه واجباتها وضغط أهلي للأسف كان لعمي دور في كسر شخصيتي كان يضربني وانا اندس منه بسبب تافه ساعد على كسري من الداخل هذا غير عمي المتشدد اللي كان يبي يحرمني من الدراسه ويقول لي وانا توني بالمتوسط خلاص تعرفين تقرين و تكتبين ماله داعي الدراسه يعني وش بتصيرين قلت له وش بصير قال لي البنت نهايته بيت زوجها غثني كلامه وخفت يأثر على أبوي أما امي ياعيني عليها مابيدها شي تسوي و أم ابوي اللي هي جدتي اللي اكون أنا حفيدتها تأخذني وتمشيني وتخلين ادخل البيوت اطلب مي وتتركني وتروح وتاخذني للبر وتتركني وتروح بعد لكن كنت ادل البيت وارجع مدري ليه تسوي كذا تعاملها معي كويس لكن حركاتها غريبه ليه تقطني وتروح لكن كنت ادل البيت والحق وراها وعماتي كانن يحاولن يفشلني عند العالم لدرجة مره زارهم ضيوف وكنت عندهم نادتني عمتي وقالت لي جيبي مربه قلت مربه مربه قالت اي انا استغربت وش تبي بمربه عند الضيوف الضيف يتقدم له حلا وقهوة وش دخل المربه سالتها عن مكانه وقالت لي وين رجعت لها مره ثانيه خفت اني ماسمعت صح وش تبي بمربه واكدت علي إنه مربه وعلمتني مكانه بتحديد رحت وجبته لها يوم دخلت عند الضيوف إلا تضحك علي بصوت عالي وتقول لي مو مربه ويضحكون الضيوف وانا متأكده قالت مربه وحددت لي بعد المكان ولقيت بنفس المكان تتمصخر علي والكل يضحك عصبت ورميته عندها وطلعت والضيوف هم اللي ينادوني سكرت الباب بأقوى ماعندي ورحت لبيتنا حالتي تزود سوء لكن مقدر اكلم أحد محد مني قريب بيتنا كله ضرب وهواش تعبت من الصراخ لزمت السكوت بكل شي لين جاء اليوم اللي تبعثرت فيه وتشتت زياده فوق شتاتي خالتي حلمت حلم فسره الشيخ انها مسحوره هي وامي قراء عليها واغمى عليها خوالي كانو ينتظرون امي تجيهم ولا علمو احد جاء العيد وزرنا خوالي خوالي اخذوا امي والغريب جانا خالي قال لنا إن راح ننام عندهم استانست من زمان ابي خوالي ابي انام عندهم طولت النومه واكتشفت الأمر عرفت إن امي وخالتي مسحورات تكلم الجني اللي بداخل امي وقال إن جدتي أم ابوي هي اللي ساحرتها تكون خدامه عند ابوي صدمه بحياتي غيرت كل شي فيني كلم خالي ابوي وماعجبه ابوي الوضع طلبو يجي يشوف بعينه رفض تعالجت امي وابوي طلق امي وقال لنا الشيخ أحيانا يكون الجني كذاب يعني مو جدتي لكن انا كنت الاحظ عليها شي غريب كان يجي طفل و رجال وسيارتهم ددسن يوم الجمعه بصلاة الجمعه مافي احد تعطيه شي ماعرفت وش هو وهي كانت تحاول تتخلص مني كانت تمشيني وتتركني بأماكن المفروض ما اكون لحالي مدري اذا بالفعل هي سحرت امي او لا وليه تهدم بيتنا
وانا حفيدتها ليه تحاول تضيعني عن البيت قلت لخوالي قصة هذا الطفل والرجال لكن محد تحرك منهم وابوي طلق امي وصل الخبر لأمي وانا بما اني الكبيره خيروني بين امي وابوي وانا احدد مصير اخواني أصعب خيار ضليت أكرر أبيهم اثنينتهم لكن رفض ابوي قال يا انا يا أمك استسلمت قلت يوم عندك يوم عند امي رفض قال شي نهائي يا انا يا أمك اخترت امي صرت المسوؤله عن اخواني أحرم نفسي واعطيهم وهم ياحليلهم نفسي يحرمون حالهم ونعطي بعض لين جاء يوم سمعو خوالي بزواج ابوي اخذوني انا وخواني إلا الصغار خلوهم عند امي قطونا عند ابوي هذا الشي زاد في ضعف شخصيتي دخلت البيت اللي عانيت منه وطردنا ابوي وجت لنا جدتي واخذتنا داخل وانا كارهتها وعمتي تسب بخوالي وتسولف جدتي معنا وسالت عن اختي الصغيره وقالت قدامي يعالها الموت اخ يالكلمه
عرفت وقتها ان عرس ابوي بكره كانوا بياخذوني رفضت تزوج ابوي وعشت عند عمامي كانوا اذا هن يبن ينامن حبسنا معهن بالغرفه ويقفلنها اختي كانت تخاف قمت انومها بحظني وجنبي اخواني محرومين نشوفهم وحنا نفس البيت فصلو العيال عن البنات خلوهم بدوانيه بالحوش كنت اروح لهم ما همني احد ونضحك مع بعض ورحت مره لهم ويوم رجعت قالت لي اختي إن عمتي تسولف عني وتقول تروح لدوانيه عند اخوانها علشان يدخل رجال ويشوفها تسولف بعرضي انقهرت قهر طبعا محرومين نكلم امي او ابوي لكن كان معي جوال داسته رجعت لاخواني خليت احد يراقب الباب وكلمت امي مانتبهت الا انا بكيت وحده من خواتي صغيره وتخاف تندس بحظني كانها بتدخل داخلي تعبت على كتماني اول مره خواني يشوفون ادموعي كنت احاول اكون قويه علشان يحسون بالامان ماقدرت ومرت الايام وتذكرت الرجال و الطفل اللي يجون يوم الجمعه كنت منتظره هذا اليوم وجاء الجمعه وقررت انا واختي نتناوب بنوم لكن نمنا كلنا ماقدرنا نقاوم وفزيت من نومي بسبت احد داس علي طلعت عمتي وجدتي نفس التوقيت طلعو شي من الكبت انا كنت نايمه عند الكبت وعطوه بالفعل في شي مخبينه مع هذا الرجال والطفل وليه نفس اليوم ماعرفت شي غير انهم يعطونهم شي ملفوف مو مبين وش فيه و جت لي جدتي تسولف هي واختها سوالف وسخه عن وحده انخطبت و قامن يتكلمن عن جسمها وانا جالسه وناظرت لي ولمحت لي انها بتزوجني وانا يابنات توني على الزواج ولا أفهم شي بتزوجني واحد راعي مخدرات ويشرب قال ايش عادي تربينه بيدك وش اربي اربي بغل رفضت ورحت اسولف مع اختي وقالت لي بيحبسونك وتطلع عمتي بدالي وتعطيهم الموافقه خفت صدق يصير هذا الكلام قررت اهرب واخذ اخواني واروح لأمي لكن مشكلت الحراسه المشدده علينا قمت اخذت عباتي وغسلتها وشريتها برا بالحوش وقررت اهرب الصبح كاني بسوي لأخواني فطور قعدت و كلعاده بداء التحقيق رحت واخذت اختي يعنني بتساعدني سويت الفطور ورحت لأختي الصغيره النايمه اقعدها غصب كاني بوديها الحمام وخليتها تطلع من ورا البيت من باب ثاني يوديك للحوش تروح لاخواني بدوانيه وراحت ورحت انا واختي لاخواني وهربنا ورحنا لخوالي ودقيت على ابوي قلت له طلب نرجع رفضت وعشت عند امي و دخلت محاكم و سني صغير عليها وعلى مين على أبوي بسبت انه قال يصرف علينا وهو ما يصرف ودخلنا خالي المحكمه علشان كلامه وعلشان امي تكون ولية الأمر بالفعل صار الحكم لصالحنا لكن كل هذا وانا محترقه من داخلي والوسوسه والقهر ضل بحياتي كملت دراستي ما وقفت رغم كل شي حتى نفسيتي التعبانه و وسوستي حاولت أعالج نفسي بنفسي تخرجت من الثانوية بنسبة جيد جدا بنسبه لي انجاز وكملت الجامعه ما وقفت بنسبه لصلاة قمت احط قدامي مثل الاعواد كل ما صليت ركعه طويت وحده واما الوسواس أتجاهل قدر الإمكان احاول أتجاهل اما الخيال مازال عايش معي انخطبت وطلب ابوي يشوفني رفضت اروح له قلت له يجي رفض كنت بروح له لكن منعني خالي قال لي يمكن يأخذك ولا يطلعك ويحرق قلب امك فيك كنت بشوفه تزوجة وانا بالجامعه وشرطت اكمل دراستي وكملت وتخرجت بنسبة جيد جدا بعد نفس نسبه الثانوي قطعت أبوي ٨ سنين حاولت اوصل لرقمه وصلت له وكلمته عرفت إنه مشتاق لنا تعبني البعد عنه كثير أيام مرت كنت ابيه جنبي جبت بنت وانا بالجامعه ادرس لكن كملت لأن اخر سنه لي حاربت وحاربت وصلت للي ابيه تخرجت بشهادة الجامعه لكن الوسوسه و الخيال لسى فيني بس بنسبه قليله بس مأثر على حياتي الزوجيه وخايفه ادمر حياتي بسبتها وبنتي تضيع معد يقدر زوجي يتحملني وكل اللي مريت فيه ترك فيني أثر عميق جدا جدا وهذي هي قصتي وابوي صرت اتواصل معه واتس بدون محد يدري نفسي تعبانه من كل شي حتى زوجي عصبي لكن قلبه طيب وعصبيته هذي ادمر اذا تكلم وهو معصب دمرني معد اقدر اكمل معه احس ما قدر اعطيه حقه واريحه ودي ازوجه يعيش حياته وتكون بنت الناس تريحه
