السلام عليكم ً.
أنا جلست أفكر وأفكر قلت حنا عضوات مسجلين بنك نيم باسماء مستعاره يعني محد يعرف الثاني وهذا أجمل مافي النت ..
قلت هنا أحسن مكان لكلامي لاني احب هذا القسم وحسيت انه ينفع هنا لذا نرجوا عدم نقله مهما كانت الظروف ..
أنا قلت ان هذا الدنيا دنيا زوال "فانيه"وكلنا نردد هالكلمه بس بدون مانستشعرها لذا تجدونا دائماً في هم’ مشاكل’ لهث دائم حول هذا الحياة الدنيا ومن اسمها دنيا يعني دنيئه سافله حقيره ماتسوى شئ ومن خلال تجاربي في الحياه وجدت بالفعل ان المعاصي هي سبب حرمان الرزق
مثال .. صديقتي كانت عاصيه بكل معنى الكلمه وكانت تخسر حياتها تدريجا بسبب لعب الشيطان عليها وشوي شوي تخسر تخسر لما اصبحت وحيده وبصراحه ماكانت هذيك المعاصي كانت فقط :
تغتاب تسمع اغاني تلبس قصير وعاري وبنطلون وتنمص حواجبها وتكلم ولد عمها على امل حب عذري وزواج وفي تلك الاثناء كانت تخسر اشياء بالتدريج بدون ماتحس خسرت دراستها واصبحت فاشله بعد التفوق وشوي شوي خسرت خواتها وامها واخوانها واهلها كلهم وقرايبها صارروا مايثقون فيها ويشكون فيها وولد عمها قفل جواله ولا عاد يتصل بها وخسرت صديقاتها وخسرت جمالها اللي اصلا ماكان موجود وفجاه لقت نفسها وحيده حتى انا تخليت عنها مو في ارادتي لكن لظروف واشغال الحياه ويمكن ربي كان بيعلمها درس وييها ترجع له المهم تقول فجاه احسست بفراغ روحي وحزن وياس اخوانها ماعاد يلقونها بال وحالتها كسيفه وتقول فجاه كنت جالسه في البيت قلت ليه مااادور في بيتنا اتمشى غرفه غرفه ودخلت مكتب اخوها وهو اللي كان يدرس فيه لقت كتاب "الجواب الكافي لمن سأل عن الدواء الشافي " لابن القيم <<بشتريه ان شاء الله
وهو اللي غير حياتها وجدت ان كل اللي صابها كان بسبب ذنوبها وان ربي حتى لو اعطاها شئ من ولادتها ومن طفولتها راح تخسره وذلك بسبب معاصيها لما كبرت وصارت تقرا الكتاب كل يوم من هول الصدمه وصار تدعي بهالدعاء اللهم اني استغفرك عن جميع الذنوب التي اعلمها وعن جميع الذنوب التي لااعلمها واتوب اليك واشتغلت بالاستغفار وارجعت تدعي ربها والحمدلله اللحين هي كلمتني ودخلت الجامعه بفلوس زوجها ونسيت اخبركم زوجها اخلاق ودين وغني واللحين هي حامل .....وملكه جمال بنظره وبنظر اهله وانا زانت بعيني صااارت بيضاء وتقول مااستخدم شئ !!!
استغفروا واكثروا من العمل الصالح ... واسعوا بالخير بين الناس وترا اهمها صلة الرحم
ياقاطعات الرحم
كم لك ماكلمتي خالتك ’عمتك ’جدتك ..كلميهم بس مو لازم تجين عندهم
لا حول ولا قوة الا بالله ....
على العموم انا اتمنى اني احصل اجر كبير من ربي على موضوعي هذا واتمنى ترفعونه كل شوي عشان الناس تدعي لي ويكون عمل خير وتذكير وعشان اكون سبب في قيام الاخوات بعمل صالح .
الموضوع عجبني يابنات ونقلته للفائدة
وبددا انا بنفسي واترك لكم المجال تتكلمون
انا صرت اقرا سورة البقره يوميا وصيام الاثنين والخميس والله يبنات راحة نفسيه عجيبه الحمدلله
يلا اتحفونا 🌹
