** آهات مبعثرة **
##########
الجزء الثالث 3⃣
##########
جابر : حوالي 25 سنه و راعي مشاكل وسكييير وراعي مخدرات .. بس صراحه املاااااكه وفلوسه اعمتني عن كل شي
حصه بخبث : هههههههه مايهم المهم الفكككه من اللي تتسمى لجين
جابر : ههههههه وانتي الصادقه
لجين حست رجولها مو شايلتها وطاحت ع الارض وهي مصدوومه من اللي سمعته ..
لجين تكلم نفسها : يعني فوق كل شي سووا فيني
يبووون يزوجوني حق واحد سكير وراعي مخدرات
لااااا لااا وش صاير في الدنيا ...
سمعت حركتهم حاولت تنهض ودشت غرفتها قبل لا يطلعون ..
جلست بالزاويه واتكورت وحطت رأسها ع ركبتيها وظلت تبككككككي وهي منهااارة ....
# أه . من الم يعتصر قلبي... وليس كأي الم.. آهات مبعثرة تجول في داخلي... كادت ان تفطر قلبي.. ... أه من اوجاعا تؤلمني... ااااااه .... #
ونامت من الارهاق بدون شعوور .......
####
سمر : ااااه يمه مااقدر اوصف لك شكلها والعلامات اللي على وجهها .. غير اني عرفت مدى خبث عمها وقساوة قلبه ..
أم سمر : ياقلبي عليها ... وانتي شلون خبرتيها عن النزهه
اكيييد ماحد بيوافق انها تطلع .. مافكرتي يعني
سمر : ماادري يمه .. انا ابي لوجي تكون معنا ماتحلى اللمه الا معاها
أم سمر : يصيير خير ..
الساعه 5 عصرا ::
قامت لجين وهي تحس بجسمها مكسر ومتوجعه ...
شافت الساعه واستغرربت ان مرت عمها ماصحتها وصارخت فيها ك العاده ..
نزلت من غرفتها بعد مالبست لها جلابيه بناتيه نعومه ..
شافت تلفون الصاله موجود والبيت هدووء .. اتوقعت انهم طلعوا من البيت
اتجهت للتلفون ودقت ع سمر .......
سمر بلهفه بعد ماشافت الرقم : هلااااا لوجي
لجين : اهلين حبيبتي شلونك
سمر : زينه .. شخبارك انتي
لجين بحزن : بخير ... اممم كنت ابي اكلمك بموضوع سمورة بس ماادري شلون ابدأ
بس انا مااقدر اطلع معاكم المزرعه ...
سمر : لاااااااااا ...لجين ولي يسلمك حاااولي معاهم
لجين ماحست الا بيد قويه سحبت التلفون ورمته ع الارض ...
لجين وهي ماسكه قلبها : بسم الله الرحمن الرحيم ..
حصه بصراخ : ليش متخرعه .. شفتي جني ولا شنوو
بعدين انا كم مرة حذرتك تلمسي التلفون وتتصلي .. هااا ماتفهمين صح
لجين بعصبيه : وش فيها لو كلمت رفيقتي انا ماادري انتو شلووون تفكرون ..
حصه وهي تجرها من كتفها للمجلس : اقول ادخلي عمك يبيك بسالفه مهمه .. ونصيحه لاتكبرين راسك .وارضي بكل شي
لجين وكأنها عرفت بالموضوع و دخلت وهي جااامده ...
جابر بإبتسامه مصطنعه : هلا لولو تعالي قعدي
لجين متفاااجئه من شكل عمها : ............
جابر عرف ان لجين مستغربه من لطفه بس عدا الموضوع : لجين قعدي السالفه مهمه
قعدت لجين ع كنب منفرده وظلت تناظر فيه .......
جابر : احم .. تقدم لك واحد وهو سنع والنعم فيه اسمه حمد وانا اعرفه عدل .. وقال انه يحبك وكان يشوفك لما تروحين للمدرسه
وانا خلاص عطيته الموافقه
لجين حاولت تكون قويه : بأي حق توافقون و ماتأخذون شوري
جابر بحزم : ومن متى البنات يعارضون كلام عمهم واللي هو ادرى بمصلحتهم
لجين بعصبيه : اييي مصلحه تتكلم عنها .. سكير وراعي مخدرات واكبر مني ب سنييين وتقول مصلحتي
حصه دخلت المجلس وتدخلت : هييي انتي قصري حسك ولاتتكلمين بهالطريقه مع عمك
لجين: ............
جابر قرب ناحيتها ومسكها من كتفها : وهو يصر على اسنانه وقال ... الملكه بتتم بعد الامتحانات بيومين ..
رضيتي مارضيتي مايهمني لأن مالك شوور .
لجين وهي تقوم : انا ماابيييه ماابييييه
وماهدأت الا لما حست بكف على وجهها ... ظلت تبكي وركضت ع غرفتها وهي تصرررخ
حقييييير حقييييير
حصه :جاابر شحقه هالكف قلت لك تعال لها بالسياسه
جابر بعصبيه : أي سياسه انتي الثانيه .. هذي عنيييييده مااعند منها
ياربي بتذبحني بحركاتها ...
حصه بخبث : هدي هدي ومايصير الا اللي بخاطرنا وامل بتتزوج حمد غصبا عنها وين بتروووح منا ...
&&&
في بيت صديقتها سمر :::::
سمر وهي تعدل شيلتها : انا طالعه ...
أم سمر : وين بتروحين يمه هالحزة ؟
سمر بقللق : يمه مااحس بإرتياح بااروح اشوف لجين
قلبي مو مطمني
أم سمر : انتي جنيتي صح .. شلوون بتشوفيها والعقربه مرت عمها هناك
سمر : ماادري ماادري بس بااحاول .. باي
أم سمر وهي تتنهد : في أمان الله
سمر طلعت السيارة ...
السايق الهندي : ماما انتا وين يبغى روح
سمر : ع بيت صديقتي لجين انت تعرفها
السايق : اوك ...
وصلت سمر وخلت السايق ينتظرها ... دقت الباب وهي خااايفه
فتح لؤي الباب :::: هلا سمور
سمر : شلونك حبيبي لؤي وشلون لوجي
لؤي نزل راسه بحزن : بابا طقها وهي تبكي بغرفتها
سمر : نعمممم .. وخر بااروح اشوفها
وهي داخله اعترضت طريقها حصه ..
حصه : حيا الله من جانا .. شلون تدشين بدون احم ولا دستور
يعني ماتدرين ان للبيت حرمه
سمر بنفاذ صبر : أبي لجين وبااطلع غرفتها
حصه وهي تسحبها من يدها :طلعي برااا لجين نايمه
سمر بصراخ : الله ينتقم منكم انتي وزوجك الخبييث
الله يكسر يد اللي يأذيها
حصه بطفش وهي تدفها : يلااااا براا.....
طلعت من البيت سمر وهي تبكي ع لجين ،،
........: شلووون لجين عايشه مع هالوحوووش
الله يأخذهم ...
##########
للكاتبه ::::::: Dįànà
للكاتبه ::::::: ❤Dįànà❤
