** آهات مبعثرة **
##########
الجزء الثاني 2⃣
##########
نرجع عند بطلتنا '''
لجين : ورربي اشتقت ل سمور باانزل ادق عليها ...
نزلت من الدرج وراحت مكان التلفون وشافته بدون حرارة ....
لجين بقهرر : حسببببي الله عليها الظالمه .. حتى التلفون ماسلم منها وفصلته
اكييد ماتبي اكلم صديقتي .. وظلت تبكي وتقول الله ينتقم منهم ..
$$$$
الساعه 11 مسائا ::
جابر ومرته وهم داخلين البيت وشافوا لجين منسدحه ع الكنب والتلفزيون مفتوح وهي لابسه بيجاما ونااايمه وشكلها بريييئ مرة """
حصه وهي تهز كتوفها : هييييي انتي قومي من هني .. دشي دارك
لجين وهي مفزووعه : شصااير ..
انتو متى رديتوا
جابر وهو يناظر فيها بخبببث : لجين روحي غسلي وجهك وتعالي ابيك بموضوع
حصه بإستغراب : جابر وشو الموضوع
جابر : بتعرفي بعدين
لجين قامت غسلت وجهها وردت وهي متوووترة وقعدت ع الكنب ... /
جابر : سمعيني زين .. انتي اكيد عارفه ان باقي أرض لأبوك بالشرقيه وانا الحين قررت ابيعها
بس أبي اعرف منك شي .. متى اشتراها أبوك
لجين وهي توقف وبعصبيييه : نعمممممم.. ماكفاك بيتنا وحلالنا وكل اللي أخذت مني
يارجال حرام علييييك انت مابقيت شي الا واخذته والحين تبي الارض اللي امي باعت ذهبها عشانها
تأخذها ببساااطه ؟؟!! ...
ماحست الا بكف قووي على خدها لما طار الدم من فمها ...
جابر وهو يشد شعرها بقووة : ولاااا كلمه زياده .. تفهمين انطمي ومابي اسمع منك ولا كلمه ...
ولا تتعبين نفسك بالمعارضه كلللل اوراقك واوراق ابوك عندي يعني مااالك اي حق تتكلمي.. فاااهمه
لجين ببكاء : ااااه يعور وخر ايدك ....اكررررررهك اكررررهك.. الله ينتقم منكم
جابر بعصبيييييه وهو يطقها : نعمم .. وربي لااذبحك الحيين
حصه خافت ليذبحها : جااابر ولي يسلمك خلاص فكها فكها .. شهد ولؤي بيصحوا
جابر خلاااص
جابر بصراخ : بعددي خليني اأدبها .. هذي اهلها ماعرفوا يربوها زين
حصه تحاول تمتص غضب زوجها : جابر بتذبح البنيه .. وش بتستفيد لاذبحتها الحين بتتعب في المغافر والسجون
لجين وهي تمسح الدم من فمها وتوجه نظرات نااريه لهم : ...........
حصه : وبعدييين معاك يله طلعي دارك يلا اتحركي...
لجين نشت ودشت دارها وغلقت الباب وانسدحت ع السرير وهي بعااالم ثاني وماقدرت حتى تبكي من القهر ...
# ماذا جنيّت فِي عُمري لأتحمّل كل هذآ الألم يّ أُمي !. #
وبعد ربع ساعه غلبها النوووم من التعب والإرهااق ....
####
يوم جديد ... السبت 7:00 صباحا //
لجين وهي تلبس مريول المدرسه وحطت العبايه ولبست شيلتها .. وطالعت وجهها بالمنظرة وماهي عارفه كيف تخفي علامات الضرب من على وجهها ..
نزلت من غرفتها ...
لجين بدون نفس : صباح الخير ..
جابر يناظر فيها بدون مايرد ..
حصه : صباح النكد ... يلا لؤي وشهد منتظرينك ..
لجين دخلت غرفتهم وبدلت ملابسهم وجهزت لهم سندويتشات للمدرسه ...
لجين : يلا حبايبي انتظروا برا .. باص المدرسه بيوصل الحين ..
شهد + لؤي : انزين ... وطلعوا
لجين عدلت شيلتها وطلعت من البيت بإتجاه مدرستها ...
^^^^^
في المدرسه ::
سمر وهي ترركض وتضم لجين بقوه : لوجي وربي ولهت عليييك ..
لجين بإبتسامه : ههههه خنقتيني
سمر وهي تبعد عنها : تدرين اا....... ومسكت فمها وشهقت وهي تشوف وجه لجين ..
سمر ببكاء وخووف : شصاااير لوجهك ... لجين انتي بخيير
لجين بإبتسامه مزيفه تحاول تخفي وجعها : لاتحاتين مافيني الا العافيه .. سقطت من الدرج ..
سمر بقهرر : لوجي لاتكذبيييين علي ادري انه عمك اللي مايخاف ربه ..
بس ليه طقك وش صاار .. وبعدين انا اتصلت فيك وسمعتني مرت عمك كلام زي السم
لجين وهي تتذكر التلفون المفصول : خلااااص سمور ماودي اتذكر شي .. خلينا ندش الفصل اكيد الأبله سهام جاءت ..
سمر بحزن على حال صديقتها المقربه : مشينا .....
$$$$
في الكلاس ...
الأبله : لجين وش صاير لك ..
لجين بإرتباك : ها .. لالا ماصار شي بس طحت من الدرج
الأبله : اووة .. انزين حبيبتي ركزي معاي ع الدرس وبطلي سرحان
لجين بإبتسامه مصطنعه : اوك ..
سمر وهي تكتب ع ورقه وترميها ل لجين ،،
لجين تأخذ الورقه وتخشها وتفتحها .. كان مكتوب فيها
::: لوجي اتفقنا مع بقيه البنات انو نروح مزرعتنا وننبسط قبل الاختبارات النهائيه .. .. حااولي تأخذي موافقه من عمك .. ولاتقولي لهم نزهه صرفي بأي شي ثاني
لجين رفعت راسها وشافت سمر وأشرت لها انزين ..
انتهى الدوام ورجعت بطلتنا ع البيت وهي تتصنع الابتسامه بعد ماودعت رفيقتها ...
وصلت البيت وفتحت بمفتاحها ودشت وهي مرهقه حيييل ...
طلعت غرفتها ومرت من جنب غرفه عمها وسمعت أسمها بالحوار ..
وقفت تسمع وش السالفه ///
حصه : انزين وهذا الرجال اللي اتقدم ل لجين كم عمره تقريبا ..
جابر : حوالي 25 سنه و راعي مشاكل وسكييير وراعي مخدرات .. بس صراحه املاااااكه وفلوسه اعمتني عن كل شي
حصه بخبث : هههههههه مايهم المهم الفكككه من اللي تتسمى لجين
جابر : ههههههه وانتي الصادقه .......
##########
للكاتبه ::::::: Dįànà
