** آهات مبعثرة **
##########
الجزء السابع عشر 7⃣1⃣
##########
تركي : ها عمتي بشري شلونها
سعاد : الحمدلله زينه بس نفسيتها زفت
تركي بخوف : ليه
سعاد بحزن : تتذكر ي تركي لما قلت لك لاتحكم ع البنت ذيك الليله اللي دعمناها بالسيارة
الله اعلم ايش ظروفها
تركي : ايه ايه ..
سعاد بأسى : قصتها قصصصه وربي ماكانت ع بالي.. بااقول لك وقت ثاني الحين جهز ورقتها نرد البيت
تركي : ان شاء الله عمتي ....
####
في الفيلا الكل يسلم عليهت بحراارة ..
دانه وهي تمسح دموعها : الف حمدلله ع سلامتك وربي خفنا علييك
رغد : الحين انتي شلونك مايعورك شي لجين
لجين بإبتسامه باهته : الله يسلمكم .. انا بس ابي اطلع غرفتي ارتاح شوي
فاطمه : طلعي حبيبتي الله يشفييييك ويردك لأهلك
لجين حست بغصه وطلعت غرفتها ....
اما سعاد حكت للكل قصتها ..... والكل انصدم حتى تركي وصقر عرفوا السالفه
دانه وهي توقف: الله لايوفقه الكلب الخسيييييس
شلون يسوي في بنت اخوة جذيه
فاطمه : ويي علي عليها هذا ضروري ينسجن اللي مايخاف ربه
سعاد : الحين تركي ابيك تشوف خالتها وتبلغها اكيد هي الوحيده اللي تحاتيها
وتشوف خبر عمها ومرته مارح نسكت ابدد ع اللي صار
تركي بعصبييييه : مارح يفلت من يدي ... وطلع من الفيلا ينفذ كلام عمته
####
اليوم الثاني الساعه 10 صباحا ^^
سعاد : يعني شلوون
تركي : ايه عمتي عمها جابر في السجن بتهمه تزوير ومخدرات وقضايا شينه وحالته حاله واملاكه كلها رااحت
ومرته عند ابوها وتطلب السماح من لجين بعد مادرت انها ردت ..
سعاد : الله لايوفقهم يستاهلوا اللي جاهم والجايات اكثر
تركي : اما خالتها بلغت زوجها بكل شي لانها ماكانت موجوده وحطيت العنوان عشان تجي تشوف لجين
سعاد : الحمدلله ... بس تركي خالتها بتاخذها تعيش عندها صح
تركي بحززن بس مابين : ماادري ماادري .. انا طالع
سعاد : الله وياك .. وطلعت عند لجين تصحيها وتبشرها بالخبر ...
####
رد تركي بيته وطلع دارة وهو حده مخنووق..
دانه : تركييي لحظه شوي ... وطلعت وراة ودخلت الغرفه
تركي بعصبيه : دانو شتبي
دانه : وي شفيك علي .. انا ابي اتطمن شصار بخصوص عم لجين وخالتها
تركي : قال لها السالفه .... والحين طلعي ابي انام
دانه وهي شاكه : تريييك ليكووون حاط عينك ع البنت والحين بياخذوها منك
تركي بعصبيه :دانه طلعي بررررررا ..
دانه: زين زين ... اكلتني بقشوري .. وطلعت تبشر رغد وريم باللي صار
$$$$
الساعه 4:00 العصر ببيت سعاد //
سعاد : ها يمه جاهزة
لجين وهي مبسوطه : ايييه وربي مشتاااقه حيييل لخالتي سارة
متى بتجي
سعاد : ههههه شوي وبتجي
كانت لجين لابسه بلوزة بيضاء وتنورة دانتيل طويله
ولافه شعرها وحاطه كحل وجلوس وطالعه تهببل ..
سمعوا دق الجرس ولجين ركضت نحو الباب وفتحته بدون ماتشوف من ..
لجين شهقت وغلقت الباب وطلعت فوق ..
سعاد بإستغراب : لجين شصاير يمه ...
دخل تركي وهو يضحكك : سلام هههه عمتي ..
سعاد : وعليكم السلام .. شفيك
تركي وهو يجلس ويتذكر شكلها وجمالها : ماكو شي بس لجين فتحت الباب اكيد توقعت انها خالتها...
سعاد : وي اكيييد هي الحين منحرررجه خلني اقوم اشوفها ..
تركي وهو ينسدح ع الكنب : يحليلها وجهها انصبغ ألوان ... وتذكر انها بترد مع خالتها وحس بغصصه ...
####
لجين وهي منحرجه :وييييي فشللله انا شسويت
سعاد وهي داخله الغرفه : هههه لافشله ولاشي بعدين تركي كان عارف انك تحسبيه خالتك سارة
لجين حددها مستحيه : خلاص مانيب نازله ولما تجي خالتي تطلع هني
سعاد وهي مبتسمه : انزيين...
####
بعد نص ساعه جات سارة وهي تبكي من الفرح ..
سعاد سلمت عليها وطلعتها غرفه لجين اما زوج سارة ظل بالمجلس مع تركي .. ..
سارة وهي تدق الباب :.....
لجين : هلا يمه سعاد دشي
سارة ابتسمت .. اما سعاد مشت عشان تخليهم براحتهم ..
دخلت سارة الغرفه ولقتها تناظر من الدريشه وماهيب منتبهه للي دخل تحسبها سعاد ..
سارة نزلت دموعتا بغزارة وهي تشوف حبيبتها لجين اللي جابر حرمها منها سنين ..
لجين وهي تلتفت : اقول يمه خالتي ما........ وشهقت لما شافت سارة امامها
سارة وهي تفتح يدها للجين : لجين ...
لجين ماهيب مصدقه ان خالتها حبيبتها قدامها ...ركضت وهي تشاهق وارتمت بحضن سارة
سارة : اااه ي حبيبه قلب خالتك وين كنتي عني انتي ماتدري شلوووون صرت بعد مااختفيتي
الله لايسامحك ي جابر ...
لجين تبكي وتتمسك بحضن خالتها وكأنها لقت الامان اللي تدور عنه من سنين بعد موت امها .....
سارة : ااه ي لجين ماتدري شلون انبسطت وحزنت لما عرفت بكل اللي صار لك
بس انبسطت حيييل انك كنتي بأمان طوول هالفترة
مانيب قادرة اجازيهم واجازي سعاد ع اللي سوته ..
لجين : خالتي اشتقت لك حيييييل ...
سارة : وانا وربي ماقدرت حتى البس ملابسي من الفرحه لما قال لي زوجي
##########
للكاتبه :::::::: Dįànà
