السلام على من يرد السلام ❤️
ابدايه الموضوع حابه احجي كم شغله توضيحيه
كنت ع علاقه صداقه مع رحيق الملائكه ( ملاك)
فتره معينه .. بعدها صار خلاف بينه
خلاف بسيط وتافه يصير بين كل صديقه وكل اخت وبكل بيت
وبعدها ادخلو كم بنت حاولو يكبرون الموضوع
وتواصلت وي رحيق وكلتلها اني ارفع دعوه حتى ابري نفسي .. وكذلك وصلتني تهديد بالضابط الي تعرفه رحيق .. بدون ذكر الصله
واني ك أي بنت خفت يصير شي وينذب براسي
تواصلت وياها وكتلها هذا الكلام .
وبعدها سائت حالتي الصحيه وتنومت مستشفى
لسلامه حملي وماسويت أي شي يسيئ
لرحيق الملائكه
رغم هواي تفاصيل ماريد اذكرها ..
المهم والاهم اني ما اذيت رحيق ولا وصل مني أي شي الها واتمنى تجي وحده تكول لا
واتمنى رحيق تكول لا انتي اذيتني أو وصلني تبليغ او أي شي من هذا القبيل
اقسم بالله وباهلي وكل شي عزيز عليه
انو ماوصل مني الها أي شي سيئ نهائيا
بعدها اجوي 3 بنات ع أساس كانو ع تواصل و رحيق
ونشرو اني مهددتها بصورها وبالموت وشغلات لا تعقل !
واني كل هذي الفتره مهتمه بحملي ووضعي الخطر
واني قسما بالله وبكل شي عزيز
ماعندي أي صوره للبنت ولا صفحه بالفيس ولا رقم لزوجها مدري منو
حسب ما كالو البنات انو رحيق كايله الهم اني مهددتها بصفحه زوجها ع فيس مدري رقمه
اني شنو اسوي بصفحه ويين عرفتها ورقم زوجها وين عرفته !
كله كلام تلفيق
والصراحه ماعتقد هذا الكلام كايلته رحيق عني
مامعقوله تكول هيج شي !
المهم الموضوع انتهى وخلاص
هذا كل مافي الموضوع .. كل شخص التهى بحياته
رغم كل للاذيه الي صارتلي
وكل تجاوز وغلط وفشار سكتت عنه
دفعه بلاء عني وعن الي ابطني لا اكثر ..
وسلمت امري لله وحده وسكتت
هسه بالجديد .امس عرفت رحيق اهنا
للعلم اني ماعندي أي شي وي البنت
وحتى ماشايله بقلبي عليه ولو ذره حقد
اقسم بالله وبامي وبنتي
المهم امس الصبح كعدت من نوم وصلتني سكرينات لان عندي اهنا صديقات مشتركات
رحيق تقصد وحده ومبين من خلال الي قريته هي اني
ودعاء عليه وماعرف أييش
صح الاسم ما مذكرو بس العاقل يفهم
تاذيت كلش وصلت مرحله ابجي .!!
اني ليش حتى ادخل ع رحيق واتمشكل وياها!
شنو عندي وياها !
ماعندي أي شي بالعكس اني البنت احبها
وتربطني بيها ذكريات حلوه متنسي
اني مو بنت حرام انسه العشره وانسه الأيام الحلوه
الي اريده والشي الي خلاني أحمل هذا البرنامج حتى اكتب كل هذا
وجنت اكدر ادز كلام بيد أي بنت .بس ردته يوصل مني اني شخصيا لان ماكو ثقه
اني عن نفسي زوزه الي اغلبكم يعرفها
ماعندي أي حساب وغير مسؤله أي حساب يدخل باسمي
أي وحده حابه تسوي هيج شي في سبيل تخلق فتنه
مارح ابريج ذمه ( ورح تلكينها بزوجج وباطفالج وبرزقج) وباعز ماتملكين
والي حسابه اسمه بياض الثلج تواصلت وياها لبارحه
وكالت اني قديمه بهذا والبنات يعرفوني بس جديده بحياه برو
وكتلها روحي كولي انتي مو زوزه والبنات مدام يعرفوج رح يوضحون انتي مو اني لان بسببج
يوصلني دعاء وشغلات مو حلو
ولهسه ممبينه
أتمنى اذا تشوفين هذا الشي تحجين
بس اذا جان عاجبج الي يصير وبسببج داتاذه ف براحتج
رب العالمين موجود
اني ماعندي أي حساب ولا مسؤله للمره الثانيه
أتمنى هذا الكلام يوصل للكل وتعرفوه
أني ممسؤله أي شي يصير
الدنيا مو امان ممكن يصير شي وينذب براسي
ف اكررر اني مادخلني
والي حابه تسوي هيج لعبه .. ف خافي ربج
خافي ربج اثنينه حوامل ونتاثر بالهوا الطاير
معرضين للضغط وللسكر
واثنينه حملنه صعب .. ف بذمتج الي تحاولين تاذينه
أي شي يصير بينه أو باطفالنه
احترامي الكم ❤️
