انا اسمي ربى والكل بنادوني روبي .. لقبي مستر بين وعمري 16 سنه ..
تركت المدرسه مع اني كنت شاطره فيها وكانت في معلمه مصريه بتناديني " المرقعه " بسبب اني كنت ارتبلهم كل شي في المعارض واهتم بالديكور واصنع مجسمات من اشياء بسيطه بس كانت تبين رائعه وكانو كل المعلمات يحبوني لاني كنت دائما بوقت الاستراحه او بحصص الفراغ اساعد الاذنات واشتغل عنهم وكنت ادخل بالاعمال التطوعيه بدون اي تفكير ..
لما صرت صف تاسع تفاجئت ببابا بيحكيلي هاي اخر سنه الك بالمدرس .. حاولت اني اقنعو بأي طريقه .. بس بدون فائده .. حكيت مع معلماتي واستدعوه للمدرسه وحاكوه بس ضل على قرارو ..
بابا حنون واحن انسان بالدنيا بس هو بخاف كتير علي بطريقه بتجرحني .. كل شي ممكن يخطر على بال اي بنت بجيبلي اياه من عطور ومكياج والعاب ودائما ملابسي ع الموضه ..
يأست منو وصرت اروح على المدرسه عشان صاحبتي مريم ..
مريم صاحبيتي من وعمري 9 سنين .. كنت انا واياها على الحلوه والمره دائما مع بعض وحتى بابا كان يمر عليها لما يوصلني وياخدها معي ..
بالصف التامن صرت كنت راجعه على البيت معها واجت بنت اسمها ايمان وحكتلها : هي زيد يا مريم ..
اطلعت علي مريم وحكتلي والله انها كذابه انا بس حكيت انو حلو.. وانا صدقتها لاني كنت بحكيلها كل اسراري .. واسراري مش هديك الاسرار كلها كانت عن بابا او عن بنات عمي ..
مرت السنه ونجحت انا وطلعت على تاسع بينما رسبت هي ..
وضليت معاها زي الاول بالتمام بس هي ابصر ليش صارت تكرهني وكل م احكي كلمه عن الدراسه تحكيلي انتي شايفه حالك .. وتغيرتي وتكبرتي مع اني والله ما تغير ابدا ..
صرت اتجاهل كلامها واكمل معها عادي ..
في يوم اجت عندي بنت اسمها ملك ابراهيم وهاي من اوقح بنات المدرسه ..
بتحكيلي انو مريم بتحكي عني اني بطلع مع شباب وبحكي معهم ..
ما صدقتها انا لان هاي مريم مستحيل تعمل هيك بس كل بنت بتشوفني بتحكيلي نفس الكلام اخر شي حاكيتها بالموضوع حكتلي انا وانتي ما بينفع نكمل مع بعض انا بفرق كتير عنك .. حكتلي كلام كتير جرحني عن حياتي وعن تصرفات بابا معي وكل اشي كنت احكيلها اياه عايرتني فيه .. وتركتني ..
من بعدها ما صاحبت اي وحده ومرت السنه وبطلت دراسه ..
كانت عندي معلمه اسمها سماح حكتلي بما انك بتعرفي تكتبي قصص اكتبيها وانشريها .. وانا من يومها حطيت الكلام براسي .. صرت بالبيت وبطلت دراسه بس ما استسلمت .. بالعكس .. صرت اتعلم اللغه التركيه وانا حاليا بعرف احكي تقريبا نص اللغه والبعض تعلمتو من الاغاني .. وحاليا تركت التركيه وقررت اني اتعلم الانجليزي اول .. بابا ساعدني وصار يحاكيني بالبيت بالانجليزي وانا برد عليه وبغلط كتير بس بصلحلي ..
قرأت 17 روايه وتعلمت من خلالهم كيف صيغة الكتابه وبلشت اكتب بروايه اسمها " لا تستخف بأنوثتي كي لا ابعثر رجولتك " حاليا انا بصفحه 345 وكل اللي قرأوها حكولي انها رائعه وانا رح اكملها وانشرها .. بتعلم رقص الهيب هوب وبصور فيديوهات بحتفظ فيها لنفسي .. كنت بس ارسم كاريكاتير بس حملت تطبيقات لتعليم رسم ثلاثي الابعاد وتقريبا صرت اتقنها ..
بعرف اطرز وبعرف اسبح وهوايتي اني اوقف على حواف الاماكن المرتفعه واتصور سيلفي سواء على جبل او على سور الاسطوح او على شباك عالي ..
بحب الطبخ بس ما بعرف اعمل شي غير الاندومي بس بحاول وبضل مع ماما في المطبخ ..
بابا كتير عصبي وما بحب اني اخطلت حتى مع بنات عمي ..
بحبو كتير وهو كمان بس ما بعرف ليش بيعمل هيك معي ..
انا مش من زمان معي تيليفون .. عن جديد وهو رضي اني احط هاد التطبيق بتيلفوني لانو للبنات .. انا ما كنت بعرف كيف بدي احط صوره شخصيه بس بعدين عرفت كيف وانا بفتش في التطبيق والزلمه اللي انا حاطه صورتو هاد بابا راسل ..
انا كان كل هدفي من التطبيق اني اتسلى لاني عنجد بسجن ما بحاكي حد وحتى بنات عمي يلي بقتل حالي عشان اشوفهم بضلهم طول الوقت يتوشوشو عني وبفوتوا على غرفتي وبفتشو بكل شي وبصيرو ينتقدو فيه ويحكولي انتي زي البنات الصغار والحمد الله اني انا مش مكانك وكلام طالع نازل وبرخصو بأغراضي دائما .. وشو ما بحكي مش رح تستوعبو الاشياء المعقده يلي بحياتي بس مع هيك بضحك وبمزح وبلعب لان عندي امل كبير بمستقبلي .. وانا قدها ورح اكون كاتبه بأذن الله .. انا بصلي وبحياتي ما فوتت يوم صيام الا لعذر .. انا متفائله وانشالله كل امنياتي رح تتحقق ..
بابا مزبوط بيضربني لما اعمل شي بس هو حنون وانا رح اضل احاول اني اغيرو ..
انا كان نفسي يكون عندي رفيقه تحبني عنجد والحمد لله لقيت بهاد التطبيق مش بس رفيقه وحده رفيقتين وهمه ام جنى الحلوه واروجه وانا فرحانه كتييير لهاي الصداقه ..
بنات .. انا جاهزه لاي اسئله وبتمنى انكم تعطوني رأيكم بصراحه واذا مو مصدقين كلامي فحابب احكيلكم اني انا ما تربيت على الكذب وانو اللي في الصوره بابا ..
وشكرا الكم ♡
