النصف_الاخر الحلقة الرابعة ٢
ساجد قال هاد مابده يستحي.. مسك التلفون قبل لأمسكه منه وشاف اسم آدم عالشاشة وكنت مسجلته حبيبي.. تطلع فيه وماقال شي ورد عليه.. قله نعم؟ بهاللحظة آدم سكر الخط بعد ما سمع صوت ساجد.. وساجد قلي مين الشب اللي رد عليه؟.. حكيتله مابعرف.. قلي مابتعرفي ومسجليته...... ماكمل الجملة لحتى يختصر المشاكل مع بابا.. وبابا شك وتطلع فيه نظرات غريبة وحكالي بس لأنك تعبانه!.. حسابنا بكرا.. خلي ليلة هالجنان تمضي على خير وبكفي!.. نامو وبكفي.. صرخ علينا.. وكلهم طلعو وضليت مع ميس.. قالتلي آدم كيف برن بهالوقت.. نفضحتي!.. قلتلها مابعرف شي.. انا خايفه وبس.. مرعوبة.. بقسملك انه شفت واحد جنبي بمنظر مزري.. انا خايفه.. حكتلي انا جنبك بس ابعتي لآدم مسج قليله شو صار حتى مايرجع يرنلك أو يوخد موقف.. بعتله مسج قلتله أنا تعبانه كتير واهلي كانو جنبي ماترن هلأ.. انا رح برجع احكي معك.. بعتلي انتي متغيرة ومابعرف شو بصير معك.. عكل حال لو بدك ياني رنيلي انا مارح احكي معك.. رميت التلفون وضليتني صاحية وميس رجعت تغفى جنبي وخايف ينعاد اللي صار.. وكل اللي بدي ياه يطلع الصبح واخلص من هالليلة.. ماقدرت اغفى أبداً وضليت اتطلع على القميص اللي جابته ميس من غرفتها.. لحد ما شي قلي قومي وحطيه بالخزانه منظرة مو عاجبني وموترني ومخوفني.. خفت ارميه من إيدي أشوفه متشكل على هيئة حدا جنبي أو ميس لابسته وواقفه قبالي.. كان عم يجيني كتير تهيؤات مخيفه.. لحد ماوصلت باب الخزانه.. فتحتها لأرميه فيها.. تطلعت.. لقيتها فاضية ومافي ولا أي قطعة من ملابسي
يتبع..
Mahmoud Salloum
