لك كل ما افتحله لجوزي سيرة أو قصة ، أو مصيبة ، أو أي شي صار معي ، بيعزفلي السنفونية الشهيرة وبقلي : أنتوا النسوان #بربع_عقل
ناقصات عقل ودين ، لا تكملي واسكتي😐
آخر شي عصبت منو وقلتلو: ع أساس أنتوا أبو العقل الكامل المتكامل ، بربي ما بتعرفوه للعقل غير بكتاب العلوم 😏
قلي : أثبتيلي أنو نحنا هيك طيب😛
قلتلو ماشي وكل واحد مننا انطعج ومسك جوالو ودار وجهه 😏
كانت الساعة 8 ، بلشت أمسك جوالي وبحبش صفحته عالفيس لقيتو منزل موقع صراحة ، فتحت كمان على صفحة رفقاته بالحارة الكل منزل هالموقع ، وك حتى عمي أبو جوزي منزل موقع صراحة 😂
😂😂😂
#فتت ع صفحة جوزي كتبتلو : لك أنا معجبة بلحيتك ريتك تؤبر ألبي بس لو تخففها بتطلع بتشل😍❤
#وفتت على صفحة جارنا أبو حدو كتبتلو : شو واثق بحاله وشو قلبو قوي ، قلبي بعضلاته دايب مستوي ❤ شايفتك من البلكونة❤
#وبعدا_فتت على صفحة أبن الجيران وكتبتلو : أنا معجبة فيك شفتك مرة بالشتوية لابس كنزة صوف خمري ، أنا خايفة يكون الحساب هاد مو إلك يارب تكون انتا يا رب❤ #عاشق��_الأسمر❤
#أخر_فتل��_عند_حساب_الحجي أبو جوزي 😂😂
فتت ع حسابه كتبتلو: السلام عليكم ورحمة الله وبركاته
طالت فترة غيابك ، ولم تعد تزور المسجد ، عسى المانع خير ، مللت انتظارك أمام شرفة منزلي ، لقد اشتقت إلى رؤياك مجددا" ❤ المعجبة المجهولة...
بس خلصت وبعد كل مسج بعتو سكرنته ولفيت رجل على رجل😂
مافي خمس دقايق جوزي ترك موبايله ونط عالمراية وصار يشوف لحيته ويقلي بالله حلوة دقني😍 ؟!
وإذا خففتا ما أحلى بطلع 😍
قايم احلقا ازبط ما😍
.......
بعد ما حلقا وخففا أنا قلبت ع ضهري أضحك 😂😂
فرجيتو السكرين وأنو أنا بعتلو ع موقع صراحة وفرجيته شو بعتت للجيران😂
قلتلو قوم نكفي السهرة عالبرندة
😂😂
طلعنا عالبرندة لقينا أبو حدو واقف بالشيال عالبرندة ونافخ عضلاته ، وعيونه يمين شمال ، ومن كتر مو شادد رح يطق😂
عالبرندة التانية ابن الجيران لابس كنزة صوف خمري بعز دين الصيف ، والعرق عما يشرشر منه ، بس كرمال عاشقة الأسمر تشوفه 😂
ما في ثواني طلع الحجي ، لابس كلابية بيضا وريحة البارفان واصل عالطابق الرابع ،
قلتلو الحجي الحجي يمكن رايح عالجامع يشوف الطيرة😂😂
قلي : مستحيل ولوه ، من ساعة صلّى العشاء بالبيت 😯
بعدين ماخرج يصلي بالجامع رككيبو ما حاملينه ..
لا لا مستحيل يروح😯
ناداه بالصوت العالي وقال شووووو حجي وين راااااايح
قال عالجامع صلي العشاء
قلو : حجي من ساعة شفتك صليت
رد عليه عمي وقال استغفر الله وأتوب إليه بدي صلي مرتين الك عند عكازتي شي 😠
أنا متتتتتت ضحك 😂 قلتلو شفت بعينك كيف ؟!، هي اثبتلك أنو النساء يلي بتحكوا عنها بربع عقل قادرة تخلي أكبر رجل منكم بلا عقل 😂😂😂😂
ودمتم سالمين
بقلمي الخطير
#أم_النصر_
#تابعوني_بصفحتي سردات أم النصر
#بصراح��_لابقى_تصدق_موقع_صراحة😆
#بربع_عقل_وهيك_كيف_لو_اكتمل_القمر
