كيفكم حبايبي ؟ يارب تكونو بخير و صحه و عافيه يارب❤️ اليوم حعطيكم خطوات بسيطه للمكياج اليومي بحيث تكوني مريحه للنظر في اعين غيرك😍 طبعا يكون وجهك نظيف ومرطب و لأنو صباح لا تفكري تحطي فاونديشن فل كفر ! حتى في الافراح انا ما اطيق الفل كفر احب احط كميه كبيره من الفاونديشن العادي وادمجه بالفرشاة وبعدها ببيوتي بلندر رطبه عشان تشفط الزايد💅🏻المهم نرجع لموضوعنا لازم تستعملين بيبي كريم عشان يكون خفيف على وجهك و كمان عشان الناس اللي تشتغل فا حر وقرف ! وبعدها ثبتيه بباودر خفيييفه 😍 وحطي بلشر مع شوية برونزر على اطراف الوجه والبلشر ع الخدود طبعا 💗 ومن نفس البرونزر بفرشاة دمج الايشادو حطي في جفنك وتحت خط الرمش😍و حطي ماسكارا وإذا تبغي ايلاينر حطي بس ضروري تعرفي ايش شكل عينك :( والحواجب ارسميها بباودر رسمه خفييفه وتكون فاتحه يا بنات لا ترسمون مربع من قدام😩 وحطي روج حلو خفيف يناسب لون وجهك و حطي هايلايتر في مدمع العين برأيي ذا افضل شي للصبح للوك حلو و خفيف😍لا أشوف وحده تحطه بالمدرسه 😂يارب تكونو استفدتو من الموضوع واذا تبو اتكلم عن شي تاني قولولي من عيوني😍
