يا هلا فيكم بنات تراني جديدة هنا فإذا لقيت مني غلط فأعذروني ما عرفت كيف ابدأ معكم وانا قاعد افكر جاتني ذي الفكرة ^خوش فكرة والله^ الا انط على الجوال وانا اضحك ^ادخلي في الموضوع يا بنت الحلال^واقعد اكتبلكم ^مسويه كاتبه خخخ^ المهم الموضوع يتكلم عن المقالب الزوجية اتمنى القى منكم التفاعل وإنكم تكتبون المقالب اللي صارت فيكم او اللي انتو سويتوها وهبلتو فيها اهلكم وازواجكم ^يا شريرات هههخخ^ وانا ببدأ في يوم كنت مرة كنت مرة طفشانة وما عندي شي اسويه وابو الشباب حاط راسو على الوسادة ونايم وانا اناظره بقهر وفجأة اتذكر مقلب مرة قريته في منتدى وصرت اقول لنفسي ليه ما اسويه لزوجي والا اقوم اتخيل المقلب واضحك ضحكة شرشبيل ^خبرة في الشر خخخ^ واقوم واخذ مسواك هذا اللي من الشجر واسكر كل الانوار حتى صار كل البيت ظلام حتي ما يمداني اشوف صبعي واروح وانزل تحت زوجي واقعد اطقه بالمسواك على راسه لين صحا واول ما صحا الا اغير صوتي بسرعة واقول من ربك زوجي سكت ما دري شي خمس دقايق كنه ما استوعب شان اقول مرة ثانية من ربك علطول قال الله قلت من نبيك وانا ماسكة الضحكة وشوي وبنفجر قال محمد وجيت بقول ما دينك وما قدرت انفجرت ^تقول بالونة^ وبعد ما خلصت من نوبة الضحك لفيت على زوجي لقيته ما يتحرك تميت اطالع فيه وفجأة وفي دقائق معدودة ^ترى متعوب عليها الفصحى^ ما حسيت الا بسنان زوجي في كتفي وانا اصارخ ولما خلص طلع من الغرفة وانا قاعدة اتحلطم وبعدين رحت له في المجلس وحاولت اراضيه بكل الطرق ولكن ما في فايدة ولما تعبت منه رحت الغرفة وتكشخت ولبست احلى ما عندي ورحت عنده وجلست على كنبة بعيدة وسويت نفسي اتابع التلفزيون وهو اول ما شافني جا وجلس جنبي ويحاول يتكلم معي وانا مسويه نفسي زعلانة وبعدين قرب مني وانا تمنعت شوي وبعدين قلته احبك ستتوب الباقي مافي داعي تعرفوه يا ملاقيف ههههخخخ وبس هذا اللي عندي واتنمى منكم التفاعل وترى اللي تشوف الموضوع وتطلع بدون ولا شي ترا تلقاني ناطة لها من السقف^حشى جني مو بشر ^ واسفة اذا طولت عليكم وفي امان الله لحظظظة تراني مستنية التفاعل
