اليوم رح نحكي عن المرأة الحامل ياحلوين ...المرأة الحامل في اول يوم لما تعرف انو هي حامل بتكون فرحة لا توصف شعور ولا أروع خصوصا اذا كان اول بيبي إلها، وطبعا اذا عرف زوجها بيفرح كتير بس ما ببين ،بعدها ياحلوة لما تكملي فرحتك وتتقبلي انك حامل وراح تصيري ام راح تجيكي اعراض متعبة ومزعجة والله يقويكي عليها والاعراض هي:دوخة وتقيء وصداع وألم الضهر وألم تحت البطن والنوم والتعب والخمول وعدم تحمل الرائحة الطعام وغيرها ،وهي الاعراض رح تستمر ثلاث اشهر يعني انتي طبعا رح تتقبلي هي الاعراض لانها أشياء طبيعية وتصير مع كل ست ويمكن زوجك يدعمك فيها ،والآن رح ننتقل للمرحلة الثانية وهي الأشهر بسموها اشهر العسل ،ليش؟؟لأنو معظم الستات بتصير حالتهم طبيعية وجيدة حتى نفسيتهم تتحسن في هي المرحلة بيعرفو جنس الجنين وكمان تبلشي تشتري تياب وتجهيز لبيبي تبعك ويالله ما أحلى هي الفترة بتجنن بتكون كل الاوضاع مستقرة،عرفتو ليش نسميها اشهر العسل لأنها بتكون زي العسل بتكوني فرحانة ومبسوطة ونفسيتك عالي العال والجنين فيها بيتحرك وبتحس بالأمان معو وتطمئني عليه ربنا يخليكي مبسوطة ودومها عليكي يارب وهي الإشهر تبدا من الرابع والخامس والسادس ،ااه ونسيت شغلة اقولها إلي هي الشهية بتصير مفتوحة تاكل اخضر واليابس وتتوحمي وتشتهي اكلات حلوة ومرة بصحتك ياسكرة ،كملنا اشهر العسل يالاه قوليلها باي ياحلوة ،هلأ جاي الاشهر الاخيرة الي تبدا من الشهر السابع وهون بنصير ندعي وندعي لانو فترة صعبة شوية ياسيدي والله صعبة نفسية وجسديا،،خلونا نحكي عن نفسية شوي وشو بصير معا،اولا التوتر لانو قربتي الولادة والخوف ويمكن إكتئاب والي بيصر معهم اكتئاب اكثرية يالي ماعندهم محفزات مثل الاهل او زوج وبتحس كأنها بتحارب لحالها خصوصا من الزوج والله يا حبيبتي حابة قولك لا تستني حدا يدعمك انتي دكتورة نفسك زوجك ياحبيبتي بيتعلق بطفلك لما يجي على الدنيا بس لما ليكون في بطنك لا يكون مشتاق يحملو ويحضنو ،وهون انتي توتري وتكتىبي وتتعب نفسيتك ،والان بنحكي على الجسد الله يعينا رح تتغير هرموناتك معنتها رح يتغير جسدك وتتنفخي ويضهر كل الالوان في وجهك إلا الون الاحمر ورجليكي منفخة وعينك ذبلة وما تقدري تتحركي والالم في البطن والظهر وووووووو على كل حال الله يقومنا بسلامة ونجيب اولادنا بصحة وعافية ويرزق كل مشتاق ولا تنسو الدعاء والاستغفار هو الي يحسن كل شي واعتني في نفسك لانو هي احلى ايامك لانو رح تلتقي بقرة عينك حاربي على شانو وكوني قوية فالجنة تحت اقدامي والله يرزق كل محروم عاجل غير آجل يااااااااارب
