مرحبا يا صبايا
رح احكيكلو تجربتي الصعبة عنجد واللي عشتها لحالي لاني واخيرا فضيت لحتا اكتب شو صار معي مباشرة بعد ما كتبت في موضوعي السابق بسالكم اطلع من المشفى والا اضل
بعدها رحت عالحمام وبحس بساككين بتطلع من رحمي الم لا يطاق فكرت رح اولد رغم الالم بس فرحت ورحعت عتختي اتمددت على جنبي اليسار راح الالم ارحع على جنبي اليمين بيزيد الالم قلت خليني اريح واقعد عادي عالتخت بدون ما امد ضهري
فجاة اجت الممرضة وقالتلي بسرعة اتمددي على جنبك اليسار لان نبضات قلب الجنين انخفضت وفعلا شفتها عالشاشة منخفضة كثير
ومجرد دقيقتة رجعت نبضاته ترتفع وقالتلي الجنين مابيرتاح الا ازا ضليتي على جنبك اليسار فعلا كنت احس انه لما بنام على ضهري او على جنبي اليمين بجيني طلق فظيع وبحاول الطفل يدفش لتحت بس افي اشي بمنعه والرحم بعد مسكر بس مفتوح سانتي بعد ثلاث ايام طلق
المهم رجعت النبضات منيحة طبعا انا كنت منهارة من الالم وحسمي كلو بيوجعني
راحت الممرضة ودغري رجعت ووجها مخطوف وقالتلي بسرعة عدلي نومتك لان نبضات الجنين منخفضة جدا واتوقفت كمان طبعا انا انصدمت وانا اشوف الشاشة انو النبض مختفي 😢
وصارت تعيط عالممرضات i need help
محتاجة مساعدة وقالتلي هلا وباسرع وقت رح ناخدك عالعمليات لان رح نفقد البيبي ازا ما عملتيها وطبعا كنت لحالي جوزي راح مشوار شغل صرلو كم يوم معي
قلتلها اوكي اصلا ما كانت منتظرة مني الاوكي لاني دغري اتعبت الغرفة ممرضات اللي تقيس ضغطي واللي تشلحني ملابسي وتلبسني ملابس العملية واللي بتحطلي اكسجين مشان يساعد البيبي واللي تعملي قسطرة للبول الله يكرمكم واللي تلبسي جرابات وتركبلي جهاز منع جلطات الساق اخدت التليفون ورنيت عجوزي ومن الخوف كنت ارجف وصوتي ما كان طالع مدري شو صار فيه
قلي شوفيه قلتلو تعا بسرعة رح يدخلوني عالعمليات البيبي اختفت نبضاتو طبعا هو عارف قديش انا خايفة من العملية حكيت هالكلمتين وسكرت لان صارو يركضو بسريري لغرفة العمليات والدكتورة الله يعطيها العافية بتبوسني وتقلي لاتخافي لازم هيك نعمل مشان نحاول ننقذو للبيبي انتي تعبتي كتير في حملك وتحاول تطمني انها عملية سهلة
طبعا انا صرت ارجف
دخلوني الغرفة وبداو بتخديري واانا اقرا قران وابكي وادعي وفجاة ما دريت بحالي الا وانا اسمع اصوات حاليي وصوت جوزي عند راسي بقول للدكتور ممنوع تفوت انا مرتي مححبة وبحاولي يغطي شعراتي
انا وين وهوة وين 😒
بس كان بحاول يحكي معي واول مرة بشوفو هيك خايف علي وصوتو بيرجف وكلو حنان بس طبعا انا مش قادرة احكي وسمعت صوت ابني ببكي ساعتها بس ارتاح قلبي 😢😢😢😢
المهم يمكن بعد ساعة لحتا فقت وشفت البيبي وحطوه عصدري والحمدلله رب العالمين ولدت وشفت ابني بصحة وسلامة
الف حمد وشكر رغم كل الالم اللي عشته اتنسى كل اشي مجرد سمعت صوته
يالله اديش انت كريم
يتبع ....... اللي شفته بعد الولادة قيصرية
