- بنات كتير بتبعتلي إنها ساعات بتكسل تقوم للصلاه أو غصب عنها ما بتصحااش لصلاه الفجر أو قيام الليل وفيه اللى كانت بتصلي وبقيت مش عارفه تقوم للصلاه تاني وكنت بقولهم أن علشان حاجه زى دى تتحل عليكم بالإستغفار.. ف انهارده جايبلكم الموضوع عن الكسل وازاى نعالجه...💚
= سمعت موقف لأحد الشيوخ بيقول إنه كان بيُخطب الجُمعه.. بعد الصلاه.. جاله راجل مربي دقنه وشعره.. وباين عليه الإرهاق والهم.. غير مُهتم بنفسه نهائيا.. فقال : يا شيخنا انا كسول.. بنام كتير.. يدوبك اصحي آكل لقمه وانام تاني.. شغلى مُهمل فيه ومستقبلي.. عيالى بيحسوني غريب عنهم.. عندى قله همه وإحباط غير عادى.. اعمل ايه؟ دلني الله لا يسيئك!
- الدكتور عُمر قاله: استغفر ف اليوم 100 مره ع الاقل.. وبعد اسبوع قولى ايه النتيجه.. قاله بقولك كسول وبنام 15 ساعه ف اليوم ومهمل ف الصلاه وف اولاد وشغلي تقولى استغفر!
قالوا يا ابني احنا لحم ودم..بشر.. مُعرضين اننا نعصي ربنا ونعمل ذنووب.. والذنوب بتقل الجسم وتهد الحيل وتحوش العزيمه والهم من القلب وتعلم الكسل والتقل.. اسمع مني بس وهتنبهر بالنتيجة...💜
= بعد 6 ايام الراجل راح لدكتور عُمر.. فضل يقوله لازم ابوس ايدك! بقيت بستغفر 100 مره واكتر ف اليوم وساعات 400 وساعات 1000 مره ف اليوم.. ربنا زي ما يكون حدف ف قلبي النشاط والهمه.. بقيت انام أقل من 7 ساعات واشبع نوم واسعي لشغلي واتفقت ع شراكه جديده ومضيت العقد ولله الحمد! ❤️
- عرفتوا بقي أن الإستغفار بيدوب الذنوب من ع اكتافنا ويجعل فينا النشاط والهمه.. الإستغفار هيخليكي ماتكسليش عن الصلاه ولا عن قيام الليل.. الذنوب بتكون حاجز ما بينا وبين صلاه الفجر أو الصلاه بشكل عام... داوموا ع الاستغفار علشان يكون عندكم القدره ع الصلاه ويكون عندكم نشاط وعزيمه وهمه 💙
- وهتلاقي طاقه كبيره عندك وانك قادره تعملي كل حاجه بدون خمول أو كسل... جربوها وقولولي نتيجتها بعد اسبوع 💜✊
