طبعا كلنا عارفين الفيس بوك كلنا عندنا فيس😅بس طبعا عارفين اول مابنمسك الفون بنبقا خلاص بيسحرنا مش بنبقا عارفين نقفل الفيس
للاسف كمان سعات يبقا الاذان بيأذن🕌🗣وانت مش عارف تقوم غصب عنك الفيس شدك ليه مخليك خلاص مركز فيه اوي
ف حاجه عاوزه اتكلم فيها قبل مااتكلم عن تضيع الوقت اللي بنضيعه عليه بصوا🙄
الصوره الشخصيه اللي بتحطيها دي طبعا مش بتحطي صورتك اغلبنا بل الاكثر مش بيحط صورته بس بنستبدلها بصوره بنوته متبرجه وبشعرها وسعات لبسها بيبقا...الله يعافينا يعني ده كله بتاخدي عليه ذنوب😳اية اه ذنوب مستغربه ليه لما ولد🧑🏻يشوفها كده خدتي ذنب يعني شوفتي الصدقه الجاريه اهي الصوره دي ذنوب جاريه
حاولي تشيلي كل صور البنات المتبرجه او اي بنت👱🏻♀حطي صور اطفال صوره دينيه اي حاجه بس بلاش بنات وحاجه تاخدي عليها ذنوب😔
هحكيلكم ع حاجه بقا كده صاحبتي يعني بصوا:
عندي واحده صحبتي كنا نتفق نذاكر كنا نصحي الساعه7 ف تقولي هفتح الفيس دقيقه وهنبدا مذاكره ااقولها تمام تمسك الفون الاقيها بتكلمني الضهر بتقولي انا لاقيت ف ثانيه الظهر بيأذن😕بجد هي مش بتكذب فعلا مش بتبقا حاسه بالوقت انا كنت كده برضو بس الحمدلله الذي عفاني🤓
حاول تخلي انت اللي تتحكم ف ف الفيس مش هو اللي يتحكم فيك😟ايوه هو اللي بيتحكم فيك تفتح الصفحه دي والشات بتاع صاحبتك وتتكلموا وتتفرجي ع بوستات وتشوفي بوست حلو تنزليه🤦🏻♀كل ده مش بتحسي بنفسك
المشكله ربنا هيسألنا عن الوقت اللي بنضيعه من غير اي فائده ده هنقوله اي ي رب كنت بتفرج ع البوستات😟ي رب معلش اصل اتاخرت ع الصلاه اصلي كنت بكتب بوست قولت هخلص كتابته واروح اصلي🤨
طبعا مش هتعرف تقول كده ومش هيكون عندك اي عذر عن تضيع وقتك ده ولا تأخير الصلاه
استغل الفيس ده ف إنك تنزلي حاجه تاخدي عليها حسنات😀 اعمليله وقت محدد ف يومك خليه حاجه تنفعك مش تضرك حاجه تخليكي تاخدي عليه حسنات يعني اما تشوفي بنوته حاطه صوره متبرجه ادخلي انصحيها😉نزلي بوست ديني الحجات دي كلها هتاخدي عليها حسنات اعملي نص ساعه ولا ساعه ف اليوم اظبطي الفون ع منبه يرن بعد ساعه🤓عشان تفوقي اه خلاص كده وقتي ع الفيس انهارده خلص🤩
إشغلي نفسك شويه عنه بقرأه كتاب مفيد لحد ماتتعودي انك مش تفضلي فاتحه الفيس كتير لحد ماتعلقك بيه يقل😅
انا كنت بقعد طول اليوم حتي وانا باكل😅فاتحه الفيس والله وانا نايمه لو صحيت بمسك الفون افتح الفيس🤣حاليا انا بقيت مش بفتحه خالص بقيت شايفه انه عادي جدا وبقيت بستغرب اللي بيفضل فاتحه كتير
بقيت بحب اقرأ كتب دينيه اكتب حجات دينيه كده
حاولو تبعدوا او تقللو الحجات اللي بتاخد من وقتكم كتير لانها كده بتضركم😟
مش سهل انا عارفه انه هيبقا صعب وهموت وافضل فاتحه فيس شويه كمان بس خلاص ف برنامج بيقفل البرامج بتاعت السوشيال ميديا كلها لمده عدد سعات انتي محدداها نزليه واقفلي الفيس بعد ماتقعدي عليه ساعه وساعتها هتفضلي طول اليوم مش عارفه تفتحيه😅
#انت_اقوي_من_الفيس😅
#إستغلي_كل_دقيقه_لصالحك😍
#amany😎
فريق👈أنتي ملكة👑
@antymaleka
